[COLOR="Blue"][poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
برقٍ على دار المحبين ناضي = ياعلها تسقيه بالطول والعرض
يامرحبا حييت يوم انت فاضي = ترحيبةٍ من داخل القلب تنبض
يابو أنس والله كلك بياضي = كني اشوفك ! أبيضٍ صافيٍ محض
واسباب غيبتنا بدون اعتراضي = جسمٍ براه الهم والغم والمض
من يوم شفت اللي وقف بالرياضي = في شارع الستين مقصده معرض
ضيعت أنا - والله - كل المقاضي = وازرى جناحي يا فتى الجود ينهض
لو شافها ديكٍ على طول باضي = ولو شافها ذيب الزبارت يختض
هذا الجمال بنظرتي وافتراضي = هذا الجمال اللي له النفس تركض
لكن على الله ليت للحب قاضي = ينصف مجاريح النشاما ويفرض
وأنا بحكمة والي الكون راضي = حكمه نفاذٍ مايبدل وينقض[/poem][/COLOR]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
ياراعي القلب الخضر ليه ما احتطت=والقلب لامنه لمح زين حط حط
والا تبعته يم داره وخطّطت=تخطيط من شغّل دماغه وخطط
أكيد يوم انه غمز لك تلخبطت=اودى بقلبك والفكر بك تلخبط
عدلت بعقالك وشالك وظبطت=واذهلت ما بيدينك وطاح وخبط
كني اشوفك في وقوفك تمرمطت=واذهلت دربك تمتر السوق وتنط
يااحّول حتى في مقاضيك فرطت=لو هو ذهب والماس لازم تفرط
اللي سلب عقلك وخلاك شططت=هذا يسمونه ترا الموت الارقط
والله ما الومك لو بها السوق فحطت=وما لوم قلبك لو لطبلونه صفط[/poem]

[color=#993366][font=Simplified Arabic][size=4][align=center][B]



الـ عـلـَـمـَـان /

أبـو أنــس

الـ شــريف ..

مـاشــاء الله .. لا قــوة إلا بـ الله ..

ثـنـائي .. فـاقَ .. مـسـاحـات .. الـ إبــداع ..

وتـجـاوزهــا .. لـ يـنـفـــرد ..

/

ولا زلــت .. أنـْـهـَــل .. وبـ .. فـخـْــر ..

:)

/

اعـتـزازي .. لا .. حــدودَ .. لــه ..

دمـتـمـا .. رائــديـْـن .. كمـا .. أنــتــمـا ..

[/B][/align][/size][/font][/color]

[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ياصاحبي حسبي على القاف لانحط = عين الحسد ماصابت الراس بمخاط
عديت من حول الخيام اتنطط = قالوا عيونك كلها شر واقناط
وانا على النيه ولا جبت مشرط = عابر سبيل وقلت بيتين وخراط
نشدت عن ماحل بالشرق الاوسط = من عهد الايوبي ومابينها اسقاط
الي يرد الظيف والي يقلط = شتان بين افكارهم لو على صماط
حسبي عليك الله ياليل محبط = وحسبي على الي ساق حرفه بمقراط
اخر زياره جيبنا اليوم خبط = الا يجي مرسول من عقب الاحباط[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
فلاح لك رمعه ولك شرهه وخط=ليتك تبين شرهتك كود نحتاط
ان كان جا منا خطا قول نربط=ونراجع الأبيات ما نبغي اغلاط
وان كان قصدك بعض من جال واشتط=اللي بنا المفهوم في راسه وشاط
فاعرف ترى في كل ملعب له خطط=واكثر قوانين الملاعب بلارباط
وان جيت تلعب في ميادينها حط=انك فلا لك من حصانه ولااشراط
وسلاحك الأفكار وصياغةالبنط=وسعةالصدر والدرس مابين الاشواط
وانا أشوف ان الفطاحل تباسط=قاموسهم مابه زعل دوم مطاط[/poem]

