المهاجر وسناعيس وفلاح وهجوم على....

[الطائر المهاجر]

المهاجر=
مزاجيه عرفت انك مزاجيه = مثل دنياي تتقلب ولا ترحم ابد ضعفي
تجيني معكننه في يوم وتكتب لي بجديه= واذا من انتهى ذاليوم تقول آسف ولا تكفي
ونا لو شفتها في يوم ابجلدها بهجائيه= تصحي عقلها الباطن وحتى عندها يشفي
كل يومين والثالث تبي الوان ورديه= ولكن سرع ما تطلب سواد ولا هي بصفي
انا بكتب على الجدران اموره بنت جنيه= اذا من عاندت بركان تقذف بالحمم سفي
سناعيس=
ترى لو جبت ماعندك هجاء او بر مائيه=ماتقدر للنساء ياطير وخلك دايم مطفي
سناعيس=
الا ياطير و ش علمك حشى هذي خليليه = ترددها ونسمعها ولا ندري وش المخفي
المهاجر=
اشوفك تخترش يالضب وتلفط عكرتك حيه= تبيني لو اصنفرها واشوفك املس مكفي

*************************

المهاجر=
عجوز قالت ال اخرى تعالي بس نتسجل= بموقع فيه شيبان ولا يدرون وش حنا
انا باصير اموره وانتي استبرق المنهل= واذا من طار فينا العود نقول احنا بفينا
وحنا بمنفوحه القشرى نتلاعب فيه نستهبل= ولا هو داري عن شئ ولا نخبره من انا
فلاح=
اجل وش قرب البومه تجي لاعشاش ابو منجل= وانا شميت قهوتها تسويها من الحنا
المهاجر=
سكت ذا العود فالرادار بالأعضاء يتكفل= لقاهم كلهم شيبان شواربهم من الحنا
فلاح=
تقل متتابعه ياساتر اش فيها كما المكتل= والا منها مشت تدبي تقل ياساتر استرنا
المهاجر=
بدو في راس تنوره يعيشوا حال متبهذل= على الضبان عيشتهم وكلٍ صار يتغنا
فلاح=
كما الولز القديم الي يسمونه ابو هندل= شويه تشتغل وان زادت السرعه تولتنا
المهاجر=
وبعد الفحص والتمحيص لقينا ساحره تعمل= تسمي نفسها اموره وهي بالحيل تتعبنا
تحط السحر في التوقيع وتترك من بغت يذهل= ولا يدري عن الخافي ولو ظن الصور فنا
فلاح=
الا ياويلهم هالعجز من ليل العمى المقبل= قراية كف تتقنها وتتنكر لملتنا
المهاجر=
ضحاياها كثار ومنهم استرق وابن جندل= واخاف اليوم لاتفجع ابومياس بالجنا
فلاح=
افا ياساحره وشبك كتبتي السحر للاعزل= فخافي الله يالجنيه ابشيبان حارتنا
انا باعطيك وصفه واسقها كاسه من الخردل=تموت ويستريح الناس منها عقب خانتنا
المهاجر=
تجيب السحر من ادرمان علينا بس تستهبل= واشوفك يافلاح انت الضحيه ضمن شلتنا
فلاح=
ترى استبرق وصيفتها ودايم تحمي المرجل= تدرسها بتالي الليل فوق السحب لهجتنا
المهاجر=
ابرسل واحد يقرا عليها قبل تتخبل =منيع ولا حد غيره ترى هالشيخ يخدمنا
فلاح=
معاهم مكنسه صفراء صناعتها في الموصل= يطيروا فوقها بالليل ويشوفوا حكايتنا
المهاجر=
اظن اصرف لنا نامر ونحبسهم في ابو زعبل= اخاف السحر ذا يسري مع الأيام يكتمنا
فلاح=
انا خابر زمان الضبي لو قربت له يجفل=ولكن ذول من دقه قديمه في روابعنا
يقول العود وده يسقي الي عجز بالحنظل= وانا باجيب له حنضل لو وده يريحنا
المهاجر=
ابن منشار تراك اخطيت ونا بشهد ولا اخجل = بناتي لاتقربهم ترى ما اقبل تحاربنا
فلاح=
اهو يعرف خفاياكم وانا بانقذه دون اسأل= ولو يبغى سيوف اعطيه ولا خيب له ظنا
المهاجر=
ابكشف سترك وبين بأنك حاقد اهبل= تجنبهم اذا ودك نصافي من تجنبنا
فلاح=
افا ياعود تطلبني بجنبك واثرك امبرجل= قلبت الشد يابو حقيب واثر انا تكرنبنا
انا ماجيت من كيفي وجاوبتك على المنهل= ولكن جدك الفاني ورثته وانت تخدعنا
لمهاجر=
هذولا كالدرر صعب تلاقيهم فهم امثل= وهذولا نجومنا اللي في دياجي الليل هدنا
فلاح=
ترى ماحد يصدق كذبك الزايد ولوهو احول= خلاص انا غسلت ايدي ومثلك لايكلمنا
المهاجر=
ترى الدنيا سياسة والحرب خدعه وتتسجل= لقينا خصمكم بنضح بشره كود يدفنا
فلاح=
اشوف ان العجايز كيدهم غيرك يابرطل= تبيع اصويحبك لاجل البنات تخيب الظنا

