جسم الوفاء في عالم الذل مشلول

[عذب القوافي]

	--((جسم الوفاء في عالم الذل مشلول))-- رد الخبر عني ترى عيونهم حول=ليته يجـي بالتلفـزة والإذاعــة ياللي طلبت البيت خذ جاك مشمول=ليش المجامـل فـي نهـار البشاعـه حنا بوقت ٍ مزدحـم جلّـه ميـول=ذلل رجاله وإنتهـض بـه رعاعـه زود الدراهم كنّها تبغـي تقـول=المرجله باللي ملـك لـه بضاعـه كيف النحاس يقارنونه مع اللول=وقت ٍ كشف ياصاحبي عن قناعـه جسم الوفاء في عالم الذل مشلـول=خامـل وحتـى مايحـرك ذراعـه إن صرت طيّب قالت الناس مهبول=وإن صرت خيّب ترجموها شجاعـه نبع الفساد مجاملة كـل مسـؤول=أصدع بقول الحق في كل ساعه ما من مراجع تنشـد لازم يقـول=أبوطبـيـع ٍ مايغـيّـر طبـاعـه دام الموظف درجـه أيـام مقفـول=ولاينفتح ياكـود لأحـد الجماعـه سلّم وقلّه منصبك بكره يزول=ولاينفع المحتال زود اللكاعه حنا بوقت ٍ قـّدم رخـوم وذيـول=والرأس يتعب لو يطـول إرتفاعـه رديان وقتك يارجل صارت زحول=والطيب كنّه في زمان المجاعـه ياصاحبي في وقتنـا يخـدم (...)=والأجنبي ياكيـف عنـده مناعـه مالك معارف يمكن أيـام وليـول=حتـى تخلّـص ماينّجـز بساعـه هذي حقيقه بالدوايرعلـى طـول=ليتـه تجـي بالتلفـزة والإذاعـة تقديري ,,,,,

[منيع]

ترجمت وااقع نعايشه يوميا غلبت فيه الواسطه والمحسوبيه
والنظام تتلاعب به بعض النفوس الضعيفه
شكرا لكم
تحياتي

[مبروك بن ماضي]

الاخ الفاضل الشاعر / عذب القوافي
حضور يروي الذائقه..وحروف راقيه
ابدعت وامتعت بهذه الدره الرائعه بكل المقاييس
صح لسانك واعتلى شانك
على هذة المشاهدات والإضاءات الرائعه للواقع المعاش
وللأسف الشديد في زمن الواسطه والمحسوبيبه
تقبل تحياتي وتقديري الكبيرين ،

[صعبة المنال]

المتميز ...عذب القوافى
صح لسااااااااااانك

وفكرك

صعوووب

[الطائر المهاجر]

صح لسانك وفكرك
ودام ابداعك
تحيتي ومودتي

[حي الضمير]

صح لسانك شاعرنا النجم عذب القوافي
قصيده رائعه وابدعت يامميز
أجزل التحايا والاحترام

[داعي الشوق]

صح لسانك يالشاعر الرائع ابن خزيم

شاعر كبير و لك اسلوبك الخاص الذي يميزك

قصيدة لها أثر في الوقت الحالي

صح لسانك يالشاعر

مع التحية و التقدير

[احمد الكثيري]

اخوي عبدالكريم بارك الله فيك ونض جميل لاعدمناك يا النشمي
لك تقدير اخوك الكثيري

[ام العمده]

صح لسانك واعتلا شانك

لاهان راسك

ابدعت بهذه الرائعه

دمت بخير

[الـزلـزال]

جسم الوفاء في عالم الذل مشلـول=خامـل وحتـى مايحـرك ذراعـه
إن صرت طيّب قالت الناس مهبول=وإن صرت خيّب ترجموها شجاعـه

عذب القوافي
قصيدة رائعه ومتقنه وجزله
من شاعر مبدع ومتميز في كل مايقدمه
أبدعت غالينا وليس بغريب عليك الأبداع
صح لسانك ملايين ملايين
ولك فائق تحياتي وتقديري