[COLOR="Blue"][RIGHT][QUOTE]ياراعي القلب الخضر ليه ما احتطت=والقلب لامنه لمح زين حط حط[/QUOTE]
[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
مايمنع الاقدار ياصاح لحطت = الله كتب قلبي على جالهم بط
في ذمتي حاولت اسبح وبلبطت = لكن غزير الماي بالغيص فرط
لو شفتها يوم انثنت ثم غطت = خدٍ كما البلور زاهي سلملط
لو شفتها يوم انحت ثم حطت = جسمٍ كساه الزين والثوب الارقط
لو شفتها يوم وقفت ثم قطت = شعرٍ يتل القلب للقاع يمحط
لو شفتها يوم ادبرت ثم مطت = بوزٍ رسمه الله ماهو مخطط *
لوشفتها لوشفتها كان خبطت = ولا كتبت ابيات شعرك على اط [/poem]

* البوز هو الزقم ويقصد الناظم ان بوزها لا يحتاج إلى تلك الألوان المائية التي تحدد بها الشفاة نسأل الله العافية :rolleyes: [/RIGHT][/COLOR]

المبدعان
أبو أنس / الشريف الشرقي

الله الله ياللمتعه فيما تقولون
ارجو أن تأخذوا شكواي بعين الاعتبار
وأن تواصلوا

[poem=font="Simplified Arabic,5,teal,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
مادري وراكم حكيكم فيه لخبطت=عجزت أقوله قام مني يتمطمط
لا جيت اباقوله تخسبقت واحبطت=عجزت عن مشي الحمامه ولا البط
واظن مهما قلت ومهما تنططت=ماني معاكم شي واحسن لي اسبط[/poem]

تحياتي

[poem=font="Simplified Arabic,5,indigo,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
سنعوس اعرفك لو تقول الف لخبطت=ما اصدقك بس التواضع بكم حط
والا انت في جزل المعاني تشعبطت=في راسك لسان العرب واضح البنط
ودك تزيد لنا الثنا قلت وافرطت=ومكارم الأخلاق في كتابكم خط[/poem]

[QUOTE]لوشفتها لوشفتها كـان خبطـت
...................................ولا كتبت ابيات شعرك على اط[/QUOTE]
[poem=font="Simplified Arabic,5,indigo,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
لو شفتها يمكن يجي القلب شاعوف=يطير طيرة من كفخ في سبوقه
والا مشيت وقالو الناس ملقوف=بس اتلفت واتبعه في طروقه
والا على ما قالوا الناس ملهوف=امضيع(ن) عقله ويطرد خفوقه
ياخوي انا من شوفت الزين مخطوف=ظفيرتي ياخوي منه محروقه
قلبي ضعيف و ما يداني ولا الشوف=وشلون ابصبر لو اشوفه بسوقه
انشهد اني بكتب أبيات وحروف=على عسيرات القوافي واسوقه[/poem]

انا من المعجبين والمتابعين لهذا الثنائي المتألق (الشرقي) (وابوانس)
وقد اخذني التطفل والمداعبه ان اكتب هذه الابيات وباالله التوفيق
------------
[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
الطلعه اللي طلعت صوتت أبلوف= وجض الدبل فيها ولافيه عوقه
سواقه الشرقي ولايعرف الروف=ومساعده ابوانس زادشوقه
يتلون براق على مدة الشوف=شمالي الدهنا مخايل ابروقه
في مهمه مايسكنه غير مشغوف=عاف التمدن واللحم مع مروقه
والكل منهم في هوى الزين ملهوف=الله على الشرقي ويازين ذوقه
وابوانس بالود هايم مع نوف=وحتى بعيره صابه اللي يحوقه
ياصاحبي الشعرالشعرمكروف=عيا يطاوعني ولابي ملوقه
تحيه الاعجاب من غير محلوف=لجمل ثنائي حرف مابارسوقه[/poem]-----
وسلامتكم

