مالو السلام بقى رفعة إيد ( رد على الاستا
 

( رد على الأستاذ / محمد الأمين محمد الحسن )

[size="5"][font="arial black"][color="purple"][b]الليلة جيت بي إنفعال
تبدي وتعيد نفس السؤال
مالو السلام بقى رفعة إيد ؟
تتباكى زين .. تلعن أبو الزمن العنيد
الخلا بين الناس يخش طاعون فريد
أو قول كمان شيطان مريد
قيد نفوس كل البشر
بي العولمة وسنّالو فينا نظام جديد
ما فيش ولا زولاً نفد
أو عن طريقو قدر يحيد
فيهو القلوب يا خلي
بس زي الحديد
أو قول كمان إمكن تفوت
جبل الجليد
إتنكّرت لي كل شي
واتناست الماضي التليد
زمن البيوت حوشاً كبير
مفتوح علي الجيران جميع
من دون فرز
والناس دي بالنفاج
تخش .. تمرق .. تخش
زي ماتريد
وكان جاك ضيف عز الهجيع
تدخل علي جارك تخش جوّة التكل
من مشلعيبو تضيف علي العندك تزيد
جيرانك الجمبك يجوك
يآزروك ويكابروك
يآنسوك ويشرفوك
واقفين معاك وقفة رجال
أخوان عديل
ما بس جوار
تحلف تقول ..
ياهم ولاد أمّك وأبوك
ولساكا دار تسأل تقول :
مالو السلام بقى رفعة إيد؟
ما داكا كان زمناً جميل
راقي وأصيل
كان فيهو يوت
بحلا المقيل
جلسات مشاط
لي كل حريم الحلة
يتلمن علي الراكوبة
أم ضلاً وريف
وتلقى البنابر والبروش
مصفوفة في ضل الضحى
وتلقى الضحك والقرقراب
بي إلفه تب مافيها زيف
والجبنة ديمة مدورة
فنجانا أبيض وجـد نضيف
والصاج مولع بي هناك
الكسرة بس .. قول يا لطيف
بتشبِّع البايت القوى
وما بتلقى زول طاري الرغيف
وحبوبة أم ظِلاً خفيف
لاما الجهال
تديهم القول الشفيف
تسقيهم الحِن اللطيف
( حجيتك ما بجيتك)
و(يا قمرا أقلبي السمسمي الحمرا)
ود أمبعلو ده مامخيف
وهاك يا حكي
لا يوم بتفتر لا بتقيف
ويمتد حبل الإلفة لي وكت الأصيل
يومي الشمس قبال تميل
يتغدو بي كسرة وملاح
السرة نادت ..
يا .. سماح
سويلنا شاي بي هبهان
موزون مدنكل شاهي صاح
وكان للبن خشي المراح
تلقي البهم تريانة تب
أحلبي لا مِن تفتري
الخير وفير ..
بكفينا حت شاي الصباح
ولساكا دار تسأل تعيد
نفس السؤال
مالو السلام بقى رفعة إيد؟
وانحنا في الزمن العجيب
زمن الجفاف غمر الخصيب
زمناً بضيق فيهو الرحيب
زمن السفر ما بالبيوت

زمن الكلام من غير خيوط
زمن البشر سادا البيوت
زمن المعايش اخطبوط
زمن الدشوش
زمن الكريمات والرتوش
الحلوة بيها اتمكيجت
واتعددت فينا الوشوش
زمن الفقر مفروض فرض
زمن الخلوق دار تنقرض
زمن البيوت عدمانه حتى من القرض
زمن الغرض أصبح مرض
كل البشر مرقت تفتش لي الرزق
كان تلقى سترة وتلقى قوت
يسند رويحه قبل تموت
وجواها كم خاطر بجوط
ماهو الزمن
زمن الفقُر
زمن الجميع صار منبهر
بالعولمة
مسكول .. مسج
إيميل ..وشات
زمن المحنة
بقت محن
زمن الركام
زاد الإحن
زمن العلاقات بالرتب
زمن الضرائب والعتب
زمن العجايب والعجب
زمن الفرح غاب واحتجب
الإلفه بينات الخلق
حّرم بشوفها كضب كضب
والبسمه مابتمرق نقيه
من القلب
كان شفتها .. تحلف يمين
مرقت غصب
وانحنا يا خلّي العزيز
لامن لقينا الحال صعيب
فزينا من بؤس البيوت
وسكنا في بيت القصيد
ولساكا دار تسأل تقول:-
مالو السلام بقى رفعة إيد ؟[/b][/color][/font][/size]

رد: مالو السلام بقى رفعة إيد ( رد على ال
 

بووووووح رائع

يسلموووووووووا

رد: مالو السلام بقى رفعة إيد ( رد على ال
 

ابدعت بارك الله فيك
أجزل التحايا والاحترام

رد: مالو السلام بقى رفعة إيد ( رد على ال
 

[quote=محمد اسماعيل الرفاعي;871610]( رد على الأستاذ / محمد الأمين محمد الحسن )

