منتديات الفطاحله - ست مهرات ظمايا(بالصوت)

[quote=الطائر المهاجر;305673][rams]http://www.fatahilah.com/up/6muhrat.mp3[/rams]
[poem=font="simplified arabic,5,white,bold,normal" bkcolor="tomato" bkimage="" border="double,4," type=2 line=0 align=center use=ex num="0,black"]
ست مهراتٍ ظمايا بالعيــــون الناعسات =العبن بالعقـل ساعه ما دريت إنه غـرير
وقفنّـي بالطـريق وكنت ماشي للصـلات =قلت وش تبغن وقـالن فكر من عقل كبير
باحثاتٍ في الجمـال ووين نلقى الفاتنـات =ونت يالطير المهاجر صرت بالعـالم خبير
كبّرن راسي بكلمة صرت فوق الكائنـات =واعتقدت اني حقيقة بالسما صاير اطيـر
قلت كل الزين يوجد من المحيط إلى الفرات =ناطقات الضاد فيهن زين ماله من نظيـر
قـالن اكشف للزوايا وانظر بكل الجهـات =كـود تلقى الظبي وينه قبل يشتد الهجيـر
قلت اشوف الظبي كاثر بالخليج بلا عنـات =من عمان إلى الكويت ووين ما شفت الغدير
قالن ابحث زود تكفى كـود تلقى النـادرات =المهـا والريم شكله اختفى ماله مصيـر
قلت لا .. توي لمحته بالبراقع والعبــات =بالسعوديّة مكان الـريّم باللبس الستيـر
قالن اختر بس وحدة تجمع لكل الصفات =تعتلي عرش الجمال ولو نشوف إنه عسير
قلت حبّي من سواها نادرة بين المهـات =اتركني لـو للحظة حاسس بأمرٍ خطيـر
كنت داله ذكّرنّي حرّكن جرحي اللي مـات =واعذابي من نزيفه عارفه جـرحٍ كبيـر
ياخسارة يالحبيبـة كن منتي بالحيـــات = دوم ما تـدرين عني ما كترثتي بي كثيـر
كلّمـا ناديت زدتي بالعنــاد وبالقسـات=ما تبين اللي ينـادي لو ينـادي من ضمير
تعب صوتي تعب قلبي صرت عرضه للشمات =كن حبي لك جريمة ما تحبين الفقيــر
وين عهدك وين وعدك وين احلى الذكريات =كيف ميلادي وموتي تنتهي بوقتٍ قصير
لا تعذّر يا حبيبي عذرك الـواهي السكات =ما بقي لك ما تقوله مانت في حبي جدير
حبّك الصـادق تغيّر صار حبٍ للغنـــات = لـو تغطي ما تغطي انكشف لي بالأخيـر
ما خبرت البيض تخدع دام يدين الصلات =لين شفتك بالمصلى تسجدي لاهل الحريـر
ادري الخطـاب كثروا بالعروض المغريات =كل واحد صار شاعـر يمدحك حتى الضرير
وان رضيتي أي خاطب تندمي بعد الفوات =لا تقولي ما نصحتك هذا الإنـذار الأخيـر
قالن المهرات يكفي تهمتك تبغى ثبــات =خوف تلفيقك عليها وانت من بعض الدشير
خلنا نسمع ونعرف وين أسباب الجفـات =ومن عليه الحق شاله مانبي قلبٍ كسير
يا وخيّه وش تقولي في كلامه والشكات=لا تخـافي دام معنا حنا لك عـون ونصير
قامت الوسطى تمايل شالت البرقع وجـات = ناظرتني واذهلتني وأعلن القلب النفيـر
قام يكفخ مثل طير وصابني مثل الغشـات = ثم قالت ياخـــواتي كلما قاله يصير
صادقٍ في كل قوله جاهلٍ بعض الحكـات = ما ألومه لو تضايق دام من اجلي يغيـر
زوجوني غصب عني مثلما بعض البنـات = وارتضيت الحال كله دام امثـالي كثيـر
ونتن بوضعٍ مشابه لــو تلوذن بالصمات = كل أهلكن قايضوكن والمهر حفنـة شعير
احمد الله لي حبيبٍ فاهـمٍ ما به غبـات= حاسسٍ بالوضع كله ما خفاه امرٍ صغير
[/poem][/quote]

صح لسانك مليون ولايكفون
قصيدة جزلة من شاعر جزل
سلمت ودام حرفك