رجلٍ بلا ظهرٍ ولا عنده اموال

[الطائر المهاجر]

رجلٍ بلا ظهرٍ ولا عنده اموال = ولا هو منافق والكذب من حراويه
ونفسه عزيزه ما تدنى للاوحال= يعيش سيرلنكي ولا من يراعيه
في وقت صعب انك تلاقي به رجال= على المبادي اللي تشابه مباديه
صاروا عبيد الفلس والكل يحتال= من شان يجمع لو سرق من يواليه
وصاروا عبيد الجاه والكل يختال= ولو كان خدّامٍ توطّى علابيه
احوال جدت زادت الخلق بخبال= ومن لا يسايرهم فلا احدٍ يدانيه
ياحيسفا يا احفاد شجعان وابطال= وشلون كلٍ تاه محدٍ مقديه
الغرب برمجكم على طرد الاموال= وترك المبادي اللي يراها تعاديه
حتى غديتوا بين شاري ودلال= للي لفظه الغرب ماهوب باغيه
تبون دنيا وجاه من غير افعال = وكل يبيع لضامره مثل اواعيه
كلش تبيعونه لاجل قرش وريال= حتى ولو باع الرجل دين يحميه
ترى الحضاره ماهي شماغ وعقال= ولاهي عماير شاهقه في مبانيه
ولاهي مناصب من وصلها على الحال= يسرق وينهب ما يحسّب لتاليه
حضارةٍ من دون علمٍ للاجيال= كرتون ما اسرع ما يطير الهواء فيه
علمٍ حقيقي بالمعامل له اعمال= ومصانعٍ تلغي المورّد وتنهيه
وتشغّل العاطل فلا فيه بطّال = حتى ولو حرمه بشغلٍ تواليه
تحفظ كرامة من وصل حد الهبال= ماهوب قادر يشتري علاج يشفيه
والبنت للحاجه مشت درب ميّال= وشباب ضايع مالقى من يراعيه
وحنا نوّرد ما نبي بن ودلال= وحتى رغيف الخبز لابد نشريه
ولا من تتبعنا البلى بكل الاحوال= نلقى هوامير الطمع ما تخليه
والا الحكومه زادها الله اجلال= ما قصّرت فالدعم بلحيل ترهيه
بقيادة اللي صار مضرب للامثال= عبدالله الوافي بدربٍ مشى فيه
يحفظه ربي ويرجعه باحسن الحال= فالشعب كل الشعب من قلب يغليه
ويحفظ عضوده من رجاجيلٍ ابطال= درع الوطن نارٍ على من يعاديه

[النوفل]

شكرا لإمتاعنا بإبداعك
لاهنت
تحياتي

[حي الضمير]

صح لسانك ياشاعر الحكمه
ابدعت وعوايدك ياعميد

[عبدالعزيز العمار]

صح لساااانك وفكرك وكلك
جزل في كل شي يابوعبدالله وأحسنت وماقصرت
وصدقت باللي قلته ومانقول الا الله يرحم الحال
تقبل مروري وخالص تحياتي

[منيع]

اكثر من رائعة ومعبرة
شكرا لكم
تحياتي

[الطامي]

الطائر
صح السانك ملايين
رائعة جدا
وما فيك حيله يالغالي
شكرال ك

[كظيم]

ابو عبدالله
صح لسانك وفكرك
ابيات شامخه وجزله
حاكت واقعنا
لله درك
والله برحم الحال
تقبل مروري المتواضع لاهنت
ودي وتقديري

[عبير الورد]

الله الله


صح لساااانك ملايين

سلمت وسلم منطوقك الجزل

ربي يعطيك العافية

[نجم الإبداع]

الله يرجع ابو متعب بالسلامه

وصح لسانك يابو عبدالله

مصافحه وافيه

لاهنت

تقبل مروري

وتقديري

[أم ريما]

يحفظـه ربــي ويرجـعـه باحـسـن الـحـال

فالشعـب كـل الشعـب مــن قـلـب يغلـيـه

ويحفـظ عـضـوده مــن رجاجـيـلٍ ابـطـال

درع الـوطــن نـــارٍ عـلــى مــــن يـعـاديــه

صح لسانك

من اروع القصائد رااائعه فعلا

يعطيك العافيه

وتحياتي لك