للشيخ بندر المنديل الخالدي مع التحيّة

[ماجد الزيد]

السلام عليكم ورحمة الله وبركاته
للشيخ بندر بن نهار المنديل مع التحيّة
الذي عرف عنه وقفته مع ابناء القبيلة
كعادة والده الشيخ نهار وأجداده من قبله

تحميل بصيغة ام بي ثري

بصيغة ريلر بلير

يا راكب ٍ جهم ٍ من الجن معسوف=اليا خبط شبّ الشّخانيب ضوّه
سيقانه طْوال ِ ولاهوب مردوف=سابق ويُسمع بالفلاوات دوّه
اليا انطلق والله ما يدركه شوف=بينه وبين الميق هوّه وهوّه
ارخ اللجام وكزّ وإيّاك بوقوف=وليا وصلت لْنجد وقّف بقوّه
آآرق ونوم العين يالجنّ معيوف=والهاجس اللي ينتل القلب توّه
لامن دهم صدري تقل فيه عاصوف=تلقى الذّواري والسّوافي بجوّه
يا بندر المنديل ما جيتك ظروف!! =ظلم ٍ وطوّل يا بن الاجواد نوّه
يا شيخ بضع اعوام والشّمس بكسوف=دهر ٍ ونا رجل ٍ شديد المروّه
اصبر على ضيمه ولا (ا)قوعر كفوف=يدّاي عليا وحاجتي ما تفوّه
يمناي ما مدّيتها تطلب ألوف=ذاك الذي في الكرامة تشوّه
ولا انا مطنوخ وكتوفي كتوف=يبطي الدهر ما اشكي على الخلق سِوّه
جال ٍ عظيم ٍ كلْ ما جاه قاصوف=صاح الرّعد ياقوّ هالجال قِوّه
يا شيخ جيتك وانت بالطّيب معروف=نجم (ا) يْتزايد كلِّ يوم ٍ علوّه
ترقى ولا لدّيت بالك لملقوف=بينك وبين العزّ إلْفن وخوّه
شفت السماء والقى بها عمامتن صوف=هَذاك راسك بالسّحايب تموّه
يا شيخ راسي شاب والوقت ذايوف=همّي سجلّه طال يا شيخ طوّه
(ا)سْنين اركّض بالوزارات مزهوف=خلف القرار وكل مآصلْه توَّه
اليا انفتح باب ٍ ورى فتْحته طوف=ومثلك يهدّ جْبال ! يا شيخ سوّه
(ا)مْن العمل ظلم ٍ لك الله منقوف=وأنت الذي لك حضوة ٍ ما تأوّه
يا شيخ يا مزبان من جاك مكلوف=شروى ابوك وخلْفتك كالابوّه
سيف ٍ وابوك السّيف سيوف ٍ سيوف=ما تنثلم حاشاك وزندك فتوّه
آبوك شيخ شيوخ بالطّيب مخلوف=جابك وثبّت صيت ذيب ٍ (ا)فْعوّه
قمّة جبل تضرب لها الرّيح بدفوف=شامخ على راسه عوانيق فوّه
لا من وقف تاقف ورى ظلّه صفوف=عقيد قوم مسربل ٍ بالسّموه
لا راق راقت هبس وكنوفها تروف=وان ضاق صدره ضاق عالم عدوّه
حرِّ جناحه يملي العالم عصوف=و له طلعته تفني عقاب ٍ وبوّه
شيخن وذكره حي بلسان عاروف=لو زدت بافضاله قربْت النبوّه
له مجلس ٍ عامر طواريق وظيوف=ويزداد طيبه كل يوم بْغلوّه
يا شيخ اذا مثلك فلا جاب لي نوف=ما جابها الي طافي اعْوام ضوّه
افزع لعاني جاك من ديرة الجوف=والا انفجر في وسط قلبه عبوّه
جيتك على جهم ٍ من الجن معسوف=زابن عليك بْظامي الجن روّه

[نجم الإبداع]

الله الله

صح لسانك ياماجد

وونعم بك وبمن ذكرت

لاهنت

تقبل مروري

وتقديري

[محمد عبدالله البدراني]

ماجد حمد الزيد

سلمه الله


الف الف الف مليون صح السانك


وعلا شانك


ويستاهل الشيخ بندر المنديل المدح وهو كفو له

والله يسهل الامر


وانت كفووو ياماجد


وستين مليون نعم



لاعدمناك يابو حمد



تحيتي وتقديري

[سعد الشقحاء]

صح لسانك
واعتلا شانك
قصيده رائعه

[عذب القوافي]

مبدع @ مبدع @ مبدع

بكل حالاتك

أخي / ماجد

صح لسانك

ملايين

تقديري ,,,,,,

[ام العمده]

ماجد


صح لسانك واعتلا شانك

لاهنت على هذه الرائعه

ابدعت

دمت بخير

صح صح صح السااانك

قصيده جزله

لا هنت

[الأموره]

صح لسانك يالزيد

سلمت و سلم فكرك

الف شكر لك

دمت برعاية الخالق

[زهرة اللوتس]

ماجد سلمت وسلم فكرك
جزلة من شاعر جزل
لاهنت وبيض الله وجهك
تحية طيبة

زهرة

[الـزلـزال]

يا شيخ جيتك وانت بالطّيب معـروف=نجـم (ا) يْتزايـد كـلِّ يـوم ٍ علـوّه
ترقـى ولا لدّيـت بالـك لملـقـوف=بينـك وبيـن العـزّ إلْفـن وخــوّه

ماجد الزيد

قصيدة مدح متقنه وجزلة


من شاعر متميز في كل حالاته وجزل


يستاهل الممدوح كل هذا الثناء

وتستاهل منا كل تقدير


صح لسانك ملايين ملايين


ولك فائق تحياتي