مصافحة ما بعد الغياب

[مشاري بن محمد]

السلام عليكم ورحمة الله وبركاته

صبحكم/مساكم
الله بالخير جميعا

مصافحة مع الشعر والقوافي بعد وقت طويل ...
استبيحكم عذرا على هذه الغيبة واستبيح بنات الافكار على ردعي لهن كثيرا ف مالي غنى عنهن ولا لهن غنى عن نقدكم

يا ابو محمد والزمن لوى ذراعي يالسنيد=والحال من عقب الرغد بانت مواريه الهجاد
محد(ن) على الدنيا قدر لو كان ذي باس(ن) شديد=ولحدن عليها منتصر لو بندقة على الزناد
الوضع جدا مستتب والحمد لله الحميد=انوم واصحى في رخاء حتى ايش الاعداء بزدياد؟
ماني من الي بالقفا حكيه على العالم يزيد = ولاني من الي بالظهر يطعن ولوي في جهاد
على النقى خطوات رجلي عنه ما يوم(ن) تحيد = وما همني هرج العواذل لو يزيد الانتقاد
الخوف من رب الملا والا الملا باسي شديد=ما خفت من ولد المره ولا رضيت الاضطهاد
من عادتي لو قلت طلت ولو وعدت اوف الوعيد=ولا حقت قول(ن) بنطقة قولي مثل صك اعتماد
وما ردني يا مسندي عن ساحة الشعار حيد=جنبت عنها مقتنع ما ينقص الساحة عتاد
بنات فكري درهن صافي جزيلات القصيد=وان عُمس(ن) درن بلا من قبل تشمير الاياد
والا الزمن يا ابو محمد ما يواجهه الرشيد=شي(ن) مقدّر من لدن رب له العالم عباد
تشيطنوا حولي حثاله ما لهم عندي رصيد=وانا عجزت اشوفهم اكبرهم بحجم القراد
مثل الحجامه للجسم ما ياخذون الا الزهيد=والا مثل على مثل من تالي الشبة رماد
عالجتهم بأسلوب راقي لا حليم ولا عنيد=بأسلوب ماهو مبتكر لكنه اشبه بالمضاد
ان زودوا بالخثرقة وفعول الانسان البليد= والهرجة الي ما تقال وصارت الشغله عناد
كويتهم بالضحكة الي ذوبة ضلع الجليد=وان ما نفع عندي لهم سوط(ن) نفع بنت الجواد
عسفتهم مثل الفرس على اللجام وبالحديد= وبالميسم اطرقهم ثلاث وخط واحد باعتياد
واركيتهم على الحصى من قبل تلحين النشيد=وعلمتهم بأن الحليم اليا غضب جى واستباد
لاني ورثت المرجله والحلم من هاك العميد=عود(ن) اليا منه تعزوى راحت الدنيا هجاد

وسلامتكم

[الطائر المهاجر]

هلا ومرحبا والحمدلله على السلامه
كتبت فأبدعت واجزلت
صح لسانك ولا هنت
تحياتي الطيبة

[حوريه]

من عادتي لو قلت طلت ولو وعدت اوف الوعيد
ولا حقت قول(ن) بنطقة قولي مثل صك اعتماد

قصيده فاقت حدود الأبدااااااع
صح قلبك يا مشاري ودام نبضك
ودمت بكل خير
والحمدالله على السلامه


0
0

[فارس القوافي]

مرحبا بك مليون

وكل عام وانت بخير

صح لسانك ولاهنت

يعطيك العافية

دمت بخير

[روح الشعر]

كفو يابومحمد

لا هانت أفكارك

اعذب تحيه

[داعي الشوق]

الله الله يا بو محمد

وش هالزين و الصباح الجميل

يا مرحبا بك و الحمدلله على السلامه يالشاعر

حضور غير شكل

و صح لسانك مدد

قاف و معنى جزل من شاعر جزل

ولاهنت

[الراقي]

صح فكرك

صح بيانك

ودام حرفك ..

و صح لسانك

[حي الضمير]

ياسلام قصيده رائعه
وابدعت وامتعت ياجزل
ومدد صح لسانك

[عبدالرحمن بن زهير]

لاني ورثت المرجله والحلم من هاك العميد

عود(ن) اليا منه تعزوى راحت الدنيا هجاد

والف نعم يا ابومحمد صح لسانك على هذه الجزاله ولاتحرمنا جديدك

[وليدالبسطي]

مرحبا مليون

يامحمد

نص عانق السحاب

تحياتي