ماعلا الدنياء بعد خلي حسوفه

[ابراهيم غضيان الشراري]

ماعلا الدنياء بعد خلي حسوفه=ياعساها بعد خلي للذلايف
الله أعلم صاحبي وشي ظروفه=مشغلن بالي غياب أغلا الولايف
كيف تصبر عين معتاده تشوفه=وكيف أصبر ماورا عوج النحايف
من غياب اليّ عديماتن وصوفه=صرت أعيش برهبة الصمت الكسايف
في زمن من قسوته يشهر سيوفه=فوق مافيني من أحزان وحسايف
صار يعزم للشقى عندي ضيوفه=يحتفل في ضيقتي والكل شايف
صار خصمي دايم بوجهي وقوفه=لين قدامه حنيت الراس خايف
لاجل أريح قلب ضايق وسط جوفه=يحترق والعين تهمل بالذرايف
قلبي اليّ غيبت الغالي تلوفه=لوف شعب أعزل تحت قصف القذايف
في زمن مابه أمان ولا مروفه=يحتضن واقع بلا عدل ونصايف
الشاعر/ إبراهيم بن غضيان الشراري=

[ساهر الليل]

قـلـبـي الـــيّ غـيـبـت الـغـالـي تـلـوفــه
لوف شعب أعزل تحت قصف القذايـف

الله عليك ياغضياااان
شاقني هذا الحرف وهذا الابداع
لله درك من شاعر ملهم الحس
صح لسانك يا شيخ حتى ترضى

تقبل تحيااتي وودي

[داعي الشوق]

الله الله يا ابراهيم

ابياات جزله ..

كل بيت احسن من الثاني

صح لسانك و حالك يالشاعر

[بنت النور]

مدد صح لسااانك شاعرنا
قصيده جميله وجزله
ولافض فوك

[الراقي]

صح فكرك

صح بيانك

ودام حرفك ..

و صح السانكـ

[عبدالإله]

مليار صح لسانك وقلبك
ولاهان راسك
على هالطيبه

ودي واحترامي

[طوفـــان]

هالله هالله

تسلم ماخطته يداك وأنسجته أفكارك الإبداعية ..

أبيات في غاية الروعة والعذوبة ...

صح لسانك وفكرك

تحياتي .

[الطامي]

مـاعـلا الدنـيـاء بـعـد خـلــي حـسـوفـه
يـاعـسـاهــا بــعـــد خــلـــي لـلــذلايــف
الله أعـلــم صـاحـبـي وشـــي ظــروفــه
مشغـلـن بـالـي غـيـاب أغــلا الـولايـف
،،،،،،،،،،،،،،،
الشراري
صح السانك
والله يعين قليبك يالغالي
شكرا لك

[ابراهيم غضيان الشراري]

الأخ العزيز والقدير/ساهر الليل.

صح الله بدنك وبيض الله وجهك.

والله لايهينك طال عمرك.لاخلا ولا عدم.

تقبل تحياتي وتقديري وأحترامي لشخصك العزيز.

أخوك الشاعر/ إبراهيم بن غضيان الشراري

[ابراهيم غضيان الشراري]

الأخ العزيز والقدير/ داعي الشوق.

صح الله بدنك وبيض الله وجهك.

والله لايهينك طال عمرك.لاخلا ولا عدم.

تقبل تحياتي وتقديري وأحترامي لشخصك العزيز.

أخوك الشاعر/ إبراهيم بن غضيان الشراري