(( بنقّال علّه ياعرب للزوالي ))

[عذب القوافي]

شعري أحسّه فاض فيه إحتمالي=والمشكلة ياناس صارت خطيرة
وبغيت أترجم مايدوربخيالي=وأنظم حروفي من هموم(ن) كثيرة
ناس(ن)على الإجرام أول وتالي=تارد على الإفسادراحت خبيرة
بنقّال علّه ياعرب يالزوالي=مع كثرهاتبقى فعوله حقيرة
على الردى لاشك فيها إكتمالي=أوكارها بالدارتحسن تديره
صنع الخمور سلومها ماتبالي=حثالة(ن)مايوم ينشاف خيـره
له في دروب السرق رقم(ن)مثالي=ضلّت وتفسد بالديارالكبيرة
القلب عانا من سببهم ليالي=حتى الجرايم في نظرهم صغيرة
إجرامهم وتقول نسج الخيالي=من فعلهم الكل تغشاه حيره
لحقادهم مافيه أول وتالي=بـاتواكسرماطببته الجبيره
ياللي طلبت المال تبغى الريالي=أمن البلد يالقرم أحفـظ مصيره
من الحثالة علها للزوالي=شله على كل المصايب خشيره
شعارهم بالدارماني مبالي=كن الردى والغـش أصبح أميره
تمشي ولكن في دروب الخمالي=سفارة(ن)لبليس في كل ديرة
كفيلهم اما بخيل(ن)وخالي=المال همّه والوطن مايعـيره
والا صحيّح بالقرارأرتجالي=منصوح لكن مايطـاوع شويره
والامخاوزحاضر(ن)مايكالي=وكل العمالة ماتأهـل يديـره
وأستثني الأجواد ناس(ن)عدالي=وقت العمل تعرف تحّكم مصيره

تقديري للجميع .