منتديات الفطاحله

منتديات الفطاحله (http://ftahilah.com/index.php)
-   ساحة المحاورات (http://ftahilah.com/forumdisplay.php?f=140)
-   -   المحاوره الثانيه صباح 3 مارس (http://ftahilah.com/showthread.php?t=19589)

الطائر المهاجر 03-03-2008 04:11 AM

المحاوره الثانيه صباح 3 مارس
 
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
المهاجر=
الشوق بين الرجاجيل عذروب= ياحيسفا رجال هذا كلامه
يغازل رفيقه وحسبه خوش رعبوب= وصاحبه ساكت ما يرد الملامه
فلاح=
صنداح مايبصر تقل صار حلبوب = شاف الصقر يحسبه ياعود هامه
المهاجر=
يومه سمع صوته على جر مسحوب= يحسبه بلبل ما درى به نعامه
صنداح=
عسالله يحاسب بعض الاشخاص بذنوب = وانا ماقبل المذي ولا خذ كلامه
فلاح=
الله يستر شكلك اليوم مشطوب = ياعود تالي الليل تسري المنامه
المهاجر=
هذا كلامه واضح الحرف مكتوب= ماجبت من عندي عساك السلامه
صنداح=
يازينك مادامك عارفٍ تلبس الثوب = ولا انته بعارف كيف لبس العمامه
فلاح=
ماني مطاوع كل شاير وذبذوب= واعرفك زين اليوم يابو دلامه
صنداح=
كلامك ياراع العلم واضح ومحسوب = واشوف الجمل قام يتمايل سنامه
المهاجر=
خل السوالف اتضح كل ملعوب = ترى الرجل يدري بصقر وفدامه
مثلك خبير بين زاعب ومزعوب = وحنا على درب النقا وافتهامه
صنداح=
اخويه فلاح بعيد عن كل عذروب = ولا فيه غير انه تراقل عظامه
فلاح=
ياعود وشبك كفك اليوم مخضوب = بيتي يروح ولا يجيني قوامه
صنداح=
يامنصوب لا تغلط الى صرت منصوب = ترى كل خشم اجيه وافرك عرامه
المهاجر=
جسيتهن ياراعي العلم يادوب = وإلا توقع بين شك وغمامه
فلاح=
العود كنه منك ياخوك مرعوب = واكيد عندك يالزلامي خطامه
المهاجر=
هذا فلاح الذيب لاشك مرهوب = معه شنب تاقع عليه النعامه
صنداح=
ترى شكك ماياصل هل عرف والنوب = واناشايف الي فيك ياعود شامه
فلاح=
ياعود وشبك كن بالعين ضبضوب= والله يستر لاتكون انته زامه
صنداح=
تجيب الحطب وتولع النار باسلوب = ومن يقرب النيران يكبر عدامه
فلاح=
ماضاق عنتر من حكايات شيبوب= لكن الاعمى ساق حدره سهامه
صنداح=
ليامن بغيت العلم راضي ومغصوب = ترى الحق مايزعل رجال الشهامه
المهاجر=
عليك حق يالزلامي وماجوب=فالرجل مايرخي لرجل سنامه
صنداح=
انا يالمهاجر ماتحركت في صوب = على حق وامشي مشيتٍ باستقامه
المهاجر=
اما تشيله او ترى فيك عذروب= وفلاح ما يرضى الخطا منك عامه
كلامك اللي قلت ثبتٍ ومكتوب= تغازل على المكشوف رجل الشهامه
صنداح=
تسوي لها عدة ملاويح ودروب = تبيها تثور وكل جوبعسامه
المهاجر=
ان كان هو راضي فلا نيب مندوب = وكلٍ على نفسه يفك اختصامه
فلاح=
خذ من نحاس منصهر جاك مصبوب= يشوي الكبد واهل الردى والرخامه
صنداح=
اناخابرك رجال طيب ومحبوب = ولا ادري ويش اللي تقصده بالدرامه
فلاح=
صنداح وشب العود له فكر مصلوب= والي رمى ظلي تجيه الندامه
المهاجر=
يعني تظنه نصف راضي على الحوب= الله يوفق بين سلمى وسلامه[/poem]

الطامي 03-03-2008 06:46 AM

رد: المحاوره الثانيه صباح 3 مارس
 
المهاجر
فلاح
صنداح
عمالقة تقابلو
يالله تخارجنا
من ياتي بوجيههم
صح السنتكم ولاهنتو

عذب القوافي 03-03-2008 07:58 AM

رد: المحاوره الثانيه صباح 3 مارس
 
شعار من العيار الثقيل


صح ألسنتكم جميعا ً


ابوابراهيم .

نجم الإبداع 03-03-2008 10:17 AM

رد: المحاوره الثانيه صباح 3 مارس
 
ههههههههه

شكرا ابو عبدالله على النقل

والشكر موصول لكل من مر وسيمر من هنا

فائق الاحترام

بارق السيف 03-03-2008 10:33 AM

رد: المحاوره الثانيه صباح 3 مارس
 
صح لسان الشعار العمالقه

الطائر المهاجر ،، صنداح ،، فلاح بن منشار

لا هنتووو جميعا

ممتعين كعادتكم

ولا هنت على النقل يا ابو عبدالله

داعي الشوق 04-03-2008 03:18 PM

رد: المحاوره الثانيه صباح 3 مارس
 
[B][I][COLOR="Blue"]
صح لسانكم جميعا [/COLOR][/I][/B]

الهميم 30-11-2010 08:56 PM

شكرا لك
وبارك الله فيك
تحياتي

البتار 04-12-2010 12:12 PM

شكرا لك
على الجهد الطيب
تحياتي

المورد 04-12-2010 12:48 PM

لك الشكر
على ما فاض به قلمك
تحياتي

خميس 05-12-2010 10:11 AM

الف شكر
على ماجاد به قلمك
تحياتي الطيبه


الساعة الآن 02:10 AM.

Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
جميع الحقوق محفوظة لمنتديات الفطاحلة