رسالة الى صلاح الدين/الشاعر محمد أبو زيد
 

[align=center](( رسالة إلي صلاح الدين ))
قصيدة للشاعر // محمد أبو زيد الأسيوطي



صلاح الدين
بدمع العين بنبكي عليك
ونسأل فين!؟
مضي عهدك بقاله سنين
وأقولك أيه ؟
لا فيه حطين
ولا بعدك ملوك الدين
عليه حراس
وكرسي العرش من بعدك
صبح فضفاض ملان أمراض
وكل الشعب شاف الرعب
من بعدك صبح محتاس
مصاب باليأس
حتى القدس
في أيدين العرب بتموت
ولا فيه صوت
ولا نخوة ولا فرسان
ولا غيورين
في أي زمان يا ناس
عايشين ؟
وليه عايشين ؟ جرالكم ايه ؟
مفيش جامع
يلم الناس ؟ ولا مسلم خلاص سامع
لصوت الحق أي آذان !؟
ولا مسيحي ولا كنيسة ولا أجراس !؟
تدق تصحي فينا حماس
ولا زلازل يهز الناس
خلاص المركبة بتغرق !
وإحنا بضعف بناهد
ونتعاهد
وبنصدق وعود غدار !
مالوش مبدأ
بيحرق حلمنا بالنار
يفرق بينا ويفرق ونرجع نلتمس اعذار
رفعنا شعار
لا يمكن نبقي يوم قوة
وموت يا حمار
علي ما يكون في أيدنا قرار
لا يمكن نهزم استعمار
مدام عايشين بلا إصرار
بلا مبدأ
بلا مروّة بلا صحبه بلا أخوة
وقعنا كلنا في هوه
وبالقوة
شربنا الكاس
وكاس الظلم كله مرار
ويآل العار
بنرجع من جديد ننسي
كأن قلوبنا مش حاسة
ولا شايفة
ولا خايفة من الإخطار
ويصبح كلنا راضي
ونرمي الماضي شيء عادي
بنهوى نعمة النسيان
كأن القدس مش لينا !
ولا لتاريخنا
أي أساس !
خلاص ننسي نسيب المسجد الآقصي
ورا قضبان
أسير مهموم و بيعافر
في أيد سجان
في إيد كافر
يقوم ويبات جريح دمة
أسير يصرخ ومن همه
ينادي في العرب هيهات !
ضمير الحر جواه مات
خلاص دخلوا علينا الدار
وخطفوا صغار من الأحضان
وعورتنا خلاص بتبان
علي الأشهاد
وع الأعيان
نساءنا حرام
خرسنا ولا مالنا لسان
وشلنا فوق دماغنا العار
وضربوا الأمهات بالنار
وداسوا الكل بالأقدام
وتلقي الرد الاستهجان
والاستنكار
و م الآخر
دا أعلي سكات
ينادي الاقصي من تاني
ويصرخ من الألم مرات
ينادي نخوة الأحرار
خلاص انهار
معدشي تاني فيه أنفاس
ولا فيه ناس
ولا في قلب البشر إحساس
خلاص أنداس
ضمير الحر تحت مداس
رجيم خناس
وصبحت كلمة الأنجاس
في كل مكان ولا القران
لابد تجاب
وأصبح بوش فيك يا زمان
بأيده حساب
جميع الخلق كل الناس
صبح مسئول عن الأديان
نبي مرسل لكل الشعب والأجناس
وكله يسلم الراية لعم الكل
سيد الناس
ودوق الذل
وأشرب من مرار الكأس
يا شعب فقير لا لاقي كبير
ولا لاقي في دمه حماس
نحارب بعض
فوق الأرض
ونسيب اللي داس العرض
ونصاحب عدو
بيعد لك الأنفاس
كفايا نعاس
ح يجي اليوم
ح يصبح كلنا معدوم
كفايا يا قوم
بقي استهتار
كفايا دا ربنا شاهد
ومهما هربنا ح نجاهد
دا وعد الله
ودي الأقدار
أخوكم الشاعر // محمد أبو زيد الأسيوطي[/align]

رد: رسالة الى صلاح الدين/الشاعر محمد أبو
 

[font=Comic Sans MS][size=5]

و سيأتي صلاح الدين

من جديـد ...


ذاتَ وهـــــــــم !!

ربمــــا !!




الشاعر محمد

[color=#8B0000]لكَ تقديري لهذا الحرف القويّ
المؤثر[/color]



عُلا








[/size][/font]

رد: رسالة الى صلاح الدين/الشاعر محمد أبو
 

[align=center][size=5][font=Courier New][color=#00008B]الشاعر المحترم (محمد ابو زيد ) دمت ودام لنا هذا البوح الذي يعبر عن حس عالي بالوطنية والهوية تقبل مروري ودمت بكل ود.[/color][/font][/size][/align]

رد: رسالة الى صلاح الدين/الشاعر محمد أبو
 

صلاح الدين
بدمع العين بنبكي عليك
ونسأل فين!؟
مضي عهدك بقاله سنين
وأقولك أيه ؟
لا فيه حطين
ولا بعدك ملوك الدين
عليه حراس
وكرسي العرش من بعدك
صبح فضفاض ملان أمراض
وكل الشعب شاف الرعب
من بعدك صبح محتاس
مصاب باليأس
حتى القدس
في أيدين العرب بتموت
ولا فيه صوت
ولا نخوة ولا فرسان
ولا غيورين
في أي زمان يا ناس
عايشين ؟
وليه عايشين ؟ جرالكم ايه ؟
مفيش جامع
يلم الناس ؟ ولا مسلم خلاص سامع
لصوت الحق أي آذان !؟
ولا مسيحي ولا كنيسة ولا أجراس !؟
تدق تصحي فينا حماس
ولا زلازل يهز الناس

لاهنت ولاهان احساسك

الرائع للوطن والمسلمين

سلمت ودمت بخير

رد: رسالة الى صلاح الدين/الشاعر محمد أبو
 

شكرا جزيلا لهذا الكلام الجميل
تحياتي

رد: رسالة الى صلاح الدين/الشاعر محمد أبو
 

بوح راقي
واحساس جميل
مبدع ماشاءلله
لك مني
اطيب تحية

رد: رسالة الى صلاح الدين/الشاعر محمد أبو
 

[font="verdana"][size="6"][color="purple"][center]



الاخ محمد
السلام عليكم ورحمه الله وبركاته
اولا مرحبا بك معنا
ثانيا جمال الابداع الخطي لقلمك
لااستطيع التعبير عنه باى شكل
بارك الله فيك
وحفظك
وبإذن بالله
سيعود صلاح


[/center][/color][/size][/font]

رد: رسالة الى صلاح الدين/الشاعر محمد أبو
 

[center][glow=003333][size=6][font=comic sans ms][color=#ffffff][color="deepskyblue"]
[color=#00ccff][size=7]
[color="plum"]صح صح السااانك

كلمااااااااات رااااااائعه وعذبه

لا هنت

موج القصيد
[/color][/size][/color]

[/color] [/color][/font][/size][/glow][/center]

رد: رسالة الى صلاح الدين/الشاعر محمد أبو
 

محمد ابو زيد

صح لسانك

وشكرا لنبض قلمك الجميل

وفيض فكرك

رائع ماقراءته هنا

تحياتي وودي

رد: رسالة الى صلاح الدين/الشاعر محمد أبو
 

[font="comic sans ms"][size="5"][color="darkred"]الله المستعاان اخونا أبو زيد
كلماات معبّره
وبووح مؤثر
سلمت يمينك


ولاااهنت[/color][/size][/font]