((هذي حياة الحب يالعاشق البيه))

[القارظ العنزي]

قالوا : تحب وقلت انا اكيد هو ليه
ما فيه عيب وبالشريعة ... طبيعي
والياحصل لي مسكة الترف بيديه
هو عيد يومي مسكته مع .. ربيعي
هنيت منه خالطه واختلط .... فيه
حتى يتحقق ما يريد .... الرضيعي
والا تتحقق بوسته وسط .. خديه
والا يتحقق ما يروق ... الجضيعي
لا والله الا ضعت انا .... بالمشاريه
بين الحياء وما بين سومي وبيعي
مدري حبيبي ينقلب في . مساعيه
والا يجيني ملتزم لي ..... مطيعي
هذي حياة الحب يالعاشق .. البيه
يا صعبها كان انت ما لك . شفيعي

القارظ العنزي

[الطائر المهاجر]

اجل احلام يقظه
ايه هين الا غرقان الى شوشتك
صح لسانك
ولاهنت
تحياتي

[القارظ العنزي]

ان لم يكن الحب
جرما
فأنا اذن المجرم
صح بدنك ايها
الطاير المهاجر
لاهنت

[منيع]

ياسلام عليك مبدع ومميز
تحياتي لكم

[ملكة الشرق]

الله الله
ياسلام عليك يالقارظ

مثل ماقال الدكتور عثمان
غرقان لشوشتك
هههههه
تقبل مروري يالعذب

[القارظ العنزي]

سلمك الله منيع لاهنت

[القارظ العنزي]

سلمك الله
ملكة الشرق
كلك ذوق

[داعي الشوق]

معاني جريئة
صح لسانك واعتلا شانك
الله يعينك يالهواوي

[القارظ العنزي]

صح بدنك داعي الشوق لاهنت

[عبدالله الشويمان]

صح لسانك يا القارض..

ابيات جزله.

لا هنت لا هنت