ياليتني من قبل أصومك ، تسحرت !

[عبدالله راشد الثويني]

السلام عليكم ورحمة الله وبركاته


..

إليـكم كمـا هي والعذر على القصور

إي واللـه إني ياشقا القلب ... قررت=عنك أبتعد .. من قبل لا يطفح الكيـل
أنا ادري إني .. في قراري تأخرت =هجرك وربـي .. مايبي أي تأجيـل
ماينفعك عذرك ... لو إنك تـعذرت=يكفي تجرعت العنا .. منك والويل
ياليتني من قبل أصومك .. تسحرت=هيـئت نفسي .. للعنا والبهاذيـل
عذبتني يامتعب القلـب .. واسهرت =عيني .. وساويت القوايـل مع الليـل
سايست طبعك ... لـين ، مليت واحترت=واليوم .. لا والله فلا عـاد بي حيـل
ما اذكر إنـي يوم ... ويـاك قصـرت = وافي .. ولا اسمع فيك كثر الاقاويل
خذيت منـّي ، راحت البـال ... وأحضرت=كل العنا والضـيم ... جمـله ، وتفصيـل
فكرت فيما قد مضالي .... ودورت = لحظه سعيده ... تجليّ الهم وتزيـل
دورت . لكـن .. للآسـف ماتذكرت = غير الشقا . ياصاحبي والغرابيل
واليـوم برحل عنـك .. من بعد ماصـرت = عايش ..على رجوى الليـال المقابيل

[عذب القوافي]

صح الله لسانك أخي السمح

نص وافي من وافي

تقديري ,,,,,,

[الـزلـزال]

ياليتني من قبل أصومـك .. تسحـرت=هيئـت نفسـي .. للعنـا والبهاذيـل
عذبتني يامتعب القلـب .. واسهـرت=عيني .. وساويت القوايل مـع الليـل

عبدالله الثويني
نص شعري مميز ورائع
من شاعر رائع ومتميز فيما قدمه
شاهدنا فيه ألم الحبيب من محبوبه كما شاهدنا فيه قرار الرحيل
صور لنا الموقف شاعرنا بكل أتقان
مبدع شاعرنا ومتجدد رعاك الله
صح لسانك ملايين ملايين
ولك فائق تحياتي وتقديري

[سلطان العطاوي]

الله الله عليك

صح لسانك مدد
لا هنت

[نجم الإبداع]

ارحب ياعبدالله

وصح لسانك على المصافحه الجزله

لاهنت

تقبل مروري

وتقديري

[الطائر المهاجر]

صم ..صم ...يامال الهندري
ماشاخ عليك ابليس إلا في رمضان
عموما صح لسانك ولا هنت
جزيلة وطيبة
تحياتي

[منيع]

ياسلام عليك
ابدعت واجدت
ابيات ولااروع
بارك الله فيكم
تحياتي

[عدنان كريزم]

الله الله

صح لسانك ولا هنت

[سعيد الصاعدي]

الاخ الفاضل / عبدالله راشد الثويني
صح بدنك لاهنت

خذيت منّي ، راحت البال ... وأحضرت.....كل العنا والضيم ... جمله ، وتفصيـل

نص شعري راقي جدااااااا

به الكثير من الشاعريه والتمكن

من شاعر متمكن

تسلم ويسلم فكرك يالغالي

تحياتي

أخـــوك

س / ص

[عبدالله راشد الثويني]

المشاركة الأصلية كتبت بواسطة عذب القوافي

صح الله لسانك أخي السمح

نص وافي من وافي

تقديري ,,,,,,

اخوي الغالي / عذب القوافي
صح بدنك ولا هنت يالغلا على مرورك العذب
تقبـّل تحيتي