قرّبــــــــــــــي جــــنّـــيّتـــــــ

[ماجد الزيد]

http://www.alamuae.com/up/Folder-001/1211581324_jnnyah1.rm

اكفخي شيهانتي من راس عِمّه=من على هامة بعيدين الهقاوي
اكفخي ايه اكفخي كفخ المدمّه=اضربي خرب الزراجات اللعاوي
فرهدي في كبد ملعون المغمه=قبل لاتاصل زعايجه الصداوي
اكفخي لامن بعثتك في مهمّه=طلعتك تمزّع فنادي كل غاوي
اكفخي ونا الفتى راع المطمّه =ماجد ٍ بن ماجد ٍ للشر هاوي
ياحرار من على كفي متمّه=داوي الملعون بالمخلاب داوي
ايه انا شرّن تخطف كل جمّه=باليمين الي تخطّف للقناوي
قد تجنّبت الردى ملعون دمّه=ابن كل لاشن غدى صوته يعاوي
الكلاب كلاب ما تعوي بقمّه=ماجهلها الذيب لو ترقى رقاوي
للعزاوي رجال وللهدات شمّه=فووووق ماهي حول جوّك يالشواوي
قرّبي جنيتي زمّه بزمّه=عقلي المجنون بالقاف اللضاوي
قرّبي شمّا فداتس ابوه وامّه=من يحسب الشيصبه تصفيف خاوي
الرماح مخضبه منا ومنّه=والدسم في كف دانين المناوي
مايعز الراع تجميع المرمّه=واجبه واللاش يم اللاش ياوي
الشواوية يجمعها المبمّه=والعصا تشتيت لابناء الرعاوي
ياعمرو وانت الخوي والحق ذمّه=بانشدك ويش المرام من الدعاوي
قامت الشيصان ياعمروٍ بلمّه=خوفي ان الحر بالشوص (أ)متساوي
ياعمرو مثلي ليامن فار دمّه=يسرج ابليسن ليا سمع النخاوي
ياعمرو شلشل معي بالقاف سمّه=اقرط العمّه ووجها سماوي
ياعمرو واضرب على الدمدام دمّه=لاسمعت الصوت لجمها عماوي
دمدمه في غمغمه في مدلهمّه=دلهمت باسباب تكريتي وفاوي
اضرب ابليس ٍ وجز بكل لِمّه=والله ان الشر للشر المداوي
شلّها ماهي لهاميد المخمّه=تنتقل والقاف من راوي لراوي
نعرف رجال المواقف بالمهمّه=نعرف التمياط ونْعرف اللحاوي
الحرار الي تنادوا ..(طير صمّه)=ماهي اقوام ٍ تنادت للغناوي
عمهم خشم الريال وطول كمّه=ثاوين من ثاوين ملعون ثاوي
ياصغير البوم مثل البوم عمّه=ماظهر من بيظة البومه نداوي