الحكي ببلاش

[ناصر عبيد الهواوي]

صدوق الحيا يضفي على الساحل الشرقي=ويغشى العتيبية غشين وبرد ورشاش
ويعم المناطق كلبوها بلا فرق ِ=يسر الحضر ويزين خاطر هل الأدباش
اقوله وانافي هاجسي خافقي غرقي=ولو قيل شكلك منبسط قلت والله ماش
من العام حالي شايفه ينسرق سرق ِ=وعلى عقلي اشره تقل ملتمسة الأفياش
وصرت اتهيض كلما يلعي الورق ِ=مغير اتردد لامقيم ٍ ولاطراش
رشأ لاطرا لي مهجتي تنحرق حرق ِ=تضيع الروابع واتعومس منه وانداش
ابو عاتق ٍ يوضي كما كاشح البرق ِ=وقد ٍ مهفهف كمل الزين ماخلاش
وثمان ٍ حوى العناب بيض وهن فُرق ِ =وخد ٍ الى طار البريقع تقول إفلاش
وعكش ٍالى ما اطرق بهن انطرق طرق ِ وخال ٍ على صاف ٍ بياضه بياض الشاش
درقني بقولة رح وبكرة تجي درق ِ=والى جيت ابا اقرب فز من مجلسه وإنحاش
مابي شي احب اسمع كلامك وانا طرقي=تكرم وسولف لي مادام الحكي ببلاش