لي ديرةٍ بين الجبال الشامخه لمع الجدي
 

[rams]http://www.fatahilah.com/up/LeeDeertn.mp3[/rams]
[poem=font="Simplified Arabic,5,purple,bold,normal" bkcolor="transparent" bkimage="" border="groove,4," type=2 line=0 align=center use=ex num="0,black"]
لي ديرةٍ بين الجبال الشامخه لمع الجدي = تاريخها المنقوش في صدر الزمن فخر ومهابه
من خلقت الدنيا وهي كالشمس فيها نهتدي = نحسها بقلوبنا تمطر عليها كالسحابه
تروي عروق ضاميه في حبها العذب الندي= وتزهر ورودٍ ذابله من مزنها شهدٍ شرابه
هذي الحرّيق ديرة الأمجاد منها نبتدي = وفيها نهاية فخرنا تاريخ مفتوحٍ كتابه
ديرة هلي ديرة مناعير الرجال السجدي = لله وحده ما ارتجوا مخلوق لو يفتح لبابه
كلهم هلي ، هم محزمي هم في الشدايد مسندي= هذا ولد عمي وذا خالي وهذا من القرابه
ما بيننا منهو غريب الساس والاّ المولدي = الدم يجمعنا اختلط من كل عرق وكل لابه
اجدّاننا شادوا بناها وقهروا للمعتدي= وهم من ركض للضيف وارهوا دمهم يحمي ركابه
وهم من فزع للجار يوم النهب والوقت الردي = وهم سطروا اجمل ملاحم ما تكفيها الكتابه
واليوم من اجل الحرّيق نلتقي ما نبعدي= نحيي زمان فات يوم امجادنا فوق السحابه
احرار ما نخشى سوى اللي في المساجد يعبدي= وقلوبنا مع بعضها وشعارنا طيب وحبابه
اهدافنا الديره نبيها من سباتٍ تقعدي = تحيا بعد نسيانها وصارت بليّاكم خرابه
الغير طوّر ديرته مما تجود به اليدي = وحنّا تركناها تعاني الضيم في حزن وكآبه
لكن به رجال ابتدوا ، نفخر بهم ، في المشهدي= ونفخر بمن شاد البناء في صرحنا واعلى قبابه
بالمال والاّ بالجهد والكل يدري مقصدي = نعم الرجال بفعلهم فالكل شمّر عن ثيابه
قصر الحميّه وارتفع يا دارنا هيّا اسعدي = واجب علينا شكرهم الله يجزاهم ثوابه
بكره نشوفك ديرتي بالعز فوق الفرقدي = نجمٍ تلالا مثلما كنتي لنا عز ومهابه[/poem]

بارك الله فيك وجهودك المميزه
تحياتي

احسنت
ولاهنت
تحياتي

احسنت
ولاهنت
تحياتي

شكراً لك
تحياتي

احسنت
ولاهنت
تحياتي

لك الشكر
على ما فاض به قلمك
تحياتي

مشكور
على المعلومه الجيده
تحياتي

مشكور
على ما افدتنا به
تحياتي

جزاك الله خيراً
على ما افدتنا به
ودي واحترامي