رد: فهد بورسلي
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يوم الأحد والبارحة وأمس واليوم=اشوف واسمع والحكي بالإشاره

مخلدن كنى على الوجه ملطـوم=عندى تواسى ليلها مع نهــاره

لاحي لا ميت ولا طابلي نــوم=ما حس تنزل أو تزيد الحـراره

شر بى وما بين الغذا غم وهموم =والنوم زافرتن تفت المــراره

صابر بحكم الله على كل مقسوم=مالى سوى منجي السفن فى بحاره

حظي كما طيراً تلب وابعد الحوم=زل العمر واقفى وأنا بانتظــاره

راوي من الدنيــا تفاسير وحلوم =بالشر تنذر ما وراهـــا بشاره

لو سرتك يومن غرابيلهــا دوم =كم فزر قومن شالته من ديــاره

واليوم لا تستنكر الشوم واللـوم=ناسن تهلل والديانه عيــــاره

أقرب قريب أن مت ما قال مرحوم=يقول زلت عن طريقي حجــاره

تقاطعت ولا حرفى رحمة البوم=ويعايرك من شافت الناس عاره

الله واكبر يا زمانن مضى حلوم=كله وفا والجار يحلف بجــاره

متكاتفين بكل داعي ومرسـوم =أعمالهم راحت علينا خسـاره

يا ما انقذوا بأموالهم كل مظلوم=بذراعهم يا ما اقهروا كل غاره

صارت فعايلهم حكايات وعلوم=نمشي بسيرتهم ولا من نمـاره

غض النظر يا ساهرن بات مهموم=ومـن شالها لاعمــر الله داره

عليك من نفسك ولا انته بلمـزوم=ولياك تمن لو تشوف البشـــاره

الوقت مظلم والهوى فيه مسمــوم=والكذب فرضن والنميمه اتجــاره

يا الله يا فارض لنا الخمس والصوم=انك تريد ابنا العدل والخيـــاره

ولا العمر لو طال لابد معــدوم=يا ويل من ياتى كتابه يســـاره

وصلاة ربى ما سرى البرق بغيوم =على نبيا شرف الله وقــــاره[/poem]

رد: فهد بورسلي
 

الفقير الله يعينه


[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الفقير الله يعينـــــه =ما بقت حتى سفينــــه
حطّوا الجهــده بضياهم =والظما والقيــظ جاهم
وشْتفيــدك كهربـــاهم =ماي وين المــاي وينه
للضيـــا يكفــي سراي =ولا نبــي سكــر وشاي
الحياة تريـــــد ماي =الأصــل منــه حيينـا
ما دريتوا الماي كايد =اتلفـت منــه بدايـد
كلما شفنا الشدايـــد =واعدونـا في مكينــه
باكر العجز اتّراقـــل =والحمير بْها اتّصـاقل
بس مهنتنــا نْتناقــل =من مطينــة لمطينــه
ما بها حيلة وجـــارة =العَمَيْ يربـــط وزاره
يقْضِب أمه في يســـاره =ويقضب القوطي بيمينه
لا اتّضحّك يـا غشيــــم =ما هو الوقت القديـم
بوم في نقعــة غنيــم =تكتفي كـل المدينــه
البــلد هذي أهلـــها =والبلا من اللي دهلها
كل من زار ونزلــــها =زاحم اللي عازمينــه
من الظما ما شوف فكّـه =كل سنه بتصير صكـــه
كل من بنّد بركّــــــه =وقال حنــا ما علينا
الفقيــــر الله يعينـه =ما بقت حتى سفينـــه[/poem]

رد: فهد بورسلي
 

جار الزمان وشب بالقلب تنور

[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
جار الزمان وشب بالقلب تنور=وقت الخطا مدبر ولا فيه حيلة
دمعي تحدر من على الخد منثور=دايم على الخدين يجري مسيله
ابات ليلي بالمصيبات مقهور=ليال ذقت الضيم ما هي بليله
من ضيم وقت هدم الدور وقصور=منكف على العالم بجيشه وخيله
لو كان له فضل على النفس مشهور= خلوه يوم انكف عنهم حصيله
ركب الرديف وحولوا راعي الكور= وقاموا يرونه في النفوس الثجيله
لو كان ينطح له بما فات طابور= اليوم مسكين وحاله نحيله
محد يقول اعليت ياالليث ماجور= وقت تغير دار دور بديله
لا عاد شان الوقت والحظ مدبور= الليث وندخ والقطو رز ذيله
الهر يفرس من حمامه وعصفور= ماتشتهي نفسه لزوم يجي له
من لول عند المناعير محقور = واليوم له يمنى عليهم طويله
كم واحد حر كريم ومنهور = يفرح بوجه الضيف عينه خليله
صار له زمان به تعاكيس وكتور= في حالته عقب المعزه ذليله
ياحيف طاح وخاطره طلق مكسور= ماله صحيب صافي يشتكي له
عند الملازم يرجع الشور للثور – يفصل وله ربع رضوا بالفصيله
والحر شوره لو حكى فيه بالخور = ما شوف منهم واحد يصطفي له
كم ليث باتع من ردى الحظ ماسور = من شاف حاله قال واعزتي له
يغلي بقر من ردى الوقت ويفور= امن الوجاش ليت ربي يزيله
يوم الردي بتفاه والطيب مثبور= وقت الخطا ساعة نفوس رزيله
قالوا بعض ناس على الطيب خايور= الكدش حطت بالخيول الأصيله
يامن يبرز لي ظلامه من النور = وقت تغير والمساعي قليله
لو يرجع اللي قد مضى دور منذور = ومن الفرح كلن يبرد غليله[/poem]

