الا يا نجوم الليل لو غابت القمرا(بالصوت)

[الطائر المهاجر]

الا يا نجوم الليل لو غابت القمرا = فلا بد ما تطلع وتشرق ليالينا
ولا يا خزامى نجد لو جفت الصحرا = فلا بد ما تمطر وتروي مفالينا
نشوف الزبيدي والنفل واصفر الزهرا = وترتع بها الغزلان من حورها العينا
حبيبي جزاه الله جزاني الجزا المرا = وانا اللي جزت عيني لهجر المحبينا
انا ادري وهي تدري وذاك الهوى يدرا = ولو كان من بدري فلا هي تدارينا
حبيبي سألتك بالذي نزّل الفجرا = هو الحب ذنبي يوم تفرض تجافينا
تعالي وحسي قلب مجروح بالهجرا = وش اللي حصل ياحب تنسين ماضينا
حكمتي تحكمتي وحكمك عليّ امرا = وانا العبد يتعبد بمحراب داعينا
سحرتي وساحرتك وبعض العشق سحرا = وانا اللي بسحرك صرت مثل المجانينا
تعالي حبيب الروح نحلم على الذكرا = نسامر نجوم الليل والليل يخفينا
تعالي نسل سيوف من حرفنا تقرا = ونكتب بكل الفخر ياناس حبينا
ولا يا حروف النصب والنسخ والجرا = متى ينتهي الإعراب ضاعت أمانينا
ولا يا رمال الشوق في البر والبحرا = تعالي وضمي ما بقي من خطاوينا

[الغريب]

والله منت بهين يا ابو عبدالله

وش ذا الزين

صح لسانك

[أم ريما]

تعالي نعاهـد نوقـف المـد والجـزرا
نسلم علـى القمـرى تثبـت مراسينـا
تعالي نسل سيوف مـن حرفنـا تقـرا
ونكتـب بكـل الفخـر يانـاس حبينـا


روووووووووووووووووعه

صح لساااانك يا شاعرنا المبدع

تحياتي لك

[ابو زياد]

الله الله الله الله عليك
ياااااااااااااااامبدع
ياقامووووووووووس
ياخي صح كلك من راسك حتى اخمص قدمك

[الريم]

قصيده جميله وقمه في الروعه

ابدعت فيها شاعرنا الراائع

صح لسااااااااانك وسلمت يمينك على هالراااائعه

دوم يا ربي تدووم بهالروعه والتمييز والابدااع

[الطائر المهاجر]

شكرا أخي غريب الآه
على كريم الحضور والتفاعل الراقي دوما
تحياتي الطيبة

[عبدالرحمن الصباح]

صح السانك رائعه من الروائع ربي يسلمك استاذي الفاضل قمة الابداع

الطائر المهاجر


قصيدة محبوكة جدا..


دمت بخير

[منيع]

ابيات رائعة
شكرا لك
دمت بخير
تحياتي

صح لسانك وعلى شانك
اجد نفسي امام هذه الباذخه متلعثم النطق
اكتمل جمالها بوفي صياغتها منك وتراقصت عذوبتها بأحساسك
وحرفنتك الشعريه
دمت بخير
اخوك/سراب الراحل