[size="5"][font="arial black"][color="purple"][b]الليلة جيت بي إنفعال
تبدي وتعيد نفس السؤال
مالو السلام بقى رفعة إيد ؟
تتباكى زين .. تلعن أبو الزمن العنيد
الخلا بين الناس يخش طاعون فريد
أو قول كمان شيطان مريد
قيد نفوس كل البشر
بي العولمة وسنّالو فينا نظام جديد
ما فيش ولا زولاً نفد
أو عن طريقو قدر يحيد
فيهو القلوب يا خلي
بس زي الحديد
أو قول كمان إمكن تفوت
جبل الجليد
إتنكّرت لي كل شي
واتناست الماضي التليد
زمن البيوت حوشاً كبير
مفتوح علي الجيران جميع
من دون فرز
والناس دي بالنفاج
تخش .. تمرق .. تخش
زي ماتريد
وكان جاك ضيف عز الهجيع
تدخل علي جارك تخش جوّة التكل
من مشلعيبو تضيف علي العندك تزيد
جيرانك الجمبك يجوك
يآزروك ويكابروك
يآنسوك ويشرفوك
واقفين معاك وقفة رجال
أخوان عديل
ما بس جوار
تحلف تقول ..
ياهم ولاد أمّك وأبوك
ولساكا دار تسأل تقول :
مالو السلام بقى رفعة إيد؟
ما داكا كان زمناً جميل
راقي وأصيل
كان فيهو يوت
بحلا المقيل
جلسات مشاط
لي كل حريم الحلة
يتلمن علي الراكوبة
أم ضلاً وريف
وتلقى البنابر والبروش
مصفوفة في ضل الضحى
وتلقى الضحك والقرقراب
بي إلفه تب مافيها زيف
والجبنة ديمة مدورة
فنجانا أبيض وجـد نضيف
والصاج مولع بي هناك
الكسرة بس .. قول يا لطيف
بتشبِّع البايت القوى
وما بتلقى زول طاري الرغيف
وحبوبة أم ظِلاً خفيف
لاما الجهال
تديهم القول الشفيف
تسقيهم الحِن اللطيف
( حجيتك ما بجيتك)
و(يا قمرا أقلبي السمسمي الحمرا)
ود أمبعلو ده مامخيف
وهاك يا حكي
لا يوم بتفتر لا بتقيف
ويمتد حبل الإلفة لي وكت الأصيل
يومي الشمس قبال تميل
يتغدو بي كسرة وملاح
السرة نادت ..
يا .. سماح
سويلنا شاي بي هبهان
موزون مدنكل شاهي صاح
وكان للبن خشي المراح
تلقي البهم تريانة تب
أحلبي لا مِن تفتري
الخير وفير ..
بكفينا حت شاي الصباح
ولساكا دار تسأل تعيد
نفس السؤال
مالو السلام بقى رفعة إيد؟
وانحنا في الزمن العجيب
زمن الجفاف غمر الخصيب
زمناً بضيق فيهو الرحيب
زمن السفر ما بالبيوت

زمن الكلام من غير خيوط
زمن البشر سادا البيوت
زمن المعايش اخطبوط
زمن الدشوش
زمن الكريمات والرتوش
الحلوة بيها اتمكيجت
واتعددت فينا الوشوش
زمن الفقر مفروض فرض
زمن الخلوق دار تنقرض
زمن البيوت عدمانه حتى من القرض
زمن الغرض أصبح مرض
كل البشر مرقت تفتش لي الرزق
كان تلقى سترة وتلقى قوت
يسند رويحه قبل تموت
وجواها كم خاطر بجوط
ماهو الزمن
زمن الفقُر
زمن الجميع صار منبهر
بالعولمة
مسكول .. مسج
إيميل ..وشات
زمن المحنة
بقت محن
زمن الركام
زاد الإحن
زمن العلاقات بالرتب
زمن الضرائب والعتب
زمن العجايب والعجب
زمن الفرح غاب واحتجب
الإلفه بينات الخلق
حّرم بشوفها كضب كضب
والبسمه مابتمرق نقيه
من القلب
كان شفتها .. تحلف يمين
مرقت غصب
وانحنا يا خلّي العزيز
لامن لقينا الحال صعيب
فزينا من بؤس البيوت
وسكنا في بيت القصيد
ولساكا دار تسأل تقول:-
مالو السلام بقى رفعة إيد ؟[/b][/color][/font][/size][/quote]

[color="purple"]حضرة الأستاذ أبو ملاذ

مشاركة جميلة جدا

صادقة المعاني ,,,بالغة والأهداف,,,

تسلم يدك..[/color]

رد: مالو السلام بقى رفعة إيد ( رد على ال
 

[QUOTE=مُنيَه عرقسوسي;871969][co

[COLOR="Purple"]حضرة الأستاذ أبو ملاذ

مشاركة جميلة جدا

صادقة المعاني ,,معبرة ,,

تسلم يدك[/COLOR]

رد: مالو السلام بقى رفعة إيد ( رد على ال
 

رااائع اخى الكاتب ابوملاذ

بوح جميل لاهنت ودام طرحك

رد: مالو السلام بقى رفعة إيد ( رد على ال
 

[font=comic sans ms][size=6][color=darkorchid][i]لحرفك نكهة خاصة
جميل ورائع[/i][/color][/size][/font]
[font=comic sans ms][size=6][color=darkorchid][/color][/size][/font]
[font=comic sans ms][size=6][color=darkorchid][i]تحية طيبه[/i][/color][/size][/font]
[font=comic sans ms][size=6][color=darkorchid][/color][/size][/font]
[font=comic sans ms][size=6][color=darkorchid][i]زهرة[/i][/color][/size][/font]

رد: مالو السلام بقى رفعة إيد ( رد على ال
 

جميل البوح والفكر غنا
سلمت لا هنت

رد: مالو السلام بقى رفعة إيد ( رد على ال
 

غوص فى أعماق الإنسانية المطحونة
ومتاهات الحياة المكلومة

رد: مالو السلام بقى رفعة إيد ( رد على ال
 

[center][font=arial black][size=4][color=slategray]بوح رائع واحساس أروع[/color][/size][/font]

[font=arial black][size=4][color=slategray]سلمت ..ودام حرفك[/color][/size][/font] [/center]