[poem=font="Simplified Arabic,5,indigo,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
لك يامنيع من الوفا صنف وصنوف=ولك التحيه كل صبح وشروقه
عزيز وان وافيتنا باجمل حروف=نصوغ لك حرف(ن) لذيذه طروقه
واكيد لك قلب(ن) خذه زاهي وصوف=اللي ظهر في ملبسه زود ذوقه
سحره على قلب العشاشيق محذوف=طعمه عسل لو آخره فيه عوقه
والرجل لاشاف الغنج جاه شاعوف=يعصف بقلبه ويتركّز بموقه
سنّه وطبع(ن)في الرجل دوم مشغوف=عشق الجمال مطوع(ن) له يسوقه[/poem]

[poem=font="Simplified Arabic,5,seagreen,normal,normal" bkcolor="transparent" bkimage="" border="none,4," type=2 line=0 align=center use=ex num="0,seagreen"]
يابو انس حبك بقلبي كما الفرظ= ياصاح مايحتاج مفتي ووعاظ
اخوان بالاسلام ماطيع مغرظ= سنة نقيه مابها زيف واغراظ
لكن قلبي دايمٍ عاثر الحظ= والجرح في نفسي معرض للانقاظ
احب ال البيت مارضى لهم قظ= والي يعاديهم من الناس جواظ
ياخوي مافي بالي الا تبعظ = احب جزل الشعر لو مابه امراظ
الي يحلل كل كلمه بمقرظ = يجافي الخلان ويصير مغتاظ
اقسم برب البيت ماقلتها رظ= ولا قصدت الي على صاحبي هاظ
اخاف من رب السماوات والارض= والقلب لاهل الود ياخوي حفاظ[/poem]

[poem=font="Simplified Arabic,5,indigo,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
لك يافلاح بداخلك قلب(ن) ابيض=ما هو مريض ولاشكا جملة اعراض
شفاف اعرفك تعشق الشعر والقرض=وتعشق صعيبات القوافي الى هاض
واللي حداني يوم انا اسألك وافرض=ظن(ن) بعيد وقلت اقدم بالافراض
حتى اسألِك من غير ما اوضح العرض=واهارجك من غير نبشن للأنقاض
ان كان صدرك ضايقن من جفا البعض=او في لسان زل في حقكم خاض
بغيت اقول ان الشّعر قربه تخض=منها لذيذ الطعم وايضا بها احماض[/poem]

[center][size="4"]ما اشاء الله عليكم الحين مستمرين :) [/size][/center]

[QUOTE=الذيب][center][size="4"]ما اشاء الله عليكم الحين مستمرين :) [/size][/center][/QUOTE]
نعم يالذيب
بتواجدكم وذائقتكم وحسن سمتكم نتغذى ونتطلع للمزيد
فمثلكم كنز يحرص الواحد على اقتنائه والإحتفاظ به
لك أيها الفاضل تحيتي وفيض شكري

[COLOR="Blue"][RIGHT]خذلتني القريحة يا أبا أنس.. في رأسي مليون فكرة وفكرة سوف القي بها في البحر ثم اعود !!
الحبيب فلاح ابن منشار .. هناك لبس ولاشك / يشهد ربي اني احبك فيه .
الكريم منيع ... لا فض فوك يا أخي واعلم - غفر الله لك - ان ابياتكم وقعت في القلب قبل الاذن .
وللجميع من الازهار اعطرها [/RIGHT][/COLOR]

