يالله دخيلك من زمان يخوِف ،،، مع المري

[الطامي]

يالله دخيلك من زمان يخوْف = نمر بسنين عصيبه وشديده
نشوف مسلم باح له دم مسلم = والكل منهم يدَعي بالعقيده
الكل منهم قال منهجه شرعي =وهم بعيد من الامور السديده
ياكود من يتبع لسنة محمد = ماجاب من راسه امور جديده
هاذي الفتن اللي تحدث عنها = رسولنا من قبل قرونٍ عديده
تباغضو الاخوان فيما بينهم = وكلن على الاخر يعبي رصيده
تلقى الأخو في صف قومٍ ورايه = والأخ الاخر حالف انه يصيده
جتنا مذاهب ماعرفنا حسابها = مخالفةٍ للحق ماهي تريده
طماعةٍ بالمال تامر وتقتل = وتجند اضعاف العقول بمديدَه
بالشام واهل الشام شفنا الفضايع = وايضا بشط للفرات وتزيده
في الشرق قتل وغربنا به مذابح = ومقصودها الاسلام كله تبيده
يالله يامنشي من الغرب ماطر = وتطوف لجله عند بيته عبيده
تحفظ لنا خليجنا وكل مسلم = يمشي على النهج السليم ويريده
وانك على السُنه تثبت خطانا = وانك تقدينا الامور الحميده
ونعيش في خير وامان ونعمه = ومنين مارحنا حياة رغيده