محاوره فريده من نوعاها البدراني والعطاي

[موج القصيد]

البدرااني =

بدأ ليل القصيد وليلنا تو ابتدينا فيه = مادام ان العطاوي حاضرن ودي اغني به
انا ومروجح القيفان نسهر والشعر مغليه = ولكن من وسيع العرف نبغى من هناديبه

العطااوي =

بدا ليل القصيد وراح ليل اهل الهوى والتيه = وكم ليلٍ تعسه وانت يا محمد ما تسري به
وما دام الشعر عنوان اللقاء من باع أبه يشريه = اجل وش خانه اللي في المواقف ما يماري به

البدراني =

سرينا بالغداري وانت داري ماير قلي ليه = كلام قلته بحضرة رجال ولابها غيبه
نبيها حاضر بحاضر ومن نادى لي البيه = وذيبٍ لاعواء بالصوت جاوب له ترى ذيبه

العطااوي =

وانا ما اقول فيك خلاف دايم موقفك تحميه = لكن وثق كلامك واسمعه يا لشيخ أبو شيبه
وانا لو ما اعترف بك لا انت لا ماجد ولا انت بليه = تبا تشرب من الشك وتبا تشرب من الريبه

البدراني =

ابي منك الخبر واتقول مابه علم ياراعيه = واليا منا اجتمعنا بالملاقا حرب واعتيبه
نبي نلعن ثوى الشيطان واللي خافين نبديه = ولكن كل دلوٍ خابرينه من مجاذيبه

العطاوي =

على شان القضيه كلها تا تعترف يا هيه = من اللي يسري الليل ومن اللي دوم يغدي به
عدوك يالشبابي بالمفتل والقنا نكويه = ولا منا لزمنا غاربه بالجو نومي به

البدراني =

ترى مابه قضيه مير هالموقف نبا نحميه = نبي علمٍ وكاد ومن دعى ربه يلبيبه
ترى لاطالت الطرقه من اللي لازم انقديه = ومثلك ياولد ماقوووول الا ثابتٍ طيبه

العطاوي =

انا خابرك طيب كل علم غانمٍ تحريه = وانا ذاخرك في وجه العدوين أكبر مصيبه
وعلمك في ضميري يالشبابي ماني بناسيه = وخوة واحد مثلك عرفنا وش مكاسيبه