[COLOR="Blue"][QUOTE]لو شفتها يمكن يجي القلب شاعوف ***يطير طيرة من كفـخ فـي سبوقـه[/QUOTE]
[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يقول من لفه مع الوقت لافوف = لين انتثر دمه وزادت فتوقه
ياصاحبي والناس حايف ومحيوف = لولا الرعد ماكان تلمع بروقه
اقسم برب البيت ياعندي ظروف = ولا ترى نفسي عليكم شفوقه
وأنا معاكم ياسعد قلب وحروف = ولوفاتني المكبوس بشرب مروقه
المشكلة .. طيري له ايام منتوف = بصبر الين الله يكسي سبوقه
طيرٍ من النزرات والخشم معكوف = يجزع إليامنه كفخ طير فوقه
ولا شلت عنه برقعه صار ملقوف = لكن طلبتك يا بحر لاتبوقه!! [/poem] [/COLOR]

[poem=font="Simplified Arabic,5,indigo,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
ياعل قلبك سالمن من عنا الوقت=وياعلّها لك يابن الاجواد خضرا
ويا عل طيرك كلما حام يِنْكَتْ=على الطريده والمخاليب حمرا
وعسى صواديف الدهر عنك تِنْحَتْ=والله يجيرك عن مصايبك اجرا
ياصاحبي لك وحشة كلما غبت=وانا اترتقب جيتك واتحرا
ان كان مابك لسعة البرد والكبت=تلقى لها عند المداوين خُبرا
لكن خوفي ياابيض الوجه وان كنت=صويب عين اللي يقولون عذرا
السهم صابك وانت رحت وتهاونت=لينه حفر في القلب تسعين حفرا
وانا اتعجب كلما شفت لي بنت=واسبح الرحمن واعد عشرا
وشلون ذا الأضدادفي عيونها شفت=قوه وضعف وقل صحاري وبحرا
لو كنت انا الربان وابحر بها تهت=شلّت عضودي والمجاديف كسرا[/poem]

[COLOR="Blue"][poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
الاولة يامرحبا بك ولاهنت = يامرحبا ياشيخ ساجر وشقرا
والثانية يفداك شرابة الكنت = يفداك لاشٍ يشرب الكاس صفرا
والثالثة ياللي تقول أنت وين أنت = أنا هنيا بس الاقدار قشرا
والرابعة جروا صديقك على سمنت = غصون قلبي جرها السيل جرا
والخامسة لو شفت ياخوي ماشفت = مبيسمٍ عن كل شينٍ مبرا
والسادسة والله والله يابنت = انك بوسط القلب منتيب برا
والسابعة عن ساير البيض هونت = إلا الذي له في الحنايا مقرا [/poem][/COLOR]

[COLOR="Blue"] [RIGHT]بيدي لا بيد سعد ‍‍‍.. [/RIGHT]

[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
في الطريق اللي يسمونه "سريع" = حس موتر ، مر جنبي ، قال : وزززز
قلت : هذا معجله شيٍ فضيع ! = مير زتك - ياصديقي - روح ، دز
خايفٍ عن عين أبو عبيّد يضيع = واللقافة حدها والقلب فز
يوم قربنا وإلا شيٍ مُريع = عنقها ياعنقها والطول عز
راكبة في الخلف والسايق مطيع = ياعيونه من ورا الجامات خز
كنها ريمٍ تنحى عن قطيع = كنها غصنٍ مع المطناج هز
قلت : وقفهم ترى حالي شنيع = شب في قلبي - عليه الله - قز
قال : يامجنون مدري ياصريع = شوف دورية تغز النور غز
فوقها ضابط يسمونه قريع = منت خايف ياصديقي ؟‍! قلت : طز !![/poem] [/COLOR]

[poem=font="Simplified Arabic,5,indigo,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
لااله الا الذي حنا نطيع=خالق ا لأكوان وحده ما عتنز
جاعل الخرفان حكام القطيع=وفاتنن التيس في حب المعز
جاعلن قلب الذكر قبله تبيع =يتبع الأنثى ولو لحقه لزز
في حياة النحل يطردها سريع=وان تمكن مات في لحظه نجز
ودايم(ن) في الغابه قتال(ن) فضيع=والعنود تراقب المشهد تقز
سنة(ن) في الكون ماعنها رجيع=دايمن والرجل فيها مستفز
وش يقول المغرم وقلبه صريع=من بني آدم وله قلب(ن) يفز
كلما شاف البدر يلمع لميع=والمبيسم وصفها حبة كرز
لويصادفها ولو عبر السريع=صار كنه فوق بطناج(ن) يهز
صابته نفّاظة البرد الصقيع=صوته مهدّج ولو منه احترز[/poem]