رد: فهد بورسلي
 

الألفيه عن فلسطين

[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ألف آه من الدهر و أيامه=ذلل معازيبة ورفع خدامة
الباء بعد ما ترجع ايام السعود= ولا ظن الماضي الأول يعود
من يظن تصير كلمة لـاليهود=صارت الكلمة وحصل قسامة
التاء تحيرنا و لا يحصل دروب= في بلادين الأهل غروب
صـــاح تاريخ العرب ويــن العرب=يحيا مجد العرب وين أيامه
الثاء ثبت عندي خبر عندي خبر=الحـياة بعز و إلى للقبر
يا نسل قحطان إلي وين الصبر=ها المبادئ لي جاءتكم هدامة
الجيم جاءونا من أوربا مشردين=شالعجب حنا نضيف التائهين
كـل بـلاديــن العـرب و المـسـلمين = الوفا و الدين عند اسلامه
الحاء حـلال النـاس يسبونه سـبـي = خالفونا و خالفوا دين النبي
قاطعوهـم من كبـيـر و من صـبـي = خلوا تبور السلع بالجامة
الخاء خلايا مـن الوفـا بس الغدر = بالخيانة و الخديعه و المكر
اليهـود الـسـل و الداء الخطـر = لي سرى في الشعب سل عظامه
الدال دولتكم تـبـي عز و نصر = يا ملوك العرب حصروههم حصر
يا حجـازي يا عـراقي يا مـصر = كثر دق الـدرع يفـك لحامه
الذال ذلـهم من قديم بكل بلد = لو يزيد الجيش في عده و عدد[/poem]
.............الى آخر القصيده

رد: فهد بورسلي
 

بطلوا خلو نستريح

[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

بطلوا خل نستريح = هذا هو الرأي الصحيح
ود ميتر جيب واير = ذا فقير وذاك تاجر
بس قضضتوا العواير = والعرب كل يصيح

مدرانا وين كانوا = إرحلوا والا تغانوا
جان وقت الضيج بانوا= يوم جا الوقت الشحيح

الأمر أمر خطير = بلاد ما فيها مدير
جبتوا من بصمه خبير = عضدوا له لا يطيح

بصمجي ما أدري بصمجي = حلوجي ما أدري تتنجي
وأنا أظنه عربنجي = وعندنا المنصب مريح

منهو فعله منهو أمره = لمبه بيضا تصير حمره
بكل شبه نشوف جمره = يستر الله ما تطيح

النظر ردوا الاوايل = سراينا يا بو فتايل
كهرباء وتفنن حمايل = ميتر " الأي سي " وكيح

سراينا يا بو فتيله = ما يشكل كل ليله
بالعجل شبه وشيله = من الأذية نستريح

لو يشب تريك دارك = ما يشب تريك جارك
أذت اطوالك قصارك = ما بكم واحد صريح

ما نبي بنكه ومدفي = بس نشوف الدرب يكفي
بالمكينة الجرح مخفي = ما تداوون الجريح
دبروها يا شراكه = ونبهونا ما نتشاكه
من الجدر تكفي الحكاكه = والعبوا لعب مليح

غربلتنا ها المكينة = نوب ضعيفه ونوب سمينه
كل ها الدقة اللعينة = من عدو عيسى المسيح

كهربا العالم مدمرها = لي شروا وحده كسرها
لحيته يفرق شعرها = منظره منظر قبيح

الأجانب قام حظهم = واستفدنا من مرضهم
شطر وبسكات عضهم = زلغونا بلا نبيح

بطلوا خل نستريح = هذا هو الرأي الصحيح[/poem]

رد: فهد بورسلي
 

ما نبي النفط ومعاشه صرنا للعالم طماشه
أهلها ماتوا عطاشه ضاع بالطوشه الفقير
من الفجر شايل قربه بس يبي لو درب يصبه
نفطها غرق أوروبه والظما بها يستدير
جابوا كنديسه جديدة قالوا بالعالم وحيده
قلت خير الله يزيده وازرعوا حنطه وشعير
لا زرعنا ولا شربنا كل من أصبح خطير
من عجمنا ومن عربنا كل من اصبح خطير
عرباين ما تبيعك والمهارا ما تطيعك=
من عوينك من فزيعك نشتكي عند الأمير
ما نلومج يا بلدنا والسبب كثره عددنا
شف بلادك يا ولدنا ما بها مفرش حصير
ليت ها النفط الغزير ينقلب ماي غدير

رد: فهد بورسلي
 

[COLOR="Teal"]الطائر المهاجر

بارك الله فيك و عليك مجهود رائع
دمت و سلمت و غنمت[/COLOR]

رد: فهد بورسلي
 

[center][glow=003333][size=6][font=comic sans ms][color=#ffffff][color="deepskyblue"]
[color=#00ccff][size=7]
[color="plum"] اختياار موفق للغايه

قصااائد بغاايه الجمال


شكرا على الطرح الراقي[/color][/size][/color]

[/color] [/color][/font][/size][/glow][/center]

رد: فهد بورسلي
 

[color="purple"][size="5"]تعرف كنت ادرو على قصيدة لفهد بروسلى
من زماااااااااااااااان
والحين تجى قدامى
جد انت سكلوبيديا يا عووووووووووووود

تحياتى[/size][/color]

رد: فهد بورسلي
 

يعطيك العافيه يالعود