غبي,,

[بندر الشاطري]

السلام عليكم ورحمة الله وبركاته,,

كيف حالكم يالربع ان شاءالله بخير ,,

حبيبت اشارككم في اول مشاركه لي ,,



انتبه ياقلب (بندر)قوم جعلك ماتشوف=خل عنك الطيبه اللي صاحبت كلمة غبي
لايهمك حكي ناس(ن)قامت تصف الحروف=صك بابك لاتعنا ولاتساهل في تعبي
جوهرة قلبي حياتي غبرت بين الرفوف=وانتبهت للمعة النيكل وقلتلها ارحبي
كم عشقت الليل لاجلك يالقمر وانت مخسوف=ماتوقعت السحاب يزيدها ويضيقبي
كيف الوم الشمس بعد الليل لوجاها كسوف=وانت واقف بين ذيك وبين هذي كوكبي
يعني انك مصدر احزان البشر والهام خوف=مااشوفك تشرقين الا وانا اقول اغربي
كيف قومت الحياه وكيف صفيت الصفوف=مادريت الا تحاورني واشجعها العبي
رد بيتك شيل بيتك بين تصفيق الكفوف=عيشتني في سراب وراحت ابياتي سبي
اجهرت قلبي على ممشاه عيت لاتطوف=مسرعه لاقفت وراها ولااقبلت جتني حبي
ماابي الا رساله تنطوي بين الظروف=الجفا مرسل\تسلم للوفا\بس اكتبي
يسلم اللي جالس(ن)متعلي(ن)بين الكتوف=وانتبه للكلمه اللي صاحبت كلمة غبي


وسلامتكم

واتمنى انها تنال اعجابكم اخواني ,,

أخــــــــوكم \ عــــــزام