سرى بارقٍ هز الضماير سنى ضوحه

[فواز الغسلان]

سرى بارقٍ هـز الضماير سنى ضوحه=شعاعه دعـى الـروح الجـريحه لجـارحها
يهز الخفوق اللي سكن شاطي الدوحه=تحـده من خـيـولٍ الـصـواديـف جامحـها
وانا كاتمٍ سري ولا ادري متى الروحه=خـطـيــرٍ نـلازم جــالــهــا مـا نــبــارحـها
على ديــرةٍ فـيــهــا الـمـعاليـق مشفـوحه=بـهـا الـلـي خـفـوقـي حـالـفٍ مايصافحها
ابي يـرتـوي روض الموالـيـف وسفـوحه=وتـظـهــر نـواويــر الـنـفــل فـي مسارحها
واخبر العرب ما تغلـي اللي كوى روحه=واشوف الذبيـحه هـزهـا شوق ذابـحـها
انا لو تركت ارقام الاحباب مـمـسوحه=فـهـي وسط جوفٍ عـاجـزٍ لا يكافـحـها
تعديـت ذيدان العرب لاجل شرشوحه=وانا جـامـعٍ ضـيـعــات فـكـري وطــارحها
من العام تجـرحـني ولااقــول وش نوحـه=كـتـمت الجروح وهاجس الليل فـاضحها
اعــانــي لهيبٍ شــب في ضـامري فـوحه=والاسـرار بـانـت لـلـجــمــاعـه مـلامـحـها
ابـاعـد عـن بـيــوت الـقـرابات وسطوحه=واعـــانـد عـواذيـل الــرفـــاقـــه ونـاصـحـها
ونور الحشى ماهـي على اللعب مـمدوحه=وانا خــاتــمٍ رخــصـــة غــرامـي وفـاسـحـها
واذا صغت قـافـي بالـهوى صادقٍ بوحـه=اداري شـعــوره بـالـقـــوافــي واصــارحـها
وغــدت جـمرة الهـجـران بالروح مقدوحه=وانـا مـظـهــرٍ بـيــبـــان روحـــي وفـاتـحــها
واخبر القـطـيعه تـهـدم العـشـق وصروحه=وتسـقـيـك عـن صـافـي شـغــايـاك مالحـها
ويوم اصبحت تـرسـم لـنـا بالـعـرب لوحـه=وتـلـعـب بـفـكر الـلــي بالاشـعــار مادحـها
دفعت الركايب عـن رجى الروح وطموحه=ابــي راحــة الــروح الـشـقــــيــه وصـالــحـها
عـنـاء الروح في نار الرجـى ويـش مربوحه=تحــت لاهــبٍ فــي حامــي القـيـظ لافـحـها
وجــازيـتــهــا سـيــر الـمـظــاعــيــن ونـزوحــه=ولـو تشـتـعـل نـار الجفى في جوانـحها
وشـديـت عـن دارٍ الـغــلا بـالـخـلا شـوحـه=سـهــالٍ عــوى ذيــب الـخـلا فـي مسـايحــها
ويـبـقــى بـفـكـري طيف الاحـباب ومزوحه=واذا ضــقت قـلــت الله بـعـفـوه يـسـامحـها

[الطائر المهاجر]

صح لسانك واعتلا شانك
وسلم بنانك وفكرك
تحياتي وتقديري

[داعي الشوق]

يالشاعر فواز الغسلان

صح لسآآآنك

مليوووووووون

[الـزلـزال]

اعاني لهيبٍ شب فـي ضامـري فوحـه=والاسـرار بانـت للجماعـه ملامحهـا
اباعد عن بيـوت القرابـات وسطوحـه=واعانـد عواذيـل الرفاقـه وناصحهـا
ونور الحشى ماهي على اللعب ممدوحـه=وانا خاتمٍ رخصـة غرامـي وفاسحهـا

فواز الغسلان
قصيدة مميزه ومتقنه وجزله
من شاعر متميز وراقي في كل مايقدمه
مبدع شاعرنا وممتع دائمآ
صح لسانك ملايين ملايين
ولك فائق تحياتي وتقديري

[نجم الإبداع]

الله الله

صح لسانك يافواز

مصافحه رائعه من شاعر جزل

لاهنت

تقبل مروري

وتقديري

[عبدالعزيز العقيدي]

فواز الغسلان
تسلم وصح السانك

ابي يرتوي روض المواليـف وسفوحـه

وتظهر نواوير النفـل فـي مسارحهـا

واخبر العرب ما تغلي اللي كوى روحـه

واشوف الذبيحه هزهـا شـوق ذابحهـا

يا سلامي عليك وعلى هذا النظم الراقي
تحياتي لك

[عدنان كريزم]

صح لسانك ولا هنت يالغالي


تحيتي

[همس الورد]

صح لساااااااانك مليون

و صح بدنك

بوووووح رائع

يسلمووووووووووووووا

[سعيد الصاعدي]

الاخ الفاضل / فواز الغسلان
صح لسانك لاهنت
نص شعري رائع
من شاعر جزل
تسلم ويسلم فكرك يالغالي
تحياتي
أخــــوك
س / ص

[زهرة اللوتس]

سلمت وصح لسانك
جزلة من شاعر جزل
لاهنت وبيض الله وجهك
تحية طيبة

زهرة