ان كان ماهزتك دمعات الانسان

[منيع]

بكرشك تموت ولا تمت يوم جوعان= مالك ومال اللي يموتون جوعا
مادام جيبك بالريالات مليان=ابذل على نفسك بكره وطوعا
بكره الى لفوك في بيض الاكفان=مافيه جيب به تحط البتوعا
اغدق على روحك والايام يومان=اماالك ولايصيبك جزوعا
ترى المثالي واحد دوم فرحان=ماهو على روحه شحيح منوعا
كذا يقول اللي من الوقت طربان=همه مع نفسه ولاهو قطوعا
ماحس في غيره ولاصار زهقان=صنفه مع ناس حمقى دنوعا
الناس للناس حضر وبدوان=في كل وقت متكاتفين دروعا
ان كان ماهزتك دمعات الانسان=ولاخفق قلبك ولافيك لوعا
مع الاسف ماداخلك ذرة ايمان=ولاكثرالله جنس من ذي طبوعا