وجد

[ناصر عبيد الهواوي]

ياوجودي عليهم يالتميمي وجد صدام من فقد الرياسة=والقهر مثل قهره لويجي ويشوف من يدخل القصر الرياسي
آه من قلبي اللي كلما قلنا هدا صادفه عارض وحاسه= وأخطر امر ٍدهى المسكين وصل اللي يودهحصل فيه إحتباسي
وده حصل فيه احتباسي
رحت له ما عطاني وجه مثل أول والأوضاع جا فيها إنتكاسة=مرة ايقن بقطع الوصل واحيان التمس 0عذر له وأقول ناسي
من كلام ٍسمعته ماعهدته منه من قبل شال القلب ياسه=هزته صدمة الموقف وأنا من هولها صابني مثل النعاسي
كلماجيت ابا أهرج واسأله عما حصل صار بلساني يباسة=مايجيب الكلام ولا يودي لكن اشوف بالوضع التباسي
كيف تنسى سنين عشتها وإياك ياصاح في بسط ووناسة=لا تحطم جميل الذكريات اللي عليها اعيش وتزيد المآسي
وكان صمم على رايه ونفذ ما يريدون ياحظ التعاسة=مشكلة ما يوافق حلها ياكود تفكير مخ ٍدبلوماسي
فزعتك يالصريح إل صاحب ٍقد دوخ الهم والتفكير رأسه=لك مواقف قديمة تشبه الموقف وأناخابرك رجل ٍسياسي
أنت صاحب وفيٌ ومن رجال ٍوافية عندهم حزم وفراسة=اسعفه بالحلول ولا تطري كلمة (إنسه) ترا ماهوب ناسي
موقفه صعب للغاية ومتعقد يبي منك تحليل ودراسة=وضع ما يحتمل تأخير حاول تاجد الحل في وقت ٍقياسي
بالذكا والدهى حل القضية والشطارة وأساليب السياسة=حاصلة طيحتي لابد منها مير ودي الى طحت إمتواسي
لأجل مايفرح الحاسد وتشمت بي جنود النقيلي والبلاسة=ودي اظهر بثوب المنتصر قدامهم ما أنهزم مرفوع رأسي