لا جتك كلمه تجرحك وانت غافل

[الطائر المهاجر]

لا جتك كلمه تجرحك وانت غافل = ممن جهل بك جامحٍ به حصانه
فانظر لمن صاحبه للشر فاتل= معروف ميله للردى والعفانه
ودامه تكشّف للملا بكل حاصل= وما عاد له حجه امام الإدانه
يدخله في الشكه معه دام جاهل= ولو هو نقيٍ مامشى في المهانه
من بعد كشفه صار ماهوب جافل= يضحي بصديقه ماتفكّر بشانه
فاللي به الأيدز فلاهوب باخل= في نشر فيروسه عيانٍ بيانه
ويستخدم صحيبه مثل طير زاجل= يرمي الشراره دام يدّه جبانه
فاحذر رعاك الله من كل خاتل= ماضيه يحكي عن سبايب جنانه
ومن جالك بهرجه يبي كود تاصل = بليا دليله لاتثق في امانه
وان كان تاثق فانت عن قصد فاعل= تدفع ضمن ما تفعله من رعانه
لانّه يبي حرقك ولاهوب سائل= وتكسب عداوة من جهلت لكيانه
ما كل صاحب تعرفه قبل راجل= ماشي على خبرك بعقل ورزانه
يمكن تغيّر واصبح اليوم سافل= واصبح يجرك للردى والمهانه
فمن صاحب الاجرب فلاهوب ناقل= إلا الجرب مادام يمشي وزانه

[منيع]

ياسلام عليك
كلها حكم ودلايل
بوركت ووفقت لكل خير
تحياتي

[عبدالعزيز البليهد]

صح لسانك ولاهنت

ولا ييهمك الجاهل تجاهله

قال تعالى :خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ

[الجفول]

الله الله

صح لسانك وجاد بيانك

استاذ الحكمه والابداع

جواهر وليست ابيات مانراه

تقبل اعجابي

الجفول

[مبروك بن ماضي]

ينام الشعر مرتاح عندما تكتبه يادكتور
ويحق له ان يزهو بك ويفخر
لك الله ايها الشاعر العلم / عثمان العبدالله
تملك مالايملكه غيرك من الشعر والحكمه
وتعمل بصمت من اجل إيصال رسالتك الشعرية النبيلة
كن هكذا واكثر وحلق بنا في سماء إبداعاتك المتوصلة
مع تحياتي العاطره وفايق الاحتراااااام ،

[الطامي]

صح السانك ايها الطائر
رائعة جدا
شكرا لك

[داعي الشوق]

فمن صاحب الاجرب فلاهوب ناقل = إلا الجرب مادام يمشـي وزانـه

^^^^^^^^^^^^^^^^^^

صح لسانك مليووووووووووووون

و لا يكفوووووووووون

و لاهنت يالطائر

لي عودة للرد بما يليق

مع التحية لك

**************

[عبيد دعيع القلادي]

الطائر المهاجر

ياسلام

كلها حكم وجواهر

فيها النصح وفيها الارشاد


فمن صاحب الاجرب فلاهوب نايل
إلا الجرب مادام يمشـي وزانـه


صح نبضك وقلبك

احترامي لشعر واهله

[عمر ال شيبي]

صح لسانك لا هنت ابد
جزله من حكيم الشعر
مو جديد علينا الله عليك

[ترانيم المطر]

صح لسانك

ياكثر الجربان بس العيون مغمضمه عنهم

فمن صاحب الاجرب فلاهوب ناقل
إلا الجرب مادام يمشـي وزانـه

دمت ودام تميزك ونصحك