يأس ورجاء

[سناعيس]

إلي جميع الفطاحله من الإخوة والأخوات
هذه المتواضعه هي مشاعر عابره ووقتيه وليست ولله الحمد دائمه
آمل أن ترقى إلى أذواقكم الرفيعه وتحوز ولو على القليل من الرضا..
..

أيا ليل الشقاء ليلي أيا ليل0ن بليا صبح=ألا يا مطول سنين0ن تعاندني وملتده
أجي للوقت متعزوي وهو متولم0ن للذبح=يبي نفسي ينازعني على هالحال من مده
ألا ياموجي العاتي متى ظلمك يجي له كبح=متى تهدى عواصف حاقده بالحيل مشتده
أنا مادري ورى الأيام باعتني بأبخس ربح=وأنا اللي كنت شاريها بسعر باهض حده
تلاحقني على طول المدى تزعج.. عويل ونبح=تقل ماهمها غيري بها الدنيا ومن بده
أنا ماظن فيه أقبح من إحباطي كثر هالقبح=ولا ظني كثر هاليأس يأخذني بها الشده
ولكني لجأت لربي العالي بعد هالشبح=وطلبت المغفره حيثه رحيم ويرأف بعبده

..
..
وسلامتكم
سناعيس
16/7/1427هـ

[مهدي الحبابي]

أخوي سناعيس


صح لسانك وسلم فكرك واعتلا شانك


رايعه بروعة حضورك


وافيه من راس وافي


لك فاائق احترامي وتقديري

أنا ماظن فيه أقبح من إحباطي كثـر هالقبـح
ولا ظني كثر هاليـأس يأخذنـي بهـا الشـده

الراقي والعلم : س ن ا ع ي س

راااااااااااااااائعة هالفاتنة ،،

صدقني وبعيد كل البعد عن المجاملة

شدتني هذه المنظومة النصية الجزلة

فصح لسانك حتى ترضى

لاعدمتك أخوي الغالي

أخوكــــــــــــــ

سناعيس

قافية من صخر روضتها بتمكن
صح لسانك ودمت بهذا العطاء والتميز

أخوك

[منيع]

أنا مادري ورى الأيام باعتني بأبخـس ربـح=وأنا اللي كنت شاريها بسعـر باهـض حـده

------
تدري ليه اخوي سناعيس
لاانك اغلا منها
ومثلك لايقدر بثمن

[متعب]

صح لسانك شاعرنا الرائع
سناعيس


صح لسانك وسلم فكرك واعتلا شانك
ولاهان راسك
لك احترامي

[أم ريما]

صح لساااانك

اخوي سناعيس
قصيده جميلـــه الله يعطيك العافيه يارب

تحياتي واحترامي لك

صح لسانك

وجاد بيانك

على مادونت في هذا المتصفح الرائع

[نجم الإبداع]

الله على الاحساس


المبدع

سناعيس

صح لسانك وسلم بنانك

نص بالغ الجزاله والجمال


لاهنت

تحياتي وودي

سناعيس

صح لسانك

وسلم بنانك

لاهنت

تحيتي