تناهبونا يابو متعب نهابه

[احمد الجريفاني]

ياسيدي حلمك كلتنا الذيابه=اهل العقار وحاكرين التجاره
تناهبونا يابو متعب نهابه=هذا رفع سعره وهذا اجاره
من بينهم صرنا تقل وسط غابه=ما كننا بديار خير وحضاره
ما يخجلون ولا عليهم رقابه=يا خوفتي كان البلا با الوزاره
من يوم خيرك حل والرب جابه=شنوا علينا غارةٍ تلو غاره
والراتبين اللي حسبنا حسابه=طارت مع العجًه غمتنا غباره
انظر حليب اطفالنا ويش صابه=بايام عيد الفطر وقع قراره
لما سالت الصيدلي عن اجابه=قال الله اعلم والتجاره شطاره
اقفيت عنه وكل وجهي كآبه=لو ما ستر ربي قطعت الاشاره
والبيت لو هو صندقه او خرابه=فاتورة الكهرب تعده عماره
اثر المواطن لو يشقق ثيابه=معذور دام انه يحس بمراره
يا سيدي كل المواقف تشابه=والنار دايم تبتدي من شراره
وانا ابنكم ماني بغاوي كتابه=ولايوم قد خنت الوطن في عباره
انا رجل دوله يثمٍن خطابه=ماني من اللي يعشقون الاثاره
هم الوطن همي وعشقي ترابه=وقار شعري نابعٍ من وقاره
وانت المطر للي يخيل السحابه=وانت الذرى للي خذى السيل داره
يهتف باسمك شيبها مع شبابه=اشر ترانا دوم تحت الاشاره

[الطائر المهاجر]

وانا ابنكم ماني بغـاوي كتابـه
ولايوم قد خنت الوطن في عباره
كل الحراميه والفاسدين من ابناء الوطن
واللي حج ولم يعد ابن الوطن
خل السوالف لو تصيبك كأبه= واقبل بوقتك لو تزايد غباره
ان لم تكن ذيب كلتك الكلابه= والاّ جراده خايفه من حباره
صح لسانك وقلبك
تحياتي

[عبدالعزيز العمار]

مانقول الا الله يرحم الحال ويسلط عليهم اللي اقوى منهم مثل ماتسلطو علينا

صح لسانك ولاهنت جزله ووافيه

تحياتي لك

[كظيم]

ياسلام ياسلام

احمد الجريفاني
صح لسانك وفكرك
قصيده جزلــه ومحبوكــه
كتبت واقع نعيشـه من هؤلاء المسؤولين
ابيـات حاكت وضـع مجتمـع نعيشه ونعايشـه
وما نقول إلا حسبنـا الله ونعيــم الوكيـل
تقبلني وتقبل مروري المتواضع لاهنت
ودي وتقديري

[الـزلـزال]

أحمد الجريفاني

نص مميز ومتقن وهادف
من شاعر عودنا على روعة وتميز حروف شعره
أبدعت وأمتعت شاعرنا رعاك الله
دمت بخير ودام وطننا بخير
صح لسانك ملايين ملايين
ولك فائق تحياتي وتقديري

[حوريه]

حبك وسبك يا أحمد
صح قلبك مدد ..
ودام حرفك ..
ودمت بكل خير

0
0

[داعي الشوق]

الله اكبر يا بو فراس

اصبت الهدف بكل افتدار

لله درررك

شاعر جزل لك مقامك يا مبدع

ولو اني عاتب على غيابك عنا

اتمنى ان العود احمد

ويا هلا بك مليوون

ولاهنت

[سناعيس]

صح لسانك يالجريفاني
دائما قصائدك هادفه
لله درك


تحياتي

[عبدالله الشويمان]

صح السانك يا اخ احمد

قصيده جزله مبنى ومعنى..

دمت بخير يا الجزل

[احمد الكثيري]

يا خوفتي كان البلا با الـوزاره

صح لسانك مليون والله الا رحنا فيها اجارات فواتير بقالات حليبوكل شي

المهم سلم قلبك