ياسيكلي(غلاء البنزين)

[جهاد الشعلان]

يا سيكلي مامات ورد المحبين = حبّك جبلّة مايجي بالصناعة
صافيتني من يوم حنّا وراعين = قلبك عطوف وماشيٍ بالسناعة
لاعادها اللَّہ ساعةٍ غمّت العين = طرّت علي فرقاك في ظرف ساعة
خذيت عقبك موترٍ وارد ٢٠٠٠ = كنّة مصنّع في ديار المجاعة
يــشــرب مــن الـبـنـزيـن ٩٥ = شرب الحيام منقّلات البضاعة
ياقف ليـا منّه مشـى بـي ٨٠ = مستسقيٍ يرفع أكُفّ الضراعة
اول رخيصٍ مشربة مايبي دين = واليوم من يسقيه يلوي ذراعة
حقّة من الآيام بابٍ وقفلين = امكرّجٍ يزهاه مغبر شراعة
انته حبيب وتشتغل بالكراعين = تمشي على درب السنع والقناعة
محدٍ يبي الطمّاع غير المجانين = ينبيك عن هذا كبير الجماعة



جهاد بن عبدالعزيز الشعلان[/center]