منتديات الفطاحله

[quote=عبدالناصرالعالي;950992][center]السلام عليكم ورحمة الله وبركاته[/center]

[poem=font=",6,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]

إذا إسألوك أصحاب عني وعذال = قولي لهم وياه ماشفت تقصير
قولي لقيت الحب في قلب رجال = يعطي كثير بدون منه وتوفير
قولي بصدره حزن مبني وتمثال = بس بشموخه كسر الحزن تكسير
قولي سند فالوقت وحزام لا مال = دايم إذا احتجته يجي فازع مغير
قولي من الله يكره القيل والقال = وهراجة المجلس وذم المسايير
قولي زبون الطيب في كل الأحوال = مكرم ضيوفه كرام صقار للطير
قولي يموت وكلمة الحق تنقال = ماينتظر في الحق لحظه وتفكير
قولي في قلبي بعذب الحب يختال = مانساه حتى في الليال المعاسير
قولي براسه عزه شماغ وعقال = رغم الفقرشامخ كماطويق والنير
قولي قضى عمره مع الليل رحال = بينه وبين الليل خوه وتقدير
قولي لمست بداخله طيبة أطفال = في نظرته أقراء لحنانه تعابير
قولي شجاعه تسكنه عقل وخبال = محد يديره لوقسى الوقت ويدير
قولي تحت عدوان ماطاح ونذال = يعرف وجيه اللي وراهم مخاسير
قولي مكانه عز ورجال ودلال = على العلوم الغانمه رابي صغير
قولي ترى ربعه أهل صيت وابطال = وياما لطمت عايل وذبحت مغاتير
قولي لعينه صار للشعر مدخال = شعره على قلبي له الفين تأثير
قولي معاه الضيق يرحل وينزال = لا قبل علي من الفرح ودي أطير
قولي طبيعه فيه صمته ولو طال = صدره على أسراره عميق كما البير
قولي رضي مع والدينه ولا زال = خادم لهم بأحسن طريقه وتدبير
قولي يعز أخوان واعمام والخال = يرخص مسافات الوصل والدنانير
قولي كريم النفس والحال والمال = مال البخل في دنيته آي تفسير
قولي بقربه عشت أنا أيام وليال = طبعه علي يخاف . يشتاق . يغير
قولي مع أشواقه يسافر للأطلال = دايم على راس الرجم لأقبل عصير
قولي وسيع إبطان ومطولٍ بال = ولا يلوي ذارع البشر بالمعاذير
قولي ترى ماهو مع الناس محتال = يكرم عن اللي دمروا الناس تدمير
قولي يصوم ويطلب الله بالأعمال = وأن صار به مكروه يزداد تشكير
قولي مواطن حب موطن بالأفعال = ثابت ولاه وماحصل فيه تغيير
قولي بخير وصحته عال في عال = عن حالته يرسل مع الشوق تعبير
قولي أحبه والغلا بداخلي جال = حبه في قلبي فاق كل التصاوير
قولي ثقيلن مجرفه زين الأشكال = وياكثر حلو أشكال بقلوبها الكير
قولي كذا للناس لو أنتهى وصال = وأن صار يوم وفرقتنا المقادير
هذه الوصيه لمن سأل لازم تقال = أن كنت أبالغ شاعر وعادي تصير
ودي مابين الناس وتصير منوال = ذكرى جميله بدون دمعه وتعكير
لو البشر تستر بعضها بالا قوال = محد سمع مقهور يبكي من الغير
ولو البشر ماتنهي قلوب وأمال = أن كان صرنا بخير وامالنا بخير
ولو البشر من غير حاسد وعذال = عشنا حبايب لوحصل فيه تقصير[/poem][/quote]

قلت الزين من نظم مبدع
احسنت القول

صح لسانك لا هنت ابد