(( كدش .. وطيحني .. وبلاك بيري ..))
 

يالربع الله يمسيكم بالخير والعافيه ..وكل عام وانتم بخير ..

اليوم القصه ..حول الصدق ..

دعاني أخوي عبدالله سمران الجعيداني ..لزيارته ,ولبية الدعوه ..وجيته وما قصر ابو سمران قام بالواجب وبيّض الله وجهه ..
بس يوم تعشينا وخلصنا قال يابو راشد اركب نبي نروح نتمشى لنا في أحد هالاسواق الزينه بالرياض ونوسع صدورنا ونتقضى <<<<والله من المقاضي
المهم رحنا دخلنا سوق ٍ كبير وزين وكله قزاز بعمارتٍ طويله تلاغي السحاب فوق بالنجوم على طريق الملك فهد ..الوكاد وحنا بالسوق نتمشى وإلى هاك الشاب قدامنا على راسه قشعة سود مدري طلحه نافشها ما يشوف دربه منها قلت ابو سمران هذا ويش قال اتركه ما عليك منه هذا شعره حاطه كدش ابوك الكدش ويش قال ما عليك منه..بس قلت انا مضيقن صدري عقالي اللي على راسي ودي احذفه .. وهذا شايل كل هالعرفجه على راسه الله يعينه ..المهم يوم مشينا شوي يالربع إلى الثاني قدامنا لا بسن له بنطلون من بناطيل الخواجات والبطلون تقول نازلٍ شوي من ورا ... اطالع شوي الله لا تفضحنا وانا اتناوله واروح يمه ابرفع بنطلونه ويوم وصلته وابو سمران يمسكني انت علامك قلت ابرفع بنطلونه الرجال الظاهر ما يحس بنفسه المسكين من المشي ..قال اتركه يابن الحلال انت وين عايش هذا لابسٍ لبسه اسمها طيّحني ..قلت انا ولد ابوي ابوك طيحني وشي طاح حظه وحظ اللي جابه لسوق بعد .. هذاك كدش وهذا طيحني ... قلت عبدالله قال سم قلت كبدي طاحت ..طيحني من السوق قصدي طلعني من السوق الله لا يغضب علينا ..يالربع ..

للتاريخ ...في جيلنا لايست هذه هي الصوره الحقيقيه إنما هناك شباب رجال وعيال رجال ويرفع الراس فيهم ولكن هذه ظاهره موجوده حبيت اكتب عنها في هذه القصيده ..


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
تدري وش اصعب شيّ لا صرت رجّال=إنّك ترافق بالحياة الهلامه
وتدري وش أسهل شيّ في بدع الأمثال = إنّك تجيب البيت شبه إستقامه
مبداء يبيله فذّ تمره وفنجال = وبالٍ وسيع ونطلتٍ للعمامه
الله يجّملني على كل الأحوال = قدم الرجال ولا تجيني ملامه
إن كان ما جبته مثل درة اللال = في ذمتي لغتالها في فطامه
إمّا تجي جيدٍ لمع فيه سلسال = وتصير فالأبداع مثل العلامه
وألا نثرت الملح بعيون الأنذال = وأخفيتها لين إيتجلا عسامه
المرجله ما هي ترا لبست إعقال= لوّ المره تحشم بلبس اللثامه
ولا هيب طيّحني وقصه وبنطال = وخدٍ نظيف ولين هرج اوسامه
ولا هي كدّش وبلاك بيري وجوال = وطقّت بلوت وطلعتٍ بالثمامه
إدخل بسوقٍ زين وتشوف الأهوال= جيلٍ غدا في صفحة العز شامه
في ذمتي لوّ بِدل الحال في حال = إنّه لياكل من سطول القمامه
المرجله قمّه ولا هيب تنطّال = من دونها طاحت ثمانين هامه
يقدر عليها عيال وتعجّز عيال = ومن طالها يأجب عليك أحترامه
لنّه يشرّف جيل ويعلّم أجيال = مدّه كريم وفزعته في إحزامه
سمح النباء حيدٍ للأجواد مدهال =وإن قام جاك العز ساعة مقامه
هذا الذي تلقاه في كل الاحوال= لا باروا اهل النمنمه والرخامه
ما يكتب التاريخ يا كود الابطال= اللي لهم تاريخ مجد وزعامه
حييت ياوقتٍ عن أجيالنا زال = الله يردك قبل يوم القيامه
جاك الكلام ولا بقى شي ينقال = أحذر ترافق بالحياة الهلامه[/poem] .....

...


[CENTER]...هاذي لكل من كلف على نفسه ومر من هنا ..
[URL=http://arabsh.com/99jzez41pkza.html][IMG]http://dc07.arabsh.com/i/01818/99jzez41pkza.jpg[/IMG][/URL][/CENTER]



...




..

رد: (( كدش .. وطيحني .. وبلاك بيري ..))
 

صح لسانك يالغنام
الا والله جبتها مثل درة اللال
نص جميل من شاعر متمكن
وعسى الله يفك شبابنا من هالعادات
الدخيله علينا.
هذا البيت في محله
[color=black][font=simplified arabic][b][center]فـــي ذمـتــي لـــوّ بِـــدل الـحــال فـــي حـــا ل= إنّـــــه لــيــاكــل مــــــن ســـطـــول الـقـمــامــه[/b][/font][/color][/center]
[color=black][font=simplified arabic][b][center]لك كل الود والتقدير[/b][/font][/color][/center]

رد: (( كدش .. وطيحني .. وبلاك بيري ..))
 

