منتديات الفطاحله - سلام الله على المشرف سلام الله على الدكتور

[poem=font="Simplified Arabic,6,,bold,normal" bkcolor="transparent" bkimage="http://www.fatahilah.com/images/toolbox/backgrounds/17.gif" border="none,4," type=2 line=0 align=center use=ex num="0,black"]
سلام الله على المشرف سلام الله على الدكتور=سلام الله على الطاير عدد ماداج مـن سـاري
تعال اقرب نبي نلعب نبي نبحث عن المستور=طرالي هاجس مجنـون لاحيـاه مـن طـاري
الطائر المهاجر
اجل خمتك جنيه وجـاك الـدور يالمسحـور=ابقـرا آيـة الكرسـي ولاحـدٍ بالخبـر داري
واذا التربيط ينفع بك فانا يالمرشدي مجبـور=عشيقه جات من صوبك واظنك سابحٍ عـاري
جزل القصيـد
انا بنشـدك يومنـك مديـر بالـوذا مشهـور=ابي نبذه عن الحاصل وابي تفصيـل للجـاري
انا العاقل وانا الفاهم ولكن ماخفـى محصـور=مابين الشك والريبه خفى يعلـم بـه البـاري
الطائر المهاجر
ترى من يشهد لنفسه دليلـه ناقـص مبتـور=وباب الشك ما ودى لغيـر الشـك باخبـاري
مادامك ما توثقت الخبر طنـش بليـا حـذور=وخلك كالبحر يهدر ولا هـو كالنهـر جـاري
جزل القصيـد
علام اللي ينوب القوم في تحكيمـة الدستـور=ليا من مر في زين البضايـع قـال ياشـاري
اذا فكره يخيل له وصار من الهـوى مغـرور=انا ماهمنـي اصـلا مـادام ان المـلا قـاري
الطائر المهاجر
جبال طويق ما تدري عن النسناس والدبـور=ونور الشمس ما يحجبـه لاغيـم ولاغبـاري
ولا ظني الحصان يفكر بنظره مـن الحنتـور=بني آدم بها الغيره ولو في البعض اضـراري
جزل القصيـد
يطير الطير في كبد السما واللـي وراه طيـور=ولا ينظر بغيره دام وكـره ضلـع سنجـاري
وضعيف الريش مايقدر يطير وخاطره مكسور=يناظر بالسمـا ويقـول والله مالـه مجـاري
الطائر المهاجر
الا يالمرشدي وش بك اشوف كنـك المقهـور=تطير ولا توقع في السماء مابيـن الاقطـاري
جناحك لو يساعد يوم اخاف انك تحس قصور=ولا تدري عن الوجهه يصيدك رخم وحبـاري
جزل القصيـد
الا ياشايبي وشفيك صايـر كنـك الطرطـور=تضحكني حركاتك تقـول افـلام جـم كـاري
اجنب حربتي لاطعنك يوم انـك علـي تثـور=اقدر شعرتن بيضـا كساهـا العـج والـذاري
الطائر المهاجر
يغرك هرجة قيلت ولا تـدري عـن المخبـور=انا تـوي شبـاب وشاربـي ماخـط باثـاري
ولكني اخاف العين لاتضـرب مـن المقشـور=مثل عين العتيبي يـوم ذب الطيـر ماطـاري
جزل القصيـد
علامك تطفي اللمبه عن اللي مايشوف النـور=ترى اللي بان في وجهك على ماقيل من ضاري
تعوذ باسم ربيت البيـت لاناظـر ولا منظـور=ترى ماقد مدحك من البشر واهتم بـك غـاري
الطائر المهاجر
تحسب انه مثل وجهك طريق وآخره محفـور=انا وجه البدر وجهي ينافـس كـل الاقمـاري
واذا منك تبي تعرف تمقل صورتـي بسـرور=فانا يوسف ونا عنتر وسيفي يشطر الضـاري
جزل القصيـد
شبيه البدر ياعمي يقولو مـن بنـات الحـور=وشيخ القـوم لابيـن يجيلـه قـدر ووقـاري
على فكره ترى وجهك تقول محفّـر مجـدور=وانا ماقول غير الحمـد مانـي مشمـتٍ زاري
الطائر المهاجر
بدتك الغيرة القشرى تصيح الصوت بالطنبـور=تخاف من المنافـس دون مـداف ولاصـاري
تعال وخلنا نمشي بوسط السوق لو في صور=تعرف الحق والباطل الى من طـال مشـواري
جزل القصيـد
مصير الوقت يخبرنا مدام ان الليالـي تـدور=مصيرك تاكل الخيرات يادكتـور مـن خـاري
يشوم الصقر مايرضى يصير بجانب العصفور=واذا شفت الكريم الشهم تلقى الخبل متـواري
الطائر المهاجر
اشوفك جبت منخارك بطاري مـاوراه عـذور=ونـا ظنـي الاوادم مالهـا منخـار ياجـاري
وحر الطير مايحتـاج لـه دربيـل او ناظـور=تعرفه من فعاله لا كفخ فـي جـو الاحـراري
جزل القصيـد
تبي علمي ياشايبنـا تنـزه مالحـق قصـور=كريم شهم تجبر خاطـر المكسـور وتـداري
تونسنا معك واستانس الطـاروق والجمهـور=وصراحه شغلك الفنـان كـن فـن معمـاري
الطائر المهاجر
ترى شعر المحاور للوناسه لو وصل محظور=مدام ان القلوب بصفوها من غير اكـداري
محاور في دفاع وفي هجومٍ يشعـل التنـور=بدونه تطلع الخبزه عجين ولا صلت نـاري [/poem]