انالابغيت اسلى عن العشق

[الطائر المهاجر]

انا لا بغيت اسلى عن العشق والهوى = يفزّ الخفوق اليا لقى الريم شرّدي
خلق منهن الرحمن فتنه لمن غوى = إذا سلهمن بالطرف سهمٍ مسدّدي
يطارد وراهن لو على القلب انكوى= حتى ولو شايب كفيفٍ ومقعدي
وحتى بعد موته وبعثه فلا انزوى= يبي الحور نفسه دايمٍ في التعدّدي
وانا من عباد الله مخلوق ما ارتوى= ابي جرعةٍ تطفي العطش قبل ما ردي
فلا نيب جايز دام هالعود ما ذوى= ولو قاله الله في نعيمه لي طردي
عرفت الهوى والعشق في ماضي انطوى= ولكن معاها ابتدا يوم مولدي
شمالية فيها الحيا غصنه التوى= جنوبية الخدين وردٍ منضّدي
دمشقيّة الاطراف كالنجم لا ضوى= ونجديّةٍ في ثغرها يسجد الجدي
حجازيّة الأرداف والشعر لاانثوى = حريرٍ تناثر فوق صرحٍ ممردي
عراقية الإقدام ، قدّامها هوى = اراذيل بوشٍ من عميل ومجنّدي
فلسطين ربّتها على الصدق بالنوى= وحصاد الأعادي من يهودٍ وحقّدي
بشريانها دمٍّ نقيٍّ ولا احتوى = بنبضه بقايا من خشاشٍٍ ووافدي
اذا فوق عرشه خالق الكون استوى= على عرش قلبي استوت في تفردي
كبرنا على حبٍّ جمعنا بلا غوى= ورسمنا املنا لكن الوقت سرمدي
زرعنا من الأوحلام ما طار بالهوا = وغديت الضحيّه والشماته لحسّدي
تباعد بنا وقتٍ على قلبي اقتوى = وانا احسب حبيبي يوم يوفي بموعدي
احسبه مثل قلبي من البعد انشوى= واثاريه سالي ما درى عن تنكّدي
نستني مع الأيام ملعونة الثوى = ولا فكّرت في امسي ولا اليوم او غدي
سنينٍ العمر ولّت وانا قلبي اجتوى= ولا عاد يهنا لي شرابي ومقعدي
انا بعدها طفلٍ حزينٍ ولا قوى = مع الوقت ينساها فلا القلب في يدي
يتيمٍ وتاه بليل في طيفها التوى = ينادي ولكن ممعنه بالتصددي
يبي لو تردّ الصوت في ردها الدوى= ولكن صدى صوته رجع دون تنشدي
مضت مثل حلم تالي الليل لا ضوى = ينكد عليّ النوم ما اهنا بمرقدي
يقولون سلم الحب كلٍ وما اهتوى= واقول الزمن ساس البلى بالتجددي
يغيّر ضعيف النفس بالجاه والغوى= ومن لازم المبدأ يعيش التنكّدي
فمهما سلت عنّي ولو قلبي انكوى = يجي يوم تذكرني إذا غاب فرقدي

[الأموره]

الله يالمهاجر ،،

صح لسانك ملايين ،،

سلمت و سلم فكرك ،،

الف شكر لك ،،

دمت برعاية الخالق ،،

[الطائر المهاجر]

شكرا اختي الفاضلة الأمورة
على كريم الحضور والتفاعل الراقي دوما
لاهان راسك
تحياتي الطيبة

[الطامي]

المهاجر
عزاك يالعود رحت وطي
ماهو انت الا كثير
الله يعين
صح السانك ولاهنت

[عبدالرحمن بن زهير]

ابوعبدالله يعجز لساني عن الإشاده هذه عقد منثور صح لسانك يالقرم ولاهنت على هذا الابداع...

تحياتي....

[ماجد المهدي]

ابو عبدالله

صح لسانك ولا هنت يا القرم

قصيدة جزله من جزل

ولا هي بالغريبه عنك

تحياتي لك

ماجد المهدي

[ماجد الزيد]

يووووه يوه يوه يوووووه يووووه

رووووعه روووعه رووعه روووووووعه

غير غييييييير غير غييير غييييييير

سبحان من اتاك جمال البيان وحسن التصوير

لازلت استمع اليها واجد فيها ابعد من الغزل والوصف

نص بداخله نصووووووووووووووووووووووووووص

لاتعلم يابو عبدالله كيف استمعت اليها

[الخنساء]

صح لسانك مشرفنا

لاهان راسك قصيدة رااائعة

سلمت وسلم شعرك

دمت بخير

[مبارك أبوظهير]

الطائر المهاجر ..



القصيده في منتهى الروعه ..



ألف صح قلبك وفكرك .. عليها .. حبك وسبك .. لكنك ماإلتزمت في قافية الصدر في أربعة مواقع ؟؟؟



لماذا .؟؟؟




أنا أعتقد لو انها كانت على نفس القافيه لكانت تعتبر من المعلقات ..



واعتقد ايضا إذا لم تستطع .. وهذا غير منطقي .. لأنك جزل ولايصعب عليك .. أقول إذا لم يكن في مقدورك على الأربع قوافي المختلفه .. ياأخي يمكنك الإستغناء عن الأبيات برمتها .. لكي تظهر بالتميز الذي نريد


وجهة نظر ..



تحياتي لك .. وإعجابي




مبارك

صح لسانك يالمهاجر

قصيده جزله يالجزل

لاهنت على هالابيات الرائعه

تحياتي