ياوقت .. مصافحه بعد الغياب

[حرف وشعر]

لك الله ياعمر(ن) مع الوقت عديت =ولك الله ياوقت(ن) مع العمر فانى
كن العمر قنديل من نار (ن) وزيت= وصراى ضيه تبتلعه الثوانى
وكنى بدنيا الناس لارحت لاجيت= امشى وانا لازلت واقف مكانى
اسبح وانا فى غبة الهم لجيت =وعينى على مرسى الامل فى الموانى
ليت الامانى تنفعك لاتمنيت= ياقلب لاضاقت عليك الامانى
وليت المعنا يسعفه قول ياليت= وليت الزمن يرجع مع الود ثانى
صمت الليالى والسهر والتناهيت= وحبر (ن) على طرس الشعر والمعانى
مطولك ياليل العنا يوم حليت =حظ الليالى فى سوادك رمانى
ارقب صباح الخير يوم انى امسيت =وقت الصلاة وموجبات الاذانى
صليت مدرى كم انا عاد صليت = من فرض ربى اربع (ن) لو ثمانى
يارافع (ن) ذكرك على طاهر البيت = عند المقام وعند ركن (ن) يمانى
ترفع اهموم (ن ) نيبها قد تبليت =يامنزل (ن) بالحق سبع (ن) مثانى