أكمل الأبيات التالية

[الطائر المهاجر]

هنا سأبدأ ببيت او اثنين ، ومن يدخل بعدي سيكملها ببيت او اثنين ، من الشعر الفكاهي
ولكن يشترط التقيد بالطاروق والقافية :

البارحه يوم الخلايق نياما = وانا اتقلب في فراشي لحالي
حرارتي طقت بزود الزكاما = والخشم سيله ما نفعه الجلالي
اون تال الليل مابي سقاما = إلا الظهر مقصوص قص الحبالي
لا قمت اباقف قال مابي عظاما= تشيل جسم مابقى له ظلالي
ارقد ولا لك في كثير الكلاما= تتعب زياده بالهرج والسؤالي

[سالم العبيدي]

لي ناقة (ن) تجمح بلايا خطاما = تسبق هبوب الريح يا هم لالي
تمشي مع الرعيان عكس النظاما = وشدادها مركوز مثل الهلالي
طبلونها ميتين وشيء (ن) تماما =مطورين الخف بالبس ا لنعالي
تاكل من البسكوت ولا الايداما = مناخها من فوق فرش الزوالي

[الطائر المهاجر]

ناقتك جاها من عظامه تواما = ذيب اكلها وامرح الليل تالي
ما سرها البسكوت واكل اليداما= راحت طعام جحوش وسط الليالي

[سالم العبيدي]

نركب بها عند الامور الجساما ----- لا صاح صياح ورى ضلع عالي
ماتنفرس للذيب عسر المراما ------ يخطر عليها زولها للظلالي
لوسيمت بمليون ماهو حراما -- في مقدم (ن) للريس ماهي بتالي
حطيتها فلم و مسلسل درما ------ ل الطاير اللي يرتكي للثقالي

[الطائر المهاجر]

والطير اقفى ما مسك للزماما = وراحت بصحصح في الليالي الخوالي
تبي الربيع ومالقت له جهاما = حتى المفالي ما بها من نوالي

[سالم العبيدي]

الله يسقي للسنين القداما ---- ارض سقها من حقوق المخالي
واليوم يادكتور مابه ملاما---- نقيض مرباع (ن) بعدها رتحالي

[الطائر المهاجر]

يجيب ربك من سواد الغماما = وتظهر زهور في السهل والجبالي
الصبر طيب لا تمادى الظلاما = والفجر ما تعميه طول الليالي

[داعي الشوق]

وأنا ترى عندي ردود وكلاما ++ ردي طــــــرالي يوم جالس لحالي
بأرسل معاني باديه بالسلاما ++ وأزكى التحية قبل ما ابدا السوالي

[سناعيس]

أشوفكم قلبتوها محاوره
ترونا بننقلها لقسم المحاوره كانكم صاملين
وانت يابو عبدالله جبتها تبي نكمل عليها ورد عليك العبيدي ودرعمت معه وبس !!!
الظاهر من عقب راعية الخزان وانت ضايع دليلك يابو عبدالله هههههههههه

[داعي الشوق]

أبوها وسمها يا سناعيس ،،،