من دار النبي

[نجم الإبداع]

اخواني الكرام
اليكم هذا النص من قديمي
امل ان يرقى لذائقتكم
وكل عام وانتم بخير

ياشهر الهدى منك للجنات ضي = حيتك القلوب وسرى فيها إهتمام
قربك يجمع الناس في لقمه ومي = ركن الدين يابخت من قامك وصام
نحنا أخوان بالدين من دار النبي = صلى الله على المصطفى بدرالتمام
سيدنا محــمد بنوره نهتدي = يأمرنا بالاخلاق والطاعه لزام
ضحاك المحيا أبو الكف الندي = قاهر ملك قيصر وكسرى بالسهام
تابع ســــنته والذي تبعه نجي = لاتنسى نصيبك وفكر بالضرام
ياخي وش يفيد التجهم وانت جي = أفردها وخل البشاشه لك وسام
جرب تبتسم يبتسم لك كل شـي = وجه المبتسم يجْبُِرَك بالإحترام
يسري الود والقلب يصبح منك حي = وتقابل من الناس طيبه واحتشام
كلمة ياحـبيبي دوى قلبك ياخي = شف ماحلى فديتك وهي ظمن الكلام
والا ابشروتسلم وحاضر منك شي = وقول الله يسامحك للمخطي لجام
من سبك تريث ولا ترد الحكي = كلمة طيب بلسم تميت الإختصام
تطفي الغيظ لوكان كبر أجبال طي = والي لك عدو ينقلب صاحب همام
صفّ القلب وانس الألم لو جاك غي = ابذل للمسئ طيب في شهر الصيام
رفقك والتواضع ظلالك وانت في = واشفاقك على أخوك يبلغك المرام
واجب نشكر الي يقدم أي شي = لاجل الخير من دون منه وارتسام
بعض الناس محتاج لكن مستحي = يخفي حاجته عن عيون أهل الملام
لاتمنن على الناس والكتـمان طي = الي تبذله ينْفَعك يوم المقام
تصقل ران قلبك ليا منه صــدي = عشر أمثالها لك يباركها السلام
لاتحقر ولو شق تمره ذاك ري = بالدنيا وبالآخره دارالكرام
هذا شهر الإحسـان ياغالي علي = لاتبخل ترى مال هالدنيا دوام
افقد حال جارك كواه الديّن كي = من فرج عن أخيه كربه مايظام
التجار لو يخرجون الفرض في = والله ماتشوف الفقير ولا طوام
هذا موطن البر والغارم بلي = دعوه ! خير لك من سنا هذا الحطام
لاتعطيه بايده ليا منه سخي = سدد للمطالب وميره قدرعام
هذا خير من بذل مالك في دبي = لاصحاب الشقق واليتامى ماتنام
تبذلها لسمــــعه في الدنيا وخي = يالله تصلح احوالنا بين الأنام
هذي أولويات والحاســــد ردي = من وجهة نظر حللوها ياكرام

[حمد العيد]

الاستاذ فلاح

قديمك مدرسه وجديدك ابداااااااااع

سلم فكرك وصح لســــــــــــــــــــــانك

ودي وتقديري

روض الغلااا

صح لسانك

الله لا يهينك


تقبل تحيات اخوك

عاشق الطيب

صح لسانك يافلاح

جزلة من راس جزل


لاهنت


تحيتي

[عبدالله الشويمان]

صح السانك يا اخ فلاح

ولا هنت يا الغالي

فلاح بن منشار


صح لسانك

وعلى شانك

وبيض الله وجهك
لاهنت

[الخنساء]

لاتحقر ولـو شـق تمـره ذاك ري
بالدنيـا وبـالآخـره دارالـكـرام
هذا شهر الإحسان ياغالـي علـي
لاتبخل تـرى مـال هالدنيـا دوام
افقد حال جارك كـواه الديّـن كـي
من فرج عن أخيه كربـه مايظـام
التجار لو يخرجون الفـرض فـي
والله ماتشوف الفقيـر ولا طـوام
صح لسانك


وبيض الله وجهك اخي الشاعر فلاح

سلمت وسلم شعرك
دمت بخير

[متعب المينيح]

صح السانك



يابو منشار

[مبروك بن ماضي]

صح لسانك مليون ولايكفون
كعادتك شاعرنا القدير/ فلاح بن منشار
الابدااااااااااااااااااااع :
ولا غير الابداع أجده في هذا النص
وكل نصوصك الشعرية الجميله
سجل إعجابي الشديد
وتفضل بقبول تحياتي
أخوك / بن ماضي

الرائع والعزيز جدا فلاح
صح لسانك
رائعة والأروع حضورك هنا
قديمك ميه ميه على قول .......
صح لسانك
تقبل تحيتي