[COLOR="Blue"][RIGHT][QUOTE]جاعل الخرفـان حكـام القطيـع***وفاتنن التيس فـي حـب المعـز[/QUOTE]
الله يجازيك ياشيخ :D [/RIGHT]

[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
نشري غلاكم ياسعد مانبيعه = ومنك نتعلم كان في النت تعليم
التيس وان بعبع يبي له نفيعة = خيشة فصم ! ولا شوارٍ وبرسيم
ماعذبه راعي العيون الوسيعة = ولا اشغلنه بيضها والمجاهيم
ولا راح للمركز ولا مر هيعة = ولا مِسك في الشارع يوزع براشيم
ولا حفظ تاريخها و الشريعة = ولا عَرف بالمدرسة سين أو جيم
بس يتبطح جنب عنزٍ صقيعة = ويومي لها بالقرن يرسل ترانيم
ياليتني مثله (خخخخخ) حياتي مريعة = ولا عرفت اسواق بندة ومكسيم[/poem][/COLOR]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
ياالصاحب اللي صحبتي له رفيعه=اساسها واضح ولا فيه تعتيم
مقامكم ياصاحبي في الطليعه=ثابت ولا يحتاج دق المراسيم
ياصاحبي كلن يدور ربيعه=والتيس ينصى صيدته باوسط(التيم)
ولا عليه خلاف ما احدن يريعه=ما يلحقه جمس(ن) عليه التخاتيم
لا وا هنيه لادبغ في النفيعه=ثم(ن) تشهوى بالحلا كف برسيم
والى صدح بالصوت يطلب تبيعه=جاوب من اقصى الحوش باحلا تقاسيم
فتوى الغرام بشرعهم فيه ميعه=تقول ف اوربا على شاطي مقيم
ما يحسبون حساب شرطه وهيعه=ومايحسبون حساب غبر(ن) مجاهيم*
الشكوى لله يوم نفسي دنيعه=تختفّ الى شافت رهيف التباسيم
اسرح مع الهوجاس والقلب اطيعه=واعيش مع طيف المها سيد الريم
وابني له بيوت القصايد سريعه=واخش جوّي واتبع الحلم (بحليم)....*[/poem]
* الحسّاد
* الله اعلم

أخي الفاضل ...........
اعذر لي هرطقة وجدتها تنساب فكتبتها لاأدري عن مناسبتها
ولو لم يكن منها سوى التحديث والتحفيز
[poem=font="Simplified Arabic,5,indigo,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
ياساكنن في الشرق في شاطي الهاف=وش تكملة اسمه أكيد انه المون
والمون اسم(ن) للقمر مابه خلاف=تدرون ياهل العرف او ماتعرفون
والبحر يرتاده من الناس اصناف=ماهم سوا كلن وله شكل او لون
لكن عذابي شفته (بمون ) شفاف=صافي بوسط الشهر ابيض ومزيون
بالسيف ماشي ليّن العود غرياف=ربعه معه هو بينهم أشهد (المون)
الى ضحك سنه كما ضو كشاف=كلن لضحكه يدعق الضحك بجنون[/poem]

[COLOR="Blue"][poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يابوأنس من دونك النت ينعاف = لولا وجودك ياسعد كان وشلون
تشكي غريرٍ كنه الليت كشاف = يمشي مع ربعه على السيف في مون
هذا عذاب القلب يانسل الاشراف = خلى مناعير النشاما يونون
خابرك أنا للترف بالحيل عساف =الخوف منك ‍‍‍.. مير ياخوي بالهون
ارفق ترى قلب القوارير شفاف = يذوب مثل الملح في وسط ماعون
كني بكم خزيتها خز عراف = ثمٍ ضربت بريك حتى يمرون
وناولتها رقمك على كرت نشاف = ويمكن كتبت الرقم في وسط كرتون
براي لله ناظري مابعد شاف = بس اتوقع .. والجماعة يقولون[/poem]:) [/COLOR]

