الجميع تحت مظلة قانون منتدى الفطاحله

[الطامي]

حصل ان شارك ابن كحله وسجل بعضوية الفطاحله الا انه لم يعجبه بعض القوانين التي يتحلى بها المنتدي لضبط الأمور فأخذ على خاطره وأرسل لي هذه القصيده ،، علما ان قانون الفطاحله على جميع الأعضاء بما فيهم المشرف العام فمن رضي فله الرضى ومن زعل فهو وشأنه ؟؟؟؟؟؟؟؟؟؟؟؟؟؟؟؟؟
قال بن كحله المري

حصل خير يامرسل رساله وردي لـدِ=يكنك تقول أسكت عسى ابوك للجنـه
يقولون عراف العرب لاحضرت فعـد=و أنا مابغي الهنه ولا أرضى هل الهنه
يامنصور كانك عاجزٍ ماتريـد أتـرد=ترى جغمة الضميان ماتروي الشنّـه
علي الحرام اللداعي الصوت مانا اصد=ولا خاب فيني من تهقوى علي ظنّـه
انا عادتي لاشفت أشعيلٍ يعض البـد=أطره بصاطـور الحقيقـه ولا أقنـه
نظام الفطاحل له مقاييسه ولـه قـد=على عين ابو تاجر والدكتور له فنـه
هاك الزبده اللي من ظمنها يجيك الجد=حكمتو ودبلتـه قبـل لايجـي صنـه
عسى الله مايخلف على من يكد الكـد=ولله كل ,الفضل ,والشكـر ,والمنـه
أسلم عليك ووصله دون فنـد وعـد=والى من قريت الخط ثنه لهـم ثنـه
كرمتو ودمتوا يالنشاما بصـدق وود=ولاعاد لي في الكيل والهيل مع بنّـه

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟
ردي عليه :-


ا

لايابن كحله ويش حدك علي اتهد = تكيل التهم والاذن منك بها طنه
عهدتك قوي الباس ماينفضى لك سد = وانا فوق كل اللي تقول وبي اتظنه
وارى الصبر محمودٍ ومن يلزمه يرشد = لاكن الجنوبي سرعته دايمٍ فنه
ويقولون بالامثال لاجيت قوم فبد = عوايد اهلها حيث تسلم من الحنه
والا ارتبت بالاشيا فلاهوبعيب انشد = لعلك توصل للحقيقه بلامنه
وقول الحقيقه دايمٍ لاتعدا الحد = يعود على راعيه نقمه ولو انه
ومن لاتريث ماوصل غايته وارشد = ولا عين المقصود والحال مشقنه
لفيت الفطاحل والتراحيب بك تشتد = وضاح الفنر بسمك عيونك يراعنه
لاكن شط بحرك قام يزمي ثمن ايمد = ماتدري ان قوانين الفطاحل يردنه
وحقك علينا كان حن فيك نتعمد = حشا ماخبرت ان الفطاحل بهم هنه
تندب علي جعل العدو مابرد له كبد = وذا قافي وردي اشواقي يسوقنه

[نجم الإبداع]

صح لسانك يامنصور ولسان بن كحله

صدو وصوت وافيين

لاهنتم


تحياتي وودي

[حي الضمير]

صح لسانك يامنصور ابيات رائعه ورد وافي
وصح لسان بن كحله وعتب المحب
والجميع هنا سواسيه

[سناعيس]

صح لسانك يامنصور
وصح لسان ابن كحله
هو له وجهة نظر
وأنت ماقصرت قمت بالواجب
لاهنت وبيض الله وجهك

تحياتي

[داعي الشوق]

صح لسانك يا منصور

ما عليك ملامه يالكاشف

أوفيت وكفيت

وصح لسانك يا بن كحله

تحياتي لكم ،،،

صح لسانكم ولاهنتوا

دام الود بين اعضاء المنتدى ولو اختلفنا بالآرائ

تحياتي لكم

[الخنساء]

صح لسانك اخي الشاعر منصور
لاهان را سك قصيدة رائعه
صدى وصوت راائعين
سلمت وسلم شعرك
دمت بخير

[ماجد الزيد]

صح الله لسان الشاعر ابن كلحه
وصح الله لسانك ملايين اخوي منصور
رد من رجل صاحب بعد نظر
وحكمة
جزالة فكر وحرف اخوي منصور

[ابومياس]

كبير يابو محمد

وحكيم صح لسانك وبيض الله وجهك

رد حكيم


دمت بخير

[صوت الإحساس]

صدى يغلب الصوت ولأول مره


بيض الله وجهك يالمري


تقدير واحترامي لهكذا شخصيه


وصادق ودي لقلبك الطااااهر