الرد على المقدمه
ياحليلك اللي على راس الشاب اسمها افرو
موضه في تسريح الشعر ، واعرفها من حوالي 1975
يوم طبيت تيويورك وشفت التكرن كل على راسه عرفجه طوله

اما طيحني فهذي من موضات الخكارى الجديده وفيه بعد وحده ثانيه
الظاهر انها القفني

وش مدخلك لهالسوق اللي مخصص لها الأشكال ، ترى تلحقك شبهه
او تلحق رفيقك اللي وداك له

ترى ما بعد شفت شئ واظب على دخول الأسواق وبكره
ماعاد تدري منت في يده من البنات والجنس الثالث
ترى الرجال مدور هالأيام

القصيدة
تدري وش اصعب شيّ لا صرت رجّال=انّـك تـرافـق بالحـيـاة الهـلامـه
يعني هالحين حطيت رفيقك اللي وداك السوق هلامه
المرجله ما هي تـرا لبسـت إعقـال=لـوّ المـره تحشـم بلبـس اللثامـه
ولا هيـب طيّحنـي وقصـه وبنطـال=وخدٍ نظيـف وليـن هـرج اوسامـه
ولا هي كدّش وبلاك بيـري وجـوال=وطقّـت بلـوت وطلعـتٍ بالثمـامـه
هذي الزبده

صح لسانك وفكرك
ولا هان راسك
تدري وش المرجله هالأيام
[poem=font=",5,darkred,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
المرجله في عصرنا جاه واموال=ولو كنت طيحني ولوك نعامه
والمرجله كذب ونفاقٍ لدجال = من شان تاصل ماتبي من علامه
والمرجله للدين بياع شيال= ومقلع بتال الليل ترضع مدامه
جيلك تلاشى وانت ما تدري الحال= رجعي ولا تعرف اصول الوسامه
خل ينفعك مبداك اوضرب الامثال= ولوك قبلت الفقر فيك الملامه
تشابهت حالك وحالي بلا جدال= وش عاد ترجي والزمن في عتامه
[/poem]

تحياتي واحترامي

رد: (( كدش .. وطيحني .. وبلاك بيري ..))
 

[font=arial black][size=5][color=olive]صح لسااااااااااانك مليووووووووون يالشاعر فهد [/color][/size][/font]
[font=arial black][size=5][color=olive][/color][/size][/font]
[font=arial black][size=5][color=olive] قصيدة طيبة و جزله و هادفه[/color][/size][/font]
[font=arial black][size=5][color=olive][/color][/size][/font]
[font=arial black][size=5][color=olive] لله دررررررررك[/color][/size][/font]
[font=arial black][size=5][color=olive][/color][/size][/font]
[font=arial black][size=5][color=olive] و صح لسااانك مدد[/color][/size][/font]
[font=arial black][size=5][color=olive][/color][/size][/font]
[font=arial black][size=5][color=olive] شاعر مبدع و رائع[/color][/size][/font]
[font=arial black][size=5][color=olive][/color][/size][/font]
[font=arial black][size=5][color=olive]ولاهنت[/color][/size][/font]

رد: (( كدش .. وطيحني .. وبلاك بيري ..))
 

الله يستر من الجاي
صح لسانك ولله درك
قصيدة هادفه وجزله يافهد
ياسبحان الله انا قلت العام الماضي في رمضان أيضا قصيده
تتطرقت فيها لنفس الموضوع
على هالرابط
[URL]http://www.fatahilah.com/showthread.php?t=31746[/URL]
والله يستر من تواليها
لاهنت

تحياتي

رد: (( كدش .. وطيحني .. وبلاك بيري ..))
 

ابيات رائعه وهادفة
والله يصلح الشباب لما فيه الخير والسلامة في الدين والدنيا
تحياتي لكم

رد: (( كدش .. وطيحني .. وبلاك بيري ..))
 

مبـداء يبيلـه فـذّ تمـره وفنجـال وبـالٍ وسيـع ونطـلـتٍ للعمـامـه
الله يجّملنـي علـى كـل الأحــوال قـدم الرجـال ولا تجينـي مـلامـه
إن كان مـا جبتـه مثـل درة الـلال فـي ذمتـي لغتالهـا فـي فطـامـه
إمّا تجـي جيـدٍ لمـع فيـه سلسـال وتصيـر فالأبـداع مثـل العـلامـه



[font="comic sans ms"][size="5"]الشاعر .. فهد الغنام صح لسانك وفكرك

شاعر مبدع ومتمكن وابيات جميله وهادفه

شكرا لهذا النص الاكثر من رائع

تحياتي لشخصك الكريم [/size][/font]

رد: (( كدش .. وطيحني .. وبلاك بيري ..))
 

صدقت صح الله لسانك ولاهنت

رد: (( كدش .. وطيحني .. وبلاك بيري ..))
 

[b][center][size="4"][font="al-mothnna "][poem=font="decotype naskh,6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
[/poem][color="darkgreen"]فهد الغنام [/color]

بوح مميز وفي الصميم

من شاعر تعودنا منه تقديم كل مميز ورائع

ابدعت وأمتعت شاعرنا رعاك الله

دمت ودام بوحك المميز الرائع

الله يعين على هالعصر والتقليد الأعمى

صح لسانك ملايين ملايين

ولك فائق تحياتي وتقديري[/font][/size][/center][/b]

رد: (( كدش .. وطيحني .. وبلاك بيري ..))
 

صح لسانك وكلك
ولاهنت
اعجابي وتقديري
مع أطيب تحياتي