والله ونعم
بأبو أنس والشرقي
أيه يامالا الغنيمه وراكم ابطيتوا

تحياتي

[QUOTE=سناعيس]والله ونعم
بأبو أنس والشرقي
أيه يامالا الغنيمه وراكم ابطيتوا

تحياتي[/QUOTE]
[COLOR="Blue"]هل علي من لومٍ حين قلت :
[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
بالله خذ مهجتي ياحادي العيس = وبلغ الصحب عني دون تدليس
إن كان للمجد من فوق الثرى قدم = فهامة الفخر في دار السانعيس[/poem] [/COLOR]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
العيون اللي تلاقط يالشريف=من ورا قماش الحداد مبرقعه
ذبحها امضى من الحد الرهيف=لحظة(ن) ثمّ(ن) سهمها يوجعه
ان رفع شوفه على الجنس اللطيف=عجز لو حاول مرار(ن) يرجعه
ان غمز بالرمش لحظه فيه حيف=وان فتح عينه تعجب ما اوسعه
كنهن البحر لكن فيه سٍيف=بس هن كل البحور مجمعه
كنهن السحر بس السحر طيف=والسحر فيهن جناه ومنبعه
كنهن لسان في المعنى حصيف=يوصل المعنى بحكمه مااسرعه
في القشر يظهر لهن نظره تخيف=الشرر من موق عينه ما اشنعه
وان رمى نظرة حنان(ن) يالطيف=لخبط الأسلاك والضغط رفعه
وان تصنّع نظرة الخل الوليف=سيّح (كويلك )عجزتا تجمعه
وان نواك بهزوة(ن)صرتا سخيف=صرت ما تسوى قصاصة اصبعه
الوكاد ان المبرقع فيه حيف=من ورا ترسانته جيشه معه
ان مشى بالسوق او فوق الرصيف=صايد(ن) صيده ولا احد(ن) يمنعه
واعذابي ...صحت واسمع ياشريف=وش علاج اللي تقرح مدمعه[/poem]

[COLOR="Blue"]الله الله .. ما أجمل القوافي ما أروع المعاني !! لله أنت يا أبا أنس ولله لغتك العذبة ..
[QUOTE]العيون اللي تلاقط يالشريف=من ورا قماش الحداد مبرقعه[/QUOTE]
[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
في الأمر قولان .. يفتيك الشريف = والسند مرفوع للي يسمعه
بعضهن ياشيخ مايسوى رغيف = العيون وساع والخافي بعه
وبعضهن ياسيدي شيٍ مخيف = القدر وطابقته لو ترفعه
لو تمشى في دواعيس (الطريف) = كان قام سعود واطلق مدفعة
من جماله كل ماحوله سخيف = للفتايا من قهرن طرطعة
كنها قطعة حريرٍ وسط ليف = نعنبوا هالليف الله يقطعه
ليت للمزيون -قطعيا- رصيف = والجياكر عن رصيفه نمنعه
آه واويلاه ياحرب الصريف = دون حايل أو شمال المجمعة
ليت شينات العرب فيها قطيف = اذبحوهن حرقوهن في سعة
وكان تنشد عن علاجك يا حصيف = هاك اجماع الأئمة لربعة
اترك المزيون وازبن في عفيف = وابن لك مسجد بوسط المزرعة
والبس القفطان من ذاك النظيف = واضبط العِمة وبالك ترفعة
منهج الاخوان منهج يا لطيف = باعوا الدنيا وذبوا الامتعة [/poem][/COLOR]

