رد: الرجل لامن صار له كومة عيال
 

[quote=الطائر المهاجر;1260040][poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الرجل لامن صار له كومة عيال= وبذل جهوده بالرعايه وتوجيه
من شان اذا كبروا يلاقيهم رجال = ويفخر بهم لاجيب كلٍ وطاريه
ويلقى بهم عضدٍ اذا ساء به حال= او صار عودٍ ثاقلاتٍ مواطيه
فليّا يفاجا لا طلع فيهم حثال = فالمصلح الله من الى الخير يهديه
فلا هو لوحده من يربي للاطفال= فالطفل لامه لو تباعد خطاويه
فالام تربه يابها ملح واوحال= او تربة خصبه بها الخير تعطيه
فكم من رجل حلحيل مضرب للامثال= يجيه من صلبه غثيثٍ يعنيه
ولامن تفكّر يدرك انه عن اهمال= يحسبه وحده من لطفله يربيه
تزرع به امه ماتبي قول وافعال= بسنينه الأولى وهو ما درى فيه
يكبر مبرمج ما تغيره الاحوال= ما قالت امه يسمعه كالدهاديه
ولا من حدث اية خلافات وجدال= تدفع ولدها لين يقلب على ابيه
يصير ضده في عقوقه والاوبال= ويدوّر الفرصه مع الأم يشنيه
فحك الذهب ينبيك ياطيب الفال= ان كانه اصلي اوبه الغش يخفيه
فحرمه تعود لمعدنٍ فيه اشكال = لا من لقت فرصه على الزوج توذيه
يطلع ولدها مثلها ضمن الانذال= ولا تامنه يقلب عليها بتاليه
وبنت الرجال بعقلها تازن جبال= مهما تعاني طيبها ما تخليه
يطلع ولدها رجل ما عنه ينقال = كلمة افا في كل دربٍ مشى فيه
والبعض ينسى العرق دساس لو طال= جينات لابنه تاصله من حواليه
فلا بد ما يحرص على معدن الخال= حتى يجيه صقور بالذكر تعليه
ومادام يبذل جهد بالنفس والمال= فالله وكيله عارفٍ ما يخبيه
فالهادي الله مابها شك وجدال= لكن عليه انه يحسْب لْمواطيه[/poem][/quote]

صح لسانك استاذنا الحكيم وزدان بيانك

رد: الرجل لامن صار له كومة عيال
 

صح السانك يا ابو عبدالله

قصيده اعجبتني كثيرا..وانت ما تجيب الا الطيب والهادف

دمت بخير ولا هنت

رد: الرجل لامن صار له كومة عيال
 

صح لسانك

قصيدة رائعه

لا هان فكرك

رد: الرجل لامن صار له كومة عيال
 

صح لسانك يابو عبدالله
جزله ووافيه ولا غرابه
فالحكمه منهجك والابداع رايتك

مبدع ومتجدد
لاهنت

رد: الرجل لامن صار له كومة عيال
 

الطائر
صح السانك
رائعة جدا
لاهنت دكتور

رد: الرجل لامن صار له كومة عيال
 

وبـنـت*الـرجـال*بعقـلـهـا*تـــازن*جـبــال
مـهـمـا*تـعـانـي*طـيـبـهـا*مــــا*تـخـلـيـه
يطـلـع*ولـدهـا*رجــل*مـــا*عـنــه*يـنـقـال
كلـمـة*افــا*فــي*كـــل*دربٍ*مـشــى*فـيــه
والبعض*ينسى*العرق*دساس*لو*طال
جيـنـات*لابـنــه*تـاصـلـه*مـــن*حـوالـيـه
فلا*بـد*مـا*يحـرص*علـى*معـدن*الخـال
حـتـى*يـجـيـه*صـقــور*بـالـذكـر*تعـلـيـه


الله الله

صدقت طائرنا المنفرد

وصايا ودرر

صح لسانك وعلا شانك

تقبل مروري

رد: الرجل لامن صار له كومة عيال
 

شكرا لكل من مر هنا
لاهنتوا
اطيب التحيه