قصيده زوج مدرسه

[بنت العز]

هذا سلمكم الله رجال تزوج مدرسة المهم جابت المعاش اخر الشهر وحطتة بصندوق شقاها وحلالها مالزوج فية المفروض هو اللي يصرف عليها المهم حطتة بالصندوق ووقام وداها للسوق وتغفلها ورجع للبيت وخذ من الفلوس سبعة الاف وزود حسب مايقول المهم زعلت زوجتة لما درت وراحت لهلها وقالت لاخوها جى ااخوها لزوجها شوفو شسوى بالزوج بالقصيدة الصراحة يستاهل اللي جاة هههههههههههه.

لي زوجــــة حُبَّه يتــل المعــاليق = عرسي عليها العام بأول شـــباطي
من روحتَه والزاد بالبيت مــاذيق = ولا أميز العلم القــوي والـــــــخراطي
ومُدرسة مع زين كل التخـــــاليق = وزود على هذا تعـرف الخــــياطي
وجابت رويتبها وصفـقت تصـفيق = تســعة الاف كلـــهن بالمـــــغاطي
وصكت عليه بغرفتَه بالصنــاديق = وغطت على صندوقهن بالبساطي
وديتها تشـــــري قدور وأبــــاريق = وانا انطلقت للبيت يم الشنــاطي
وأخذت سبعة آلاف معهن تلاحيق = وخليت أنا ألف وخمس معهن افراطي
اعرفت وقالت عندك اليوم ماليق = والله لوتــربط برجـــــلي إربـــاطي
وأنا عــــــرفت إني توهقت تــــوهيق = يا الله يا رب اتــــــهديـن الصــــراطي
وقالـــت لاخوها كل شي بتـوثيق = وجـاني حـَـلال الـــقوم راع النشـــاطي
ثمن ضـــــربني ضربةٍ تيبس الـريق = وقام وفــرشني فـــرشتة للــسماطي
وقـــام يــــتوطاني بلـيا تــــــرافيق = ويرجــــد علي ويمســحن بالـبلاطي
أوجس بصدري عقب ضربه حشاريق = قـــمت أتنـــــفس عـــقبها من اباطي
لي تســعة أيـام وأنا بي تشــــاهيق = عجزت أسولف كن فيني اصـقاطي
بـــراسي صعارير سـواة الزرانيق = ومضــــارب بالـــــــبطن مثل المقاطي
ولا ضاق صدري قمت أجمِّع طوابيق = و إلى توســـع قـــمت أجمِّع قــواطي
انا احمد الله بدّل الضوق بالضيق = والهـــــم من راسي نزل للـــمواطي

[الطائر المهاجر]

غلطان ياللي تاخذ وحدةٍ لها تلاحيق=فماجاك تكفيرٍ لبعض الخواطي


شكرا لك
تحياتي

[محمد عبدالله البدراني]

هههههههههه

والله قصيدة شي


ويستاهل اللي جراله



شكرا بنت العز


وسلمتي ودمتي


تحيتي لك

[داعي الشوق]

الله يعينه

مسكين والله

مشكوووووووورة بنت العز

********

[همس الورد]

مسكين الله يعينه

مشكووورة بنوووتة

[نفحات حساسة]

يالبيه..

ههههههههههههههههههههه

[سناعيس]

صح لسانه
ههههههههههههه
عليك مواضيع يابنت العز

تحياتي

[زهرة اللوتس]

هههههههههههههههههههههههههههههه ههه
غلبان مسكين

[بنت العز]

سلمتو ولاهنتو
اسعدني مروركم العطر
يعطيكم الف عافيه

[الخنساء]

صح لسانه

هههههههههههههههه

والله مقرووووودات المدرسات