[الأموره]

مزاجيـه عـرفـت انــك مزاجـيـهمثل دنياي تتقلب ولا ترحم ابـد ضعفـي
فكل يومين والثالث تبي الوان ورديه= ولكن سرع ما تطلب سواد ولا هي بصفي
تجيني معكننه في يوم وتكتب لي بجديه= واذا من انتهى ذاليوم تقول آسف ولا تكفي
ونا لو شفتها في يوم ابجلدهـا بهجائيـهتصحي عقلها الباطن وحتى عندها يشفي


صح لسانكم يالشعراء ،،

نردها لكم في الافراح ههههههههه

شاكره لك يالمهاجر

دمت برعاية الخالق

[الطامي]

الله عليكم
فطاحلة شعر ورد
صح السنتكم جميعا
وشكرا الطائر على النقل

[fot1]با أحلى لون[/fot1]



وأحلى خط ...... والجود بالموجود


وستايل جديد ..... وتستاهلون

وما عليش ياشابات المنتدى .... اسمحن لي بضحك

ههههههههههههههههههههههههه

هههههههههههههههههههههه

هههههههههههههههه


الله لا يهينكن بنون النسوه


كمان حبة

هههههههههه

[blink]الشباب الكرام صح الله لسانكم[/blink]


[fot1]وما شاء الله عليكم ما طافة عليكم ألاعيب النساء [/fot1]

محاورة جميله وممتعه

سأبقى بإنتظار الأصوات النسائية


الله يسعد أيامكم ويجمعنا على طاعته

[راجي الحاج]

الله يعطيكم العافيه جميعا

محاوره شيقه جدا

عجوز قالت ال اخرى تعالـي بـس نتسجـل === بموقع فيـه شيبـان ولا يـدرون وش حنـا

انا باصير امـوره وانتـي استبـرق المنهـل === واذا من طار فينا العـود نقـول احنـا بفينـا

وحنا بمنفوحه القشرى نتلاعب فيه نستهبـل === ولا هو داري عن شئ ولا نخبـره مـن انـا



ليكون هالحكي صحيح يالاموره

[خالد العمري]

مشاء الله عليكم يالفطاحله
قدمتم السبت وبتلاقون الأحد
الله يعينكم على نون النسوة
هههههههههههههههههههه

صح ألسنتكم جميعا

كل هذا على البنات
أنا بفزع لهم بصراحه

>> أقول اسكتي لايجيك مثلهم


دمتم بخير

[احمد الفارس]

يعطيكم العافية جميـــــــعا وماقصرتوا ,,,,, والدق هالمرة على البنات

[عبدالله المسعودي]

شكر1 لـ آلمهآجر و سنآعيس و فلآح على آلآبد1ع آلمتجدد ..؛