.. "" إشتـــهيـــتك .. ""

[عدنان كريزم]

بسم الله الرحمن الرحيم

السلام عليكم ورحمة الله وبركاته

الفطاحله منبع للتواصل .. والغياب منبع للشوق .. عسى ان تعجبكم ذائقتي ..

لانني اراني اصغرها هنا ...


المــــدخـــل ::


وحيد ودمعتي تشكي خدودي = عجيب الدمع لو ينهي صمودي
سَجَين وتهمتي "قاتل مشاعر" = حزين وتذبل بإيدي ورودي

القصــــيده ::


إشتهيتك في فيافي الجرح (كيف) = ليه تهدم ما جمعته من غلا
كان نفسك في مشاعرها تزيف = روح عني يكفي ما فيني إبتلا
وينه إلي يمتلك ظلٍ طريف = من حلاته يمتلي كل الفلا
كان قلبي في موازينه خفيف = لين جوفه من محبتك إمتلا
ما تركتك لو أحاسيسي تعيف = مجتمع كلي واناديلك "هلا"
في رحيلك أصبح " الشاعر" ضعيف = خانته كل المشاعر والملا
وإنحصر ما بين أشجار الخريف = وأسقطت أوراق فكره ما إعتلا
وإبتدا يبكي ودمعاته ذريف = لين صاحت يا عيوني مو حلا
إشتغل همي وأحزاني تضيف = وش أجمّع لو تلاني ما تلا
لو اشوفك في خيال النوم طيف = وأنسى احزاني ويسلا ما سلا
وأشتكي حلمي على اطراف الجريف = إما (غاليتي) انا وإلا فلا
إشتهيتك في فيافي الجرح (كيف) = إرجع وجمّع ما تملك من غلا

المخـــــرج ::




قبل لا تنوي الخطوه نصيحه إستمع للشور = ترى ما خاب من شاور ولا من يستمع شوره
دخيلك لا تجي يمي وتبني من حلاتك سور = اجل بحكم على نفسي أعيش وحاجزي سوره .!
وإذا كانت طموح النفس ترضى للألم مقدور = أجل وش هو يفيد الحب إذا ما شاف مقدوره

وسلامتكم