لاجلك صدى روحين

[نجم الإبداع]

لاياعسل ياشهد للروح منساب =ماغير حبك حب يسكن خفوقي
ماطيق اشوفك يوم ياحب منصاب=لو ضقت وقْف الدمّ داخل عروقي
شاعر ولي في كل وادي صدى ناب=لكن ماغيرك يطيب ويروقي
الشعر عندي للهجاء جزل وعتاب = اما المشاعر مالغيرك تلوقي
لانك ملاك القلب لك والهوى طاب=قلبك معي طول الليالي شفوقي
تزعل على العالم وتبكي ورى الباب=تدعي ودعواتك مجابه وتوقي
حطيتني داخل خفوقك والاطياب = اشمها لانك بحبي صدوقي
يغار منك البيض وتحار الالباب = في وصف ترياقك ودمعي بموقي
انا هويتك والهوى ماله اسباب = الا صفى روحين تلغي الفروقي
روحين فيها الصدق في كل مرقاب=واخلاص متبادل وتفكير ذوقي
عفه تميل بكفة العشق واعجاب = فوق الثرياء والثرى ماتبوقي
على الشرف ياحب من خير الانساب=حشمه وحكمه مايجيها زروقي
يالي بذلت الروح لي بين الانجاب=لاشك روحي لك وبالقلب طوقي
ياليتني واياك بالعالم اقراب = لن كان ماونيت من جور شوقي
اكيد حبك غير عن كل الاحباب = لاجلك صدى روحين ياحب فوقي