هذا كلامي ..

[عبدالعزيز ابراهيم المنصور]

ياللي تعذربي مع الناس قلي=وش فايدة فعلك لجالي مجالي
وش لك في قولي في حياتي وفعلي=قلي وش اللي شفت بي من خصالي
لامن دعاني صاحبي جيت كلي=ولاني من اللي لادعي مايبالي
اشيل همه في رحيلي وحلي=وانشد عن احواله الامن طرالي
افرح بشوف الناس لاجو محلي=واسعد بوصل اللي رغب في وصالي
متعود ٍبالضيف ارحب واهلي=واشب ناري قرب عذب الدلالي
وازل من خولاني الكيف زلي=في مجلس ٍ به من قروم الرجالي
أنا عزيز امن العطامااملي=ولاني من اللي يجمعون الريالي
اعيش يومي بين ناس ٍ تسلي=في منزل ٍتسكنه بنت الحلالي
ابوها قرم ٍ للمشاكل يحلي=متميز ٍ بالطيب في كل حالي
هذاكلامي جاك ياصاح ياللي=يزيد هرجك كل ماجا مجالي
والخاتمة صلوا عدد مايهلي=وعداد مافوق الثري من رمالي
على رسول الله محمد نصلي=نبي امتنا كريم الخصالي