۞ ۞ دلوعة الغيم ۞ ۞

[عبدالرحمن هلال الهلالي]

مدخل
v
v
القلوب الخضراء تنبت العشق لانها صالحة للحب:)
v
v
القصيدة
۞ ۞ دلوعة الغيم ۞ ۞



لاهزت إيدين الظماء كتف الغروب = تطيح شمس : ويبتدي ليل الطرب
حبيبتي :.غيمه : تلاعبها الهبوب = هتان ليلٍ :. داعب اعواد القصب
دلوعة الغيم :.وسنا برق الجنوب = صدر الشمال اللي يزيد بما رحب
جادل رغدها يخطف انفاس القلوب = تغااَر منها :. كل شيهانة عرب
بعيونها( كل الحور )يفتن شعوب = وانا لك الله ميت برعشة هدب
احبها :. والشوق ماعزم يتوب = إلا يطيش :. ويعلن الدنيا صخب
لو تبتسم شع البياض بكل صوب = يحك جفنه ليل :. ويطيح العتب
ويغرد البلبل :. لنا الله ياالدروب = عادت خطاوي شوق زاهية النسب
من حسنها لامن تهايت للشبوب = ماضل عودٍ مارمي نفسه حطب
وان قامت اعوادالوله تشعل حروب = تجي سوات الفرح وتفك النشب
من حسنها لو فكرت مره تذوب = ذابت معاها جبال :. والغافي وثب
ويميل معها الموج يتراقص طروب = والشط حاسدها ويرقب عن كثب
ويذوب عطرٍ غافي بازارا ثوب = من دون مايشعر بلهفات انسكب
ليه انسكب ؟ مدري ولكنه لعوب = من عنقها( لامفرق الصدر) اقترب
خلاص ياقلبي لاتلحقنا ذنوب = الفكر من موال غيك انسحب
تعال حدثني عن الوجه الشحوب = والضامي اللي ضاع بحكاية سرب
والريح لاهبت وتبغالك شبوب = احطب ضلوعي لجل توقد لك حطب
وان مالت الفيه مع كتف الغروب = شغل لنا ,’,{ فيروز سمعنا طرب}




v
v
مخرج لصوت فيروز:)
v
v
http://up.fatahilah.com/up//uploads/37a03aec19.ram[/RIGHT][/align][/SIZE]