مع المر ي ؟؟؟؟؟ ياويلكم ياهل

[الطامي]

ياويلكم ياهل الحسد والقطيعه = اللي بعرض الناس دايم تلوجون
وان شفتو اللي مسالم وله طبيعه = قلتو بعرضه كل هرجه بها دون
حتى الحراير ماسلموا من الشنيعه = بعراضهم في كل مجلس تقولون
وتسعون في ورث اليتامى طميعه = كانت حلالٍ او حرام تريدون
والى صفا قلبٍ لقلبٍ بصنيعه = شبيتو الحرب الخفيه عن عيون
تسعون في فرقى تجيهم سريعه = وكلتوالتُهم باللَي لهم درع وحصون
قلتو حكي وزادو عليكم بديعه = ناسٍ على شذب المقفين يوصون
واذا لفا من هو ادروبه لكيعه = قمتو بجنبه لو الخلايق يصيحون
اهبي اعقول مثل سراب قيعه = مامنكم اللي صاحيٍ وله تردَون
كلن يقول ان هالعوايد فضيعه = ماسلم منكم حي واللي يموتون
وانا اشهد ان فيكم ارجال رفيعه = واعلومها اتذكَر مع الكل بالعون
اهل المجالس والعلوم السنيعه = واهل كرم وان ركبو الخيل يردون
وتكرم الحاهم من هروجٍ وضيعه = اهل وقار وجاه وافعال وتمون