قصة واحد وببغانه .....

[شموخ سدير]

كان فيه واحد " على نياته " ..

جرّب يستثمر أمواله !

وكان عنده ببغاء يتكلم ..

مشكلة الببغاء .. إنه كل ما شاف راعيه قال : ياغبي .. يا غبي .. يا غبي ! ..

راعيه ضاق صدره .. وقرر ياخذ الببغاء لمدرب الطيور علشان يعدّله ..

: يا مدرب الطيور .....
شف لك صرفة مع هذا الببغاء ....
كل ما شافني فشلني عند الناس " غبي ، غبي " !
أبيك تدربه زين وتعدّل كلامه ..
علشان يغيّر هالكلمات الي يرددها كل ما شافني

قال المدرب : ما عليك .. خلّه عندي كم يوم ..

ولما راح راعيه .. جاب المدرب " سطل " مويه حاااارة ....
وحطه قدامه .. وسأل الببغاء ..

: أنا مين ؟ !

قال الببغاء : أنت صديق الغبي ! ..

وينزله المدرب في المويه الحاااره ثم يطلّعه .. ويسأله ..

: أنا مين ؟

قال : أنت صديق الغبي ..

وينزله في الموية مرة ثانية .. ثم يطلعه ...

: أنا مين ؟

.. وعلى هالحال .. حتى تربى الببغاء وتسنّع ..

أخيرا .... قال له المدرب ..

: أنا مين ؟ !

قال الببغاء : أنت صديق أذكى واحد في العالم ..

ويوم جا راعي الببغاء .. قال المدرب : تفضل اسأله ..

قال راعي الببغاء .. : أنا مين ؟!

قال الببغاء : أنت مين ؟! وهذا سؤال !! ... أنت الذكي ....
إلا أنت أذكى واحد عرفته في حياتي !

قال له راعيه : .. طيّب ..
وإذا لعبت بفلوسي على كيفي ؟!

قال الببغاء : .. هذي فلوسك .. من عرق جبينك ..
تسوي فيها اللي تبي ..

قال : طيّب .. إذا دخّلت فلوسي عند " هابتكو " ؟ !

قال الببغاء : ممتاز .. حركة استثمارية في غاية الذكاء .....
ومن أذكى واحد في العالم ..

: طيّب .. وإذا دخلت فلوسي عند " الجمعة " ؟ ..

: طبيعي .. تنويع استثماري .. من أذكى واحد في العالم !

: طيّب .. وإذا دخلت فلوسي عند " ابن حسن " ؟ ..

: ذكاء خارق ... وماشي مع الحكمة اللي تقول " لا تحط البيض
في سلة واحدة " .... فعلا أذكى واحد في العالم !

: طيّب .. وإذا دخلت فلوسي عند " العيد " ؟ ..

: عادي .. وزي ما يقولون " حشر مع الناس عيد " ....
صحيح إنك أذكى واحد في العالم ..

: .... طيّب .. وإذا دخلت فلوسي فيسوق الاسهم السعوديه؟ !

قال الببغاء : يا عمي هاااات الموية ! .....
قايلّك هذا أغبى وأثور وأدبش واحد في العالم !!


هههههههههههههههه

[الأموره]

ههههههههههههه

زودها صراحه يستاهل

شكرا لك غاليتي

دمتي برعاية الخالق

[شموخ سدير]

هلا والله بالأموره حيااااااااااااااااااااك الله

واهلين وسهلين ومسهلتين ونورتينا

[اصيل]

شكرا لك
وبارك الله فيك
تحياتي

[اللهيب]

بارك الله فيك
جميل ما قرأته
تحياتي

[بليهان]

احسنت
ولاهنت
تحياتي

[الهميم]

كتبت فأمتعت
شكراً لك
تحياتي

[المؤذن]

مشكور
على ما افدتنا به
تحياتي

[البتار]

بارك الله فيك
على ما تقوم به
احترامي

[المتابع]

بارك الله فيك
كتبت فقرأت فاستفدنا
تحياتي واحترامي