لو انا المسؤول ..البشت

[الطائر المهاجر]

لو انا المسؤول او امري يطاع = ما تركت البشت يلبسه الجميع
من بعد ماكان يلبسه الشجاع= من أميرٍ لا ومر كلٍ يطيع
اصبح بهالوقت ملبوس الرعاع= من خشاشٍ وافدٍ جانا جويع
كبرت لغوده بعد ماهو كراع= صار محسوبٍ ولو باع النفيع
ويلبسه نصاب ماشي بالخداع = لا كشخ بالبشت فز له التبيع
ويلبسه ضفعه واقل من الضفاع= ركّزته الواو في موقع رفيع
ينتفخ به كالأسد بين السباع= وداخله رعديد لا سمع الفزيع
ويلبسه دجال يلعب في الوجاع= لا بدا يتفتف وهو دينه وسيع
ويلبسه واطي بدرب الغي ضاع= لانوى يسافر وفالعالم يصيع
شان يخدع من نصاه من الجياع= يحْسبونه شئ ما يدروا رعيع
تلقط اخباره وبالصوره تباع= والعدا تشوّه لسمعتنا وتذيع
حيسفا يابشت تشرى كالشراع= او تأجر بالدقايق للوكيع
حيسفا خلوك اشبه بالقناع = تستر اللي ناويٍ سرق القطيع
وانت كنت الرمز في كل البقاع= للعرب يلبسك من لامره نطيع
ودام ذا وضعك فانا عن اقتناع= حالفٍ ما البسك لو جاء لك شفيع

[سلطان العطاوي]

الله الله
مانت هين يالعووووود
ومافيك حيله
صح لسانك واعتلا شانك

تحيتي

[نجم الإبداع]

صح لسانك مليووووووووووووووووووون يابو عبدالله

مصافحه هادفه

وجزله

لاهنت

تقبل مروري

وتقديري

[داعي الشوق]

صح لسانك مليووووووووووووووون يالطائر

صدقت والله يا بو عبدالله

قصيدة موضوعية لواقع حي

دمت بخير يالطائر

لي عودة للرد بما يليق

تحيتي لك

،،،،،،،،،،،،،،،،،،،،

[الطامي]

الطائر
صح الاسنك
جزلة ومعبرة بمعانيها وقافيتها
لاهنت

[سعيد الصاعدي]

الاخ الفاضل / الطائر المهاجر
صح لسانك لاهنت
نص شعري رائع
من شاعر جزل
صدقت يابو عبدالله
بالذات من ؟؟؟؟؟؟؟
حيث اصبح رداء الدجالين والمحتالين
تسلم ويسلم فكرك يالغالي
تحياتي
أخــــوك
س / ص

[مبروك بن ماضي]

شاعرنا العلم / الطائر المهاجر
حضور شعري فاخر كالعاده
حضرت هنا لأنال شرف التوقيع تحت هذه الباسقه
والاستمتاع بماحوت من المعاني والصور المختلفه
تقبل تحياتي واحترامي الكبيرين
أخوك / بن ماضي

[الأموره]

الله الله يا باابا عوسمـآن

قصيد جميل ..

بجمـآل توآجدك ...~

صح لسانك ملآيين ..~

سلمت و سلم فكرك

الف شكر لك

دمت برعاية الخالق

[منيع]

ابياات رائعة ومعبره
بارك الله فيكم
تحياتي وتقديري

[علي خلف المحمد]

صح لسانك يا ابو عبدلة على هالأبداع والجزالة والحكمة

لا فض فوك