ياتل قلبي تل جيبٍ ثمانين

[فيصل الحارثي]

ياتل قلبي تل جيبٍ ثمانين=مكتوم في الواحد وتسمع حنينه
يلّعب حديده كل ماعطوه بنزين=ويوزع النغمات صوت المكينه
على زمانٍ ماقدر يجمع اثنين=رغم انها طالت وطالت سنينه
يابوعذاب تفضحك دمعة العين=لكن لجل العين تكرم مدينه
وإذا شفته مع الشباب المتكين=اقلعت فوق وزاد قلبك ونينه
وينقز ابلوفك إذا مرك الزين=وتلاذع فيوزك لنظرات عينه
خذت الكراسيدا وسرعتك ميتين=ومسجلك مانسمع الا ونينه
خذتلك هزه ولزه وشوطين=وزعجت خلق الله وهم في سكينه
لوكانه يحبك وحبه لك ايبين=ماكان يتغلا وياثقل طينه
ترى التفاهم سر بين المحبين=لأن الظنين الزوم يفهم ظنينه
ومن جر روحه خلف حب الوراعين=راحت حياته في يديهم رهينه


أبــــــو عـــــذاب