الأساتذه الشعراء أبو أنس / الشريف الشرقي الأعزاء
أسمحولي أعبر عن الشعور الداخلي لوقع مساجلتكم على قلبي

[poem=font="Simplified Arabic,5,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
شاقني القاف في دم خفيف=ياحلو وقعه الله الله ماروعه
في سهوله مايجي منكم عسيف=ولايجي منكم نشاز وقربعه
ولاهو شعر كني أغص برغيف=لاقدرت أرميه وازريت أبلعه
مثل صوت للشجر يسمع حفيف=يطرب الأغصان وتتراقص معه
ميزه ربي مثل فصل الخريف=ميزه بين الفصول الأربعه[/poem]

تحياتي

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ياسناعيس الوفا حكيك لطيف=طبعك الوافي ولا تتصنعه
وكان ماتدري تسمع ياعريف=طلتك مطلب ورايك نسمعه
البها والجود يعرفه الشريف=يكمل بحظرة جنابك مـ.. اروعه
لك تحيات(ن) وتقدير(ن)كثيف=ولك مكان(ن) في فؤادي مـ..ارفعه[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
افتني ياشيخ خبّرني وقل=وانت في شرع الهوى قاضي امتياز
كان عين الريم ماتوخذ مثل=لوّها خلف البراقع عين باز
هات حكمك في حديث(ن) مايمل=نغمته ترنيمت(ن) ماهي نشاز
فيه غنّه فيه بحّه فيه دل=نغم(ن) حالم ولاهو بوق جاز
ان ضحك في ضحكته كل الغزل=تنثره نثر الخرز فوق القزاز
فيه من لهجة هل الشام ان سأل=وفيه من لهجة بنيات الحجاز
وان تجاهلته وعصّب وانفعل=شاب صوته نبرة فيها اهتزاز
اختلج صوته وزاد بي العلل=قلبي المسكين صابه خاز باز
تهت من صوته وشوفه ماحصل=صغت له صوره بتعبير المجاز[/poem]

[COLOR="Blue"][poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
مرحبا يانجم ساطع ما أفل = نور رباني !! بلا كهرب وقاز
أنت سيدنا ومفتينا الأجل = مستشار وكلمته لازم تُجاز
والشريف اليوم بالفتوى بحل = حده المسكين ( في سوي نماز )*
بجتهد.. والرب يغفر ماحصل = والعذر منك إذا حكمي نشاز
أولا .. الصوت ما يعطي مثل = كم من الودرات صوته امتياز
شوف ابو نورة إذا مخمخ عسل = وشوف ( عتوبه )من اكناف الحجاز **
صوتها نرجس وغصنه من بصل = ولا مشت كنه توطى له قزاز
والحقيقة قالها ( الوردي ) وفل = أشهد انه قال من دون احتراز
"اعتزل ذكر الأغاني والغزل" =لا يحوشك من عناهن خاز باز [/poem]

[RIGHT]* الذي لايعرف معنى هذه العبارة يسأل أقرب هندي في الشارع : أنتا في سوي نماز ؟ إذا قال : نهي !! فاعلم انه هندوسي :p
** عتوبة = عتاب .. أسأل الله لي ولها الهداية ( وجه معبر ) [/RIGHT][/COLOR]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
قلت الي ذي مسأله واخرى وعدّت=في جواب(ن) من حكيم(ن) منطقي
بس عندي مسأله أخرى استجدت=طالب(ن) حكمك واعرف انك (شقي)
لك مع الخفرات نظره ما تردّت=باخص وقلبك خضر ..أو فستقي
لين شفت الريم في السوق يتلفت=ماشين والكعب (دفّ) يطقطقي
لابس الكاب المخصّر (صبّ) مصمت=راسم(ن) جسمه ولا شي(ن) بقي
ان نطحك تقول ...ياربي(تسمّت)=وان قدمك تقول هذا محرقي*
وان تقفّته الهبايب منك همّت=زفرة(ن) تطلع ....عليها مشفقي
وان ملت خشمك روايحها تنهّت=ينبهج صدرك خطير يشقشقي[/poem]

* تسمّت........كلمه عاميه في نجد بمعنى تحفظ

[COLOR="Blue"][RIGHT] قتلني العي يا أبا أنس فارفق بمحبك ..
[QUOTE][CENTER]لين شفت الريم في السوق يتلفـت///ماشيـن والكعـب (دفّ) يطقطقـي[/CENTER][/QUOTE]
[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
لين شفت الريم في السوق يتلفت = اعرف ان الريم لعابٍ شقي 1
أصلا البنت هذي ماتربت = قل لها: يابنية للعزيز اتقي
يابنية تغطي .. !! كانها ما تغطت = امحطه بالعقال وخله يطقطقي
وابتعد عنها وبالك لاتسمت= حط رجلك مع اقرب مفرقي 2
والله ان المصايب كلها يوم عمت = من سبايب لا بس الفستقي
لابسات البواشي ودها لوتمنت= تذبحك يا سعد أنت والمشرقي3 [/poem]

(1) ملطوش من قول حميدان :
لا تضـم الـذي تلتفـت فـي الطريق /// حــط بـالـك لـهـا فــي قـفـا الـعـايـري
وقل لها وش مريبـك علـى الالتفـات /// يـاضـراب الـخـنـا بـالـثـلاث اظـهــري
إلخ ماقال رحمه الله .
(2) تسمتنا غير تسمتكم يا أهل نجد!! يقولون : فلان سامت ويهه :) يعني راز وجهه.. أو شيء نحو ذلك .
(3) بواشي جمع بوشية :rolleyes: وتجمع بوشيات وهو المشهور عند جمهور البصريين وهو قماش أسود تغطي به المرأة رأسها ! وقد يستخدم في حفلات اللهو والمجون كقول طرفة ابن العبد :
قومي ارقصي لي وارفعي البوشية /// خليني أروي ضامري العطشاني [/RIGHT][/COLOR]

ابوانس
الشريف لشرقي

الابداع مستمر والمتذوقون ينهلون

الفاضل منيع..........................
ونحن من متابعتكم نستلهم الإستزاده ونستمطر الجمال
وننتظر مرور الأفاضل امثالكم ونسعد بكلماتهم وقراءتهم
لك كل الشكر وعاطر التحايا

[CENTER][SIZE="4"]مافيه احد فاهم هالدنيا مثل طرفه ابن العبد (الله يرحمه)

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
وان تقفّته الهبايـب منـك همّـت = زفرة(ن) تطلع ....عليها مشفقـي[/poem]
[CENTER][SIZE="4"]هههههههههههههه (ترى هذي زفره(ن) مهيب ضحكه )[/SIZE][/CENTER]


الله يعطيكم العافية[/SIZE][/CENTER]

الشريف الشرقي...
[poem=font="Simplified Arabic,6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
لي زمان(ن) ماكتبت الك البيوت=صرت مثل اللي فقد شي(ن) عزيز
المنادم معْكْ طعمه طعم توت=او كما قالوا مثل طعم الفريز
والقدر ماهو بتشخيص البشوت=وما يجي بركوب لكزز من حفيز
القدر من ربنا حض وبخوت=يستحقه شخص له عقل(ن)وميز[/poem]

[font=Simplified Arabic][size=4][color=#660066][align=center][B]


/

مـاشـاء الله ..

/

رغــم .. الـ مـعـاجـــم ..


ومـفـرداتـهـا ..


سـ يـظــلان .. نـادران ..

/

كـنـت .. هـنـا ..


وسـ .. أظـــل .. هـنــا ..


إلى .. أن .. أرتـــوي ..


رغم يقيني ..


بـ أنه لا ارتـــواء .. مـن مـعـيـنـهـمـا ..


/

[/B][/align][/color][/size][/font]