مزنٍ لبرقه في سماء نجد رفراف

[زيد راجح]

ياموج انا لو قلت ماني بعراف=لكن فوايد من تجارب حياتي
جربت انا فرقا الولايف والإجحاف=في حاضر الايام والمقفياتي
ماهيب تخضع للعوايد والاعراف=اوامره ماتنعصي صارماتي
وزبدة كلامي كان تبغين الإنصاف=وقصر الكلام احسن من الطايلاتي
ان كان صدق اللي تقولين بك طاف=عليك في كثر الدعاء والصلاتي
اشرح وان قلبي من الوجد منلاف=لوف الهبايب في هشيم النباتي
والعفو كان انه حصل مني اخلاف=تراي بعض احيان اضيع عباتي


هذه الأبيات عبارة عن مداعبه لشيخنا الكبير الذي علمنا الشعر.
الشاعر ناصر بن عبيد الهواوى



مزنٍ لبرقه في سماء نجد رفراف=ترجى خراجه كل الأربع جهاتي
تحتاج له بعد البطا مدن وأرياف=والفيضه اللي تفتقر للنباتي
خلته على العارض ويجنب للأطراف=متى على شرقه يخيل وياتي
سيله مع الوادي لصوته تقضاف=هز الجبال الشمّخ الراسياتي
ضيع عباة اللي يقودون الأسلاف=الماهرين الحاذقين الرماتي
لطامة العايل مكرمة الأضياف=(عقبان نجد مطوعين العصاتي)
اللي قضوها بين غزوات وانكاف=بالجيش والآ سبّق المسرجاتي
ياشيخ يوم أنك على دين الأحناف=والشعر فيه تلاحي الذارياتي
ما أفتيت من ينشد عن الهجر بأنصاف=وتجاربك قدامنا ما ضياتي
ما قلت يا جامع من البحر الأصداف=ياصايده لو دونه الموج عاتي
من يهجر الوافين ما يعتبر واف=لو حب ما خلا حبيبه يحاتي
اما لعوبٍ لأجمل الورد قطاف=له في حدايقها مقيل وما باتي
عنده من أسراب المها اشكال وأصناف=يومٍ يرد دجله ويوم الفراتي
والآ ظروفه تمنعه دون الأهداف=ويمكن تزين أيامه المقبلاتي
ويرجع لمن قلبه صدوقٍ وميلاف=لوغاب ماله عن رجوعه غناتي