أنا المشتاق لك

[يوسف الشقران]

بعد التقدير والتحيه ..

ابيات ..
ارجو ان توافق هواكم


أنا المشتاق لك
ــــــــــــــ



أنا المشتاق لك أنتي ولامريت في بالك=ولاضنيت من جملة هواياتك تعديني
ولاحبيت أبينلك واقول القلب نادالك =أنا ادري مايهمك شي لكنك تهميني
كثر مامرني طيفك تعبت أسأل عن أحوالك=ولا صارت ولو مره عن أحوالي سألتيني
أنا العاشق لهجرانك ومهما كانت أفعالك=وعاشق بعدك وصدك واحبك لو تجافيني
وأحبك لوتكبرتي أو ابديتيلي اهمالك=ولا تفرق معاي انك نسيتي أو تناسيني
طويت من الصبر صفحه وانا مترجّي وصالك=تباشير الأمل قدام في عينك تناديني
أناعندي ثقه غيري محال ايحقق آمالك=ولايمكن يكون انسان في بالك يساويني
ضحك وجه القدر ضحكه وخليتك على فالك=كتب قصه نهايتها أكيد انك تحبيني
ـــــــــــــــــــــــ


وسلامتكم

الف شكر ..


ـــــــــ