دولاب الحزن..!

[سلطان العطاوي]

من باب التواصل مع الجميع

عذرا للغياب وكل عام وانتم بخير

خلااص عوّد كل طيرٍ لمرباه = وكل عرف حده وذنبه وتابه
اللي بدا بأصلاح نفسه ودنياه = واللي يعالج ضيقته واكتئابه
اللي بدا من حيث ما وقفت اخطاه = على السنع واوثق مزاليج بابه
واللي قطع دابر غيابه ومنفاه = وعوّد يعوض ما تلف من شبابه
واللي فتح دولاب حزنه وناجاه = واشرك أعروق القلب مما جرابه
اخذ من اول نوع منه وتعداه = لآخر مدى مما حصل من عذابه
هذاك لو الروح تفدى غلاياه = حط الحياه بكف منهو غدابه
هاذاك يفرح كل ما مر هاذاه = وهاذاه غايب لا يطول غيابه
أول فصول الود وآخر قضاياه = محسوب دربٍ ما حسبنا حسابه
قبل الرحيل وبعد ما غاب شفناه = يوم الزمن شهّر على القلب نابه
النفس تتعب من غيابه وتضماه = والعين تدمع دون لحظة عتابه
لكن قولوا له ترى الروح تبغاه = من خطوته لا غرفته لا كتابه
لحظة غيابه راحت النفس تنعاه = وما عاد يطربها رنين الربابه

[/quote]

[منيع]

ياسلام
منتهى الروعه والابداع
تحياتي لكم

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة

[أحمد عوده الشامي]

صح لسانك يالعطاوي

قمة الرقي والابداع المميز

كل عام وانت بخير

[الدرع]

للجزالة رونق خاص وانت مبدعها
صح لسانك وقلبك
ولاهنت
تحياتي

[الخنساء]

النفس تتعب من غيابه وتضمـاه

والعين تدمع دون لحظـة عتابـه

لكن قولوا له ترى الروح تبغـاه

من خطوته لا غرفتـه لا كتابـه

لحظة غيابه راحت النفس تنعـاه

وما عاد يطربها رنيـن الربابـه

صح لسانك مليوون ولايكفون
قصيدة جزلة من شاعر جزل
اجبرتنى للعوووووودة

[داعي الشوق]

يا سلام عليك يالشاعر سلطان

و الحمدلله على السلامه

و عيدك مبارك يالحبيب

شاعر مبدع

لك حضور جميل جدا

و لو كنا نعتب عليك لغيابك ،،

صح لسانك ملايين

ولاهنت

*************

[عبدالإله]

يااهلا با لشعر و الجزالة واهلها

ويا ااهلا بالقصيد

صح الله لسانك حتى ترضى يالعطاوي

ولاعدمناك

@@@@@@@@@@

[عبدالعزيز العمار]

الشاعر سلطان العطاوي

صح لسانك وفكرك

جزل ماتجيب الا الجزل

لاهنت ولاهان غاليك ومغليك

وعيدك مبارك وكل عام وانت بخير

تحياتي وتقديري

[هترل]

لكن قولوا له ترى الروح تبغـاه
من خطوته لا غرفتـه لا كتابـه
لحظة غيابه راحت النفس تنعـاه
وما عاد يطربها رنيـن الربابـه



اااااالله ااااالله عليك ياسلطان

شاعر ممتع وجزل

صح لسانك وفكرك وقصيدك الطيب

ابيات لا تمل .. شكرا لامتاعك لنا